Jɔ̌n 15:8 - Mundani

⁸ Bɨ me ghɨ̀ èghɨ ntsɔ̧̀ nyaŋ ko bòt aa ye nê bɨ wu bɔkatè bɔ̧ e lɔ̀kè èlen Tǎt am e tsaa ègwet.

Jɔ̌n 15:8 ပူးပေါင်းရင်းမြစ်များ

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

Matìù 5:44

Ka e ngua shua wɨ̧ nê ‘Bɨ̀ me kɔ̀ŋkè bɔmbù̧ bɨ̧, mè tsaꞋta a Mbɔ̧ɔ̧mà ane bòt bu bɔ̀ɔ nkɨà ètsə bɨ̧ enɨ la.’

Matìù 9:8

Mbɨ̀Ꞌɨ̀ ènɔ̧̂ bòt bu e ye ale la, kèbɔɔ ke baãaã wɔb, bɔ tsiꞋi me wùꞋte a Mbɔ̧ɔ̧mà wu tà ŋa èwuu àtɔŋ yàa abua wɔ̀bȩ̂ la.

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

Jɔ̌n 13:35

Bɨ me kɔ̀ŋkè bɔnyɨ bɨ̧ anè, ko bòt bàgème aa ko nê bɨ wu bɔkatè bɔ̧.”

Jɔ̌n 15:5

“E ngu àyɨt vȩn, bɨ wu mèntaãaã. Wòt tà wu àghɨ yeamɔꞋ nè nà̧, e mè ngu àghɨ yeamɔꞋ nè tò la, wu mbɨ̀Ꞌɨ̀ èntaãaã àyɨt àa nkɔ̀ɔ̀la ntsɔ̧̀ la. Tà bakà wu nè nà̧ tà kà koê ngɨ̀ àghɨ.

Jɔ̌n 8:31

Yesò ghɨ̀ ale, shu abua Bèjuê bu bɔ zi èntɨ̧ɨ̧ wɔb ane zi la nê, “Bɨ me ghɨ̀ àghɨa mâ shu awɨ̧ la, ko bɨ lâ ngu kwàꞋ bɔkatè bɔ̧,

1 Kɔlìn 10:31

Ale, ghàa ghàa wòt nàa ngɨ̀à la, kò wu àghɨa tà jɨa la, kò àyea tà nua la leꞋ, tà me ghɨ̀ àghɨa bòt àa ye me kukta Mbɔ̧ɔ̧mà la.

1 Kɔlìn 6:20

Tà li njù̧ù̧ awɨ̧ yu̧. Ale, bɨ̀ me nɨ mbɨ̧te ènyit tɨ̧ nɨa nkùkta Mbɔ̧ɔ̧mà.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Tȩtɔ̀s 2:10

bɔ̀ ka ntsɔ̌ àghɨ abua yɔb. Bɔ̀ nyɨꞋte wuê nê, bɔ wu bòt ntsɔ̧̀, mè ngu bòt betsiꞋa wòt lɨ̀Ꞌ àvi ane yɔb la. Mènəè mɔb ègème wua mbɔ̀ èlɨ̀ waa, ko bòt aa me kɔ̀ŋkè mènəè mu ba nyɨ̀Ꞌta ane Mbɔ̧ɔ̧mà wu tà wu Mpemnà wa la.

Tȩtɔ̀s 2:5

Bɔ̀ nyɨꞋte bèzi techɨɨle baa ndɨ̀ bɔ̀ɔ me koa mbà̧aã mèntɨ̧ɨ̧ mɔb ka ngɨ̀à mènəè la, mbààba ènyit yɔb, nko ndɨ bɔ̀ɔ me mbà̧aã lob tɔb ntsɔ̧̀, ngɨa ntsɔ̧̀ abua bòt, mè ndzəa bèlu̧ bɔb la. Bɔ̀ me ghɨ̀ anè mbɨ̀Ꞌɨ̀ wòt kǒ làꞋa kàbɔ̀ŋ adù̧ èngǎ̧ Mbɔ̧ɔ̧mà.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.