Jɔ̌n 15:20 - Mundani

²⁰ Bɨ̀ ku̧u̧te èngǎ̧ wu mâ yaã shu abua yɨ̧ la, wafàꞋ bakà tse a tǎt àfàꞋ vi. È wu nê bɔ li ngua nkɨà àtsəa am enɨ, ko bɔɔ me kɨa ayɨ̧ enɨ mɨ̧̂. È wu nê, bɔ li ngɨ̀ mbɨ̀Ꞌɨ̀ èngǎ̧ am e shua la, ko bɔɔ̀ me ghɨ̌ mbɨꞋɨ̀ bɨ shu la mɨ̧̂.

Jɔ̌n 15:20 ပူးပေါင်းရင်းမြစ်များ

Matìù 10:24

“Wakatè bakà tse a nyɨꞋtà vi, wafàꞋ kà meè tsea tǎt àfàꞋ vi.

Ntu̧ Ntsɔ̧̀ MAK 10:39

Bɔ nê “Baa ko nu.” Yesò mè shu abua yɔb nê, “Wu nkûŋ nê bɨa li ko enu ndɔŋ yaã, bɔ mè ngu zì àwɨ̧ a èdzî wuê èlɨ̀ wu bɔ̀ɔ zì am la.

Lûk 2:34

Simiòn ghɨ̀ ale, fà̧à̧te awɔb ndɔ̀Ꞌ èshu abua Màlià, nyɨ̌ waã wu nê, “Mbɔ̧ɔ̧mà làà waã waa nê tà kɨꞋɨ a èbem àlaꞋ a Izəèlȩê è shuke bòt nyaŋ a si mè ndɔ̀Ꞌ ndɔ̀kè bòt nyaŋ a ègwet. Taa li wu mbɨ̀Ꞌɨ̀ àlȩê a dzə abua Mbɔ̧ɔ̧mà la, bɔbȩ aa me làꞋa ntàꞋa èlen tò kàbɔ̀ŋ.

Lûk 6:40

Wakatè bakà tsea nyɨꞋtà vi, ka àfɨꞋa tà paa àkatè azi la, tà tsìꞋi mbɨ̀Ꞌɨ̀ nyɨꞋtà vi wu mɨ̧̂.

Jɔ̌n 10:31

Tà làꞋ ale, Bèjuê bu e mè ngwȩ̀ȩ̀te àti nê bɔ kɨ enɨ etemte atò.

Jɔ̌n 11:57

Bɔɔ ngɨ̀à ale, bètǎt bèntsìà mèpɨ̧̀ Mbɔ̧ɔ̧mà nè Bèfalèsiì e yaŋe shu nê, wòt koê àdziꞋa tà wù la, ŋut ghɨ̀ bɔ koê, mbɨ̀Ꞌɨ̀ ebaãaã tò.

Jɔ̌n 13:16

KwàꞋ ane nkûŋ tsiꞋ è shua wɨ̧ nê, WafàꞋ bakà tse a tǎt àfàꞋ vi, wantu̧ ka tsè a wòt wu tà tu̧a tò la.

Jɔ̌n 5:16

Yesò ghɨ ànəê yaa àliapfəèa Bèjuê ale, a ghɨ̂ bɔɔjuŋ bu e me kɨ àtsəa tò enɨ.

Jɔ̌n 7:32

ÀfɨꞋa mbɔŋ Bèfalèsiì ko e zə ndɨ ènɔ̧̂ bòt bu e làꞋà mènəè Yesò màa a kètsìà wɔb la. Bètǎt bèntsìà mèpɨ̧̀ Mbɔ̧ɔ̧mà e tsàà bèmbaabà lob nɨ̧ Mbɔ̧ɔ̧mà nê bɔ̀ ghǎ mbà̧aã tò.

Jɔ̌n 8:51

KwàꞋ ane nkûŋ tsiꞋ è shua wɨ̧ nê, wòt tàa ndzəa èngǎ̧ am ngɨ̀à mbɨ̀Ꞌɨ̀ e shu la ka li epfə a.”

Jɔ̌n 8:52

Bèjuê bu e shu abua tò nê, “Ba lâ nko àfɨ̀Ꞌ yaa nê, à bɔ fo kàbɔ̀ŋ ane yê. Abàlàghâm li mpfə, bèndàꞋàtɔŋ Mbɔ̧ɔ̧mà e pfəꞋtè àyɔb mɨ̧̂, ka à bɔ̂ me shu nê, wòt tàa ngɨ̀à àghɨa à shu la ka li epfə a.

Jɔ̌n 8:59

Mbɨ̀Ꞌɨ̀ tà làꞋ ale la, bɔ wȩȩtè àti nê bɔ kɨ etemte atò ebùŋe tà bəètê àghɨ ayɔb, ndzə a èbem lob nɨ̧ Mbɔ̧ɔ̧mà yu nga àbȩ.

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

1 Kɔlìn 4:12

nɨa èbu ba fàꞋà mbɔ̌ tèbəꞋtsə mbɨ̀Ꞌɨ̀ bɔ ètsəèjɨ wa. Wòt tsɔ̧̀ɔ̧̀tà wa, ba nê Mbɔ̧ɔ̧mà lɔ̀ɔ̀lè atò, bòt è me kɨ àtsəa ya enɨ, ba me kuule mèntɨ̧ɨ̧ ma.

2 Kɔlìn 4:9

Bòt àa ngɨ̀ bɔ̀ maa bɔ̀ me kɨ àtsəa ya enɨ, tè ba bɔ shu̧. Bɔ̀ɔ ngɨ̀ bɔ ghɨ̀ ba debte a si, ka bà ka pfəꞋtè,

1 Tèsàlonikà 2:15

Bèjuê ngaa e li mbuŋe a Yesò Lefɨ̀Ꞌ, mbɨ̀Ꞌɨ̀ bɔ̀ le lɔ̂Ꞌ mbùŋè bèndàꞋàtɔŋ Mbɔ̧ɔ̧mà, mè me kɨ ètsə ba enɨ àfɨ̀Ꞌ yaa la. Bɔɔ ngɨ̀à ale, a bɨa Mbɔ̧ɔ̧mà, bɔ mè ntsìꞋi bɔmbù̧ ba,

2 Tɔ̀màtià 3:12

Wu nkûŋ nê bòt bu bɔ̀ɔ nkɨ me tseke mbɨ̀Ꞌɨ̀ bòt Mbɔ̧ɔ̧mà ndɨ̀ wu bɔ̂ Yesò Klistò ba è tsiꞋi àghɨ yeamɔꞋ la, aa ye ngoꞋ a tèkitebu bòt ko.