Jɔ̌n 16:22 - Mundani

²² Wu wuê ndɨ bɨ̀ wu ane tèsȩ àfɨ̀Ꞌ yaa la. Ka maa me ghɨ̀ tê mè ndzè àwɨ̧, mèntɨ̧ɨ̧ mɨ̧ lu̧ ne mèngùꞋte. Eyaa èwuu mèngùꞋte mu betsiꞋa wòt kà ko ntsì mùà a mèntɨ̧ɨ̧ mɨ̧ la.

Jɔ̌n 16:22 ပူးပေါင်းရင်းမြစ်များ

Matìù 28:8

Ale, bɔ lɔ̀Ꞌ àtsəasì yu me lùùla ngà e shu bɔkatè Yesò, ngà ale mbɔ̀â, ka mbɔ̂ me wùꞋtè àwɔb kwàꞋ ànyaꞋne ane àghɨa a ghɨ̀ la.

Lûk 10:42

Ka ndàꞋ àghɨ yeamɔꞋ aa və à bɔ ndɨ à ghɨ̂ ngu me ŋa awê ngoꞋ adù̧ la. Màlià lȩ̀ àghɨa ntsɔ̧̀ mbɔŋ. BetsiꞋa bɔ̀ ka lɔꞋ àlia nɨ àyùà abua tò.”

Lûk 16:25

“Abàlàghâm nê, ‘Waã am, è li ngu àfɨ̀Ꞌ yu à bele a ngɔ̀ŋ la, à bɔ̀ èghɨ ntsɔ̧̀ ègème, ka Lazalɔ̀s wu ane ngoꞋ. Ka nè àfɨ̀Ꞌ yaa, tà wu ane mèntsèke ntsɔ̧̀, è me wu awê, à wu ane ngoꞋ.

Lûk 19:26

“TsiꞋ è shu awɨ̧ nê, ‘Wòt tà bɔ àghɨ la, bɔɔ kwèꞋne aa taꞋa yaãaã, ka è me wu wu kà bɔ àghɨ la, ko bɔɔ paa kàyaã wu tà bɔ la enɨ.

Lûk 24:41

Ale a bê ntsè àwɔb, mèngùꞋte lu̧u̧ a mèntɨ̧ɨ̧ mɔb, tè bɔ tsiꞋa mbɨ̧̀ɨ̧̀na ànəa tà shua la kekaŋ. Tà bììte awɔb nê, “Bɨ bɔ àghɨa ko àdzìꞋ yaa betsiꞋa wòt jɨ la à?”

Jɔ̌n 14:1

Yesò mè shu abua bɔkatè bi nê, “Mbɨ̀Ꞌɨ̀ ànəa a me saa wɨ̧ a èntɨ̧ɨ̧ wɨ̧. Bɨ̀ zǐ èntɨ̧ɨ̧ wɨ̧ ane Mbɔ̧ɔ̧mà, mè ndzì èntɨ̧ɨ̧ wɨ̧ ane yaã.

Jɔ̌n 14:19

AdzìꞋ naa me wù̧ù̧ne bòt ngɔ̀ŋ yaa è ka tsi ndze am, ka bɨ bɔ̂ ngu eye am, nkàà nê ndɨ̀ wu màa və àfɨ̀Ꞌ àgème la, bɨa wu a yɨ̧ mɨ̧̂.

Jɔ̌n 14:27

Mâ sa àlàŋkè abua yɨ̧, mâ ŋa àlàŋkè am abua yɨ̧, ka è nka ŋa mbɨ̀Ꞌɨ̀ bòt ngɔ̀ŋ àa ŋǎ la. Mbɨ̀Ꞌɨ̀ mèntɨ̧ɨ̧ mɨ̧ me bente, bɨ̀ ka mbɔa.

Jɔ̌n 16:16

“AdzìꞋ naa me wù̧ù̧ne bɨ̀ ka tsi ndzè am; ka àdziꞋ mè ngu me wù̧ù̧ne bɨa ye am.”

Jɔ̌n 16:20

Ane nkûŋ, tsiꞋ è shua wɨ̧ nê, bɨ bele me dɨ̌ mè shùà mèsi, ka bòt ngɔ̀ŋ e bɔ̂ ngu me wùꞋtè àwɔb; mèntɨ̧ɨ̧ mɨ̧ mè ngu me bɨɨ, ka mbɔ̂ ngu elɔ̀Ꞌɔ gheble etsiꞋa mbɔ̀.

Jɔ̌n 16:6

Ka ndɨ̀ wu mâ shua wɨ̧ mènəè maa la, tèsȩ te lu̧u̧ a mèntɨ̧ɨ̧ mɨ̧.

Jɔ̌n 21:7

ÀfɨꞋa mbɔŋ, wakatè wu Yesò taꞋa wua nkɔ̀ŋkà tò la shu abua Pità nê, “Wu Tè Yesò!” Mbɨ̀Ꞌɨ̀ Simùn Pità è zə nê wu Tè Yesò la, tà vi ndǐ ègwet zi tà ghɨ̂ me fàꞋa ale ntsì nɔŋe a si la, nkwaã mbɔ̂ nkȩ nteme a èbem *èdzî wu.

Jɔ̌n 4:14

ka wòt ègème tà nu mèleb mu màa ŋa abua tò la, àtɔŋ tò à ka lɔꞋ àlia ntsi nju̧. Mèleb mu màa ŋa abua tò la, naa tsiꞋi ane tò mbɨ̀Ꞌɨ̀ adzì nàa nkɔꞋɔ a si àfɨ̀Ꞌ àgème ŋǎ tò mèmpème kàlìà la.”

ÀfaꞋa 13:52

Bɔkatè Yesò bu a Antìɔ̀k la e me wùꞋtè àwɔb, Fo Kèfə lû̧ a mèntɨ̧ɨ̧ mɔb.

ÀfaꞋa 16:25

È lɔ̀Ꞌ me wu a èntɨ̧ɨ̧ ètsəꞋ Pɔ̂l bɔ̂ Sȩlàs e me tsàꞋtè a Mbɔ̧ɔ̧mà, mè nkɔ̧̀ɔ̧ mètsəkù̧ abua tò. Bɔtefȩ ko bu e me yute ndɨ bɔ kɔ̧ɔ̧ la.

ÀfaꞋa 2:46

Bɔ li ngua mbù̧ù̧tà ane ènɔ̧̂ wemɔꞋ a èbem lob nɨ̧ Mbɔ̧ɔ̧mà a Jèlusalèm àli àgème. Bɔ li ngua njɨ̀a èghɨjɨ bɔb adzìꞋ yeamɔꞋ a èpfəè bɔb, nè èntɨ̧ɨ̧ kèfə mè ngùꞋtà wɔb.

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.

2 Kɔlìn 6:10

Ènyit ya aa ntsèka àfɨ̀Ꞌ àgème mbɔ̀ ka wuê àfɨꞋa bà wu ane tèsȩ la, ntsèka mbɨ̀Ꞌɨ̀ bòt ntseb, ka mbɔ̂ me ghɨ̌ bòt nyaŋ e zəa ntsɔ̧̀, mè ntsèka mbɨ̀Ꞌɨ̀ bòt kà bɔ àghɨ, mbɔ̂ mbɔ àghɨ àgème.

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

Ebùlù 10:34

Bɨ li ndzě ngoꞋ nè bòt bu bɔ zì àwɔb a tèfȩ la, bɔ mè fà èghɨ bɨ̧ ègème, ka àyea ngaa à ka ye awɨ̧, bɨ me wùꞋtè wuê awɨ̧ nkàà nê, bɨ li nko nê bɨ bela mbɔ̌ ngule èghɨ ntsɔ̧̀ bu Mbɔ̧ɔ̧mà li nkàꞋ la, è wù èghɨ àa tèꞋa ane àlia nè àlia la.

Ebùlù 6:18

Èghɨ aa bebe betsiꞋa è ka kubtè la, Mbɔ̧ɔ̧mà kà mê ngu elàꞋà mèfà̧ adù̧ la. Ale, bàa wu ba ghǎ abua Mbɔ̧ɔ̧mà mbɨ̀Ꞌɨ̀ epeme la, e lâ nko nê, baa bɔ àghɨ yu ba nɔ̀ŋe ntɨ̀ ya me chɨ̀Ꞌɨ nê Mbɔ̧ɔ̧mà nɔ̀ŋe abua ya la.

1 Pità 1:8

Bɨ bakà ye atò, mbɔ̂ me kɔ̀ŋkè atò, mè ndzì mèntɨ̧ɨ̧ mɨ̧ ane tò kà ye atò. Mèntɨ̧ɨ̧ mɨ̧ è lu̧u̧ àfɨ̀Ꞌ yaa nè mèngùꞋte è ghe tê fɨ̀Ꞌ kà wu la,