Jɔ̌n 16:28 - Mundani

²⁸ E ndi ndzə abua Tǎt am ka nkɨ̀Ꞌɨ̂ a sitsǎꞋ, mè ngu anè ntsìꞋa sà sitsǎꞋ ewène abua tò.”

Jɔ̌n 16:28 ပူးပေါင်းရင်းမြစ်များ

Lûk 24:51

Mbɨ̀Ꞌɨ̀ tàa fà̧à̧te awɔb la, tà bê ŋèꞋe avi a si me kɔꞋɔ nga ègwet.

Lûk 9:51

AfɨꞋa Yesò nàa ghǎ a ègwet la, a li mbùꞋ tè me kùꞋu. Ale, tà nɔ̀ŋè èntɨ̧ɨ̧ vi ane lèghȩ̀ȩ̀nè vi a mànga a Jèlusalèm.

Jɔ̌n 13:1

È li ntsìꞋi àli yeamɔꞋ, àlia èpǎ̧ Màntsea a ègwet a kùꞋ, Yesò ko nê, àfɨꞋa ye bɔ ndɨ yèa sǎ sitsǎꞋ yàa e ghǎ ekwene ane tǎt vi la a tsiꞋa nkùꞋà. Mbɨ̀Ꞌɨ̀ tà yaŋe wua nkɔ̀ŋkà bòt bu è wu bi a ngɔ̀ŋ ŋaa la, tà pàa nyɨ̀Ꞌte èkɔŋ vi ane yɔb tè ngà ndìà.

Jɔ̌n 13:3

Yesò me wu azi ale nko nê, tǎt vi zǐ èghɨ ègème a tèkitebu ti, mè nko nê ye dzə abua Mbɔ̧ɔ̧mà, mè me wu anè ngua ntsiꞋa ngwèna abua tò.

Jɔ̌n 14:28

“Bɨ zə ndɨ mâ laꞋnê, e tsiꞋa ngà ghǎ, mbɔ̂ ngua nga mèe ekɨꞋɨ abua yɨ̧ la. Bɨa ghɨ̀ ale ngua nkɔ̀ŋkè am, ko bɨa me wùꞋtè àwɨ̧ nê, e tsiꞋa nga abua Tǎt am, nkàà nê tà tsè am.

Jɔ̌n 16:10

Bɔɔ li eye àghɨa màngɨa àghɨa Mbɔ̧ɔ̧mà nàa nkɨà la wu yùà la, nkàà nê, e tsiꞋa nga abua Tǎt am, kà bɨ wu tsi eye am.

Jɔ̌n 16:16

“AdzìꞋ naa me wù̧ù̧ne bɨ̀ ka tsi ndzè am; ka àdziꞋ mè ngu me wù̧ù̧ne bɨa ye am.”

Jɔ̌n 16:30

Ba ko àfɨ̀Ꞌ yaa nê à ko èghɨ ègème, tè wòt kà lem tsi mbɔ̌ ndɨ tàa mèe me biite àwê ànəa ko kà à shu atò la. Àyaa a ghɨ̂ ba bɨ̧ɨ̧nè nê, à dzəa abua Mbɔ̧ɔ̧mà.”

Jɔ̌n 16:5

“E ngu anè ngà abua wòt wu tà li ntsàà am la, mbɔ̂ wòt wɨ̧ ka lem mbììte laꞋnê, ‘À ghǎ nè ŋà?’

Jɔ̌n 17:11

E ngu anè ntsiꞋa sà ngɔ̀ŋ yaa ekɨꞋɨ kwene ane yê, ka bɔ bɔ̂ ngu àyɔb a si nga etèꞋa a ngɔ̀ŋ ŋaa. Lefɨ̀Ꞌ, àwɔ̀ wu à tsè bètǎt bàgème la leꞋ, baabe awɔb wu à ŋa abua am la ane mètàŋ mê, è wu mètàŋ mu à ŋa abua am la, mbɨ̀Ꞌɨ̀ bɔɔ tsiꞋi àghɨ yeamɔꞋ, mbɨ̀Ꞌɨ̀ ba nè è wu àghɨ yeamɔꞋ mɨ̧̂ la.

Jɔ̌n 17:13

“E tsiꞋi alu̧ àfɨ̀Ꞌ yaa nkɨ̀Ꞌa abua yê, mbɔ̂ mbele a sitsǎꞋ ndàꞋà mènəè maa, mbɨ̀Ꞌɨ̀ mèngùꞋte naa nèète èlu̧ a mèntɨ̧ɨ̧ mɔb, mbɨ̀Ꞌɨ̀ è lu̧u̧ a wɔ̧ la.

Jɔ̌n 17:5

È wu ale a Tè, ghɨa àfɨ̀Ꞌ yaa è mbɔ ènɨ̧ wu a ngèt yê, è wù ènɨ̧ wu e ndi mbɔŋ ka ngɔ̀ŋ naa li ewu la.

Jɔ̌n 8:14

Yesò bɨ̀ɨ̀lè nê, “E màà ngua nta wu ànəê am, kà ye nkɔꞋàkwèn am, ko ànəa e shua la wu nkûŋ, nkàà nê mâ ko àdziꞋa e ndzəèà la, mè nko àdziꞋa e ngà la, ka bɨ̀ambɔŋ e bakà ko àdziꞋa è ndzəèà la, bɨ̀ ka ko àyea e ngà la.

Jɔ̌n 8:42

Yesò mè shu abua yɔb nê, “Mbɔ̧ɔ̧mà ghɨ̀ ale ndâ ngu tǎt wɨ̧, ko bɨa nkɔ̀ŋkè am, nkàà nê e dzəè abua tò ka nkɨ̀Ꞌɨ̂, è nka kɨꞋɨ àtsə am mmɔ̌ mbɔŋ, tòà ka tà tsàà am la.