အွန်လိုင်း သမ္မာကျမ်းစာ

« အရင်

နောက်တစ်ခု »

Jɔ̌n 15:24 - Mundani

²⁴ Mâ ghɨ̀ ale, è nka ghɨ èghɨ kà wòt tsa li mè ghɨ̌ a kètsìà wɔb, ko bɔ bakà ko laꞋ nê, bɔ wu bòt mènəè kàbɔ̀ŋ, ka nè àfɨ̀Ꞌ yaa, bɔ ye èghɨ mbɔŋ, mbɔ̂ me pààbè awa ba Tǎt am.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Jɔ̌n 15:24
36 ပူးပေါင်းရင်းမြစ်များ

Matìù 11:5

Bòt àghɨ àleme e ye èdziꞋ, bòt èka bɔb e ŋɔꞋte la, e lɔ̀Ꞌ tè ntsìꞋa ngȩ̀ȩ̀nà ndɨŋndɨ̀ŋ, bòt àghɔ̧atsɔꞋɔ e pem, mbûꞋtsə te zə èdziꞋ, bèmpfəà be yu̧u̧mè, bɔ mè tsɔ̀tè Ntu̧ Ntsɔ̧̀ Mbɔ̧ɔ̧mà abua bòt ngoꞋ.

အခန်းကိုကြည့်ပါ။

Matìù 21:32

A me wu ale ngu nê Jɔ̌n ndzìà èdzî li nkɨ̀Ꞌɨ̂ nyɨ̀Ꞌte awɨ̧ alu̧ ndɨ bɨ̀a me ghɨ̀ àghɨa Mbɔ̧ɔ̧mà nàa nkɨà la, ka bɨ tu̧u̧ ebɨ̧ɨ̧ne ànəa tà li ngua shua la. Bèfetà èkab taksì, nè bèghȩ̀ȩ̀ne ghȩȩne e bɔ̂ mbɨ̧̀ɨ̧̀ne. Ka bɨ ye ale, ntsiꞋi akwèn bɨ̀ ka lem kùbte mèntɨ̧ɨ̧ mɨ̧, ebɨ̧ɨ̧ne ànəa tà shua la.”

အခန်းကိုကြည့်ပါ။

Matìù 9:33

Mbɨ̀Ꞌɨ̀ tà fəè fo kàbɔ̀ŋ yu la, mbûꞋ yu bùꞋ me làꞋa. Ànəa mbɔŋ a ntsè wòt ègème. Bɔ tsiꞋi me shu nê, “Ba te bakà ye èwuu ànəê yaa a Izəèlȩê.”

အခန်းကိုကြည့်ပါ။

Ntu̧ Ntsɔ̧̀ MAK 2:12

Ŋut bê ndɔ̀Ꞌ a si ŋèꞋe àkwàŋkè zi yu me ghà àbȩ a mbì lɔb bàgème. A tsè ènɔ̧̂ bòt bu, bɔ tsiꞋi me wùꞋte a Mbɔ̧ɔ̧mà shua nê, “Ba te bakà ye ànəê àko anè!”

အခန်းကိုကြည့်ပါ။

Lûk 24:19

Yesò mè mbììte nê, “Ka ànəê à?” Bɔ bɨ̀ɨ̀lè nê, “Ànəa a ghɨ̀ ane Yesò wu, tà wu wòt Nazàlet la. Tà lè wu ndàꞋàtɔŋ Mbɔ̧ɔ̧mà, mbɔ̂ bɔbȩ e li nɨa tò mbɨ̀Ꞌɨ̀ wòt tàa ngɨ̀à mènəè kà ye fɨ̀Ꞌ ane èghɨ ègème tàa shuà mè ngɨ̀à la.

အခန်းကိုကြည့်ပါ။

Jɔ̌n 10:32

Yesò shu abua yɔb nê, “Mâ taꞋa ghɨ̌ efaꞋa ntsɔ̧̀ e dzəâ abua Tǎt am la, bɨ ye. Bɨ kɨ ebùŋè am ane ayea ŋa ane ebe mbɔŋ à?”

အခန်းကိုကြည့်ပါ။

Jɔ̌n 10:37

Èghɨ bàa e ngɨ̀à la, è bakà wu ebe edzə abua Tǎt am Mbɔ̧ɔ̧mà la, bɨ̀ ka bɨ̧ɨ̧ne ànəa e shua la,

အခန်းကိုကြည့်ပါ။

Jɔ̌n 12:10

Ale, bètǎt bèntsìà mèpɨ̧̀ Mbɔ̧ɔ̧mà e me taŋke ebùŋe a Lazalɔ̀s mɨ̧̂,

အခန်းကိုကြည့်ပါ။

Jɔ̌n 12:45

Wòt tà ye am la ko nê ye ye wòt wu tà tsàà am la mɨ̧̂.

အခန်းကိုကြည့်ပါ။

Jɔ̌n 14:9

Yesò shu abua tò nê, “Nko nê à bele kà ziꞋ nko am ane àfɨ̀Ꞌ à seè yaa mâ tseke ba nɨ̧̀ ba la a Filìb? Wòt tà ye am la ko nê, ye ye Tǎt am. À ghɨ̀ na ka nê è nyɨꞋte awɨ̧ a Tǎt am à?

အခန်းကိုကြည့်ပါ။

Jɔ̌n 15:21

Ka bɔ̀ɔ ghɨ̧̀ɨ̧̀nè àwɨ̧ anè ndɨ̀ wu bɨ̀ wu bòt bɔ̧ la, nkàà nê, bɔ bakà ko wòt tà tsàà am la.

အခန်းကိုကြည့်ပါ။

Jɔ̌n 15:22

Mâ ghɨ̀ ale, è nka kɨꞋɨ elaꞋa abua yɔb, ko bɔ bakà ko laꞋ nê bɔ wu bòt kàbɔ̀ŋ, ka nè àfɨ̀Ꞌ yaa betsiꞋa bɔ ka tsi nkoê shu nê, àghɨa bɔ ghɨ̀ la ntsě kàbɔ̀ŋ.

အခန်းကိုကြည့်ပါ။

Jɔ̌n 15:23

Wòt me pààbè am, tà ko nê, yeà mpaaba Tǎt am mɨ̧̂.

အခန်းကိုကြည့်ပါ။

Jɔ̌n 16:9

Taa li nyɨ̀Ꞌte nê bɔɔ ngɨa kàbɔ̀ŋ nkàà nê, bɔ bakà zi mèntɨ̧ɨ̧ mɔb ane yaã.

အခန်းကိုကြည့်ပါ။

Jɔ̌n 3:2

È wu ètsəꞋ ane àli ako tà gha àdziꞋa Yesò naa tsèka la shu abua atò nê, “Labȩ̀, ba ko nê à wu nyɨꞋtà Mbɔ̧ɔ̧mà tsàà la, nkàà nê Mbɔ̧ɔ̧mà bakà wu nè wòt, tà kà ko ngɨ̀ tèwuute ènəê kà ye fɨ̀Ꞌ taa àa ngɨ̀à la.”

အခန်းကိုကြည့်ပါ။

Jɔ̌n 5:36

“Ka èghɨ màa ngɨ̀à la aà nyɨ̀Ꞌta wòt è ngu wùà la, tè ntsè àghɨa a li nyɨ̀Ꞌte ane ànəa Jɔ̌n li shu ane yaã la, nkàà nê e ngu anè ngɨ̀à èghɨ bu Tǎt am li nê è mpaa ngɨ̀ la. Wu bùà bu èa nyɨ̀Ꞌta nê tòà ka tà tsàà am la.

အခန်းကိုကြည့်ပါ။

Jɔ̌n 6:36

Ka mbɨ̀Ꞌɨ̀ maa lɔ̀Ꞌ shua wɨ̧ la, bɨ ye am ka bɨ̀ ka wua nkɨ ezì mèntɨ̧ɨ̧ mɨ̧ ane yaã.

အခန်းကိုကြည့်ပါ။

Jɔ̌n 7:31

Ka bòt nyaŋ ayɔɔ ènɔ̧̂ bòt bu e ghɨ̀ ale ndzì mèntɨ̧ɨ̧ mɔb ane tò tè me làꞋa shua nê, “Tè Fɔ̧̀ wu Mbɔ̧ɔ̧mà li ndzɔꞋ etsàà la naa li kɨꞋɨ e ghɨ̀ tèwuute ènəê kà ye fɨ̀Ꞌ te tsè è taa mbê waa ghɨ̀ la à?”

အခန်းကိုကြည့်ပါ။

Jɔ̌n 9:32

Mbɨ̀Ꞌɨ̀ ngɔ̀ŋ li ndɔ̀Ꞌ mbùꞋ la bɔ te bakà zə nê wòt kǒ ghaꞋa àghɨ a wòt bɔ me bia tò a lem la.

အခန်းကိုကြည့်ပါ။

Jɔ̌n 9:41

Yesò bɨ̀ɨ̀lè nê, “Bɨ me wu ale ngu bòt àghɨ àleme ko ànəa mbɔŋ a bakà baãaã wɨ̧ e laꞋ nê bɨ ghɨa kàbɔ̀ŋ; ka ndɨ̀ wu bɨ laꞋnê bɨa ndzea èdziꞋ la, ànəa mbɔŋ a bele àtsəa yɨ̧.”

အခန်းကိုကြည့်ပါ။

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

အခန်းကိုကြည့်ပါ။

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.

အခန်းကိုကြည့်ပါ။

Lûm 1:30

Ntsòkà tèlente bòt, mpààbà a Mbɔ̧ɔ̧mà, ntsò̧ò̧tà bòt, ŋèꞋa tèkwȩ tɔb a ègwet, shua nê bɔ ghe. Bɔ mè me ntsèka mɨ̀ɨ̀tà wuê balu̧ fi a màngɨa kàbɔ̀ŋ, bɔ̀ ka wua ndzəa bètǎt bɔb bɔ̂ bènyɨ̌ bɔb.

အခန်းကိုကြည့်ပါ။

2 Tɔ̀màtià 3:4

Bòt aa li tsiꞋa ndàꞋà mèngà̧ nɨ̀a fɨ̧̀ɨ̧̀nà beko, ngɨ̀à mènəè èkèghɨ̧̀ ŋèꞋa tèkwȩ tɔb a ègwet kwàꞋ ànyaꞋne. Bɔɔ li tsiꞋa nkɔ̀ŋkà wuê èghɨ àa mbɔ̀ àwɔb la, tè ntse a Mbɔ̧ɔ̧mà.

အခန်းကိုကြည့်ပါ။

Jimsì 4:4

Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ