Jɔ̌n 14:6 - Mundani

⁶ Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 14:6 ပူးပေါင်းရင်းမြစ်များ

Matìù 11:27

“Tǎt am è ŋa èghɨ ègème abua am. Wòt kǒ tà lâ ko waã, kà wu tǎt tò la tsě; wòt kǒ tà meè ndâ ko a tǎt waã kà wu waã mbɔŋ la ka wu, nè bòt waã wu kɔ̀ŋkè nê bɔ̀ ko atò la.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 1:17

È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Jɔ̌n 1:4

Tà wu wòt tàa ŋǎ ngule mèntsèke abua bòt, è ghɨ̀à bɔ bɔ èkaꞋà la.

Jɔ̌n 10:28

Maà ŋǎ wɔb wu bɔ̀ɔ nkuŋà am la mèmpème kàlìà, tè bɔ ka wu li eleme, wòt kà mèe nguê tàa fàà àwɔb a tèkitebu taã la.

Jɔ̌n 10:7

Ale, Yesò mè shu abua yɔb nê, “Ane nkûŋ, tsiꞋ è shua wɨ̧ nê, e ngu mbɨ̀Ꞌɨ̀ ètsəê àkààla njɨ̀tsə.

Jɔ̌n 10:9

E ngu ètsəê àkàt. Wòt tse ane yaã ka nyî, ko tàà peme, wuê mbɨ̀Ꞌɨ̀ njɨ̀ nàa ndzəa a èbem àkàt nga àbȩ nkwèla èfəêꞋ mè nkɨ̀Ꞌa nyia la.

Jɔ̌n 14:19

AdzìꞋ naa me wù̧ù̧ne bòt ngɔ̀ŋ yaa è ka tsi ndze am, ka bɨ bɔ̂ ngu eye am, nkàà nê ndɨ̀ wu màa və àfɨ̀Ꞌ àgème la, bɨa wu a yɨ̧ mɨ̧̂.

Jɔ̌n 15:1

Yesò mè nê, “E ngu ngule àyɨt vȩn, Tǎt am wu wòt wu tàa nèèta àyɨt vȩn mbɔŋ la.

Jɔ̌n 18:37

Pȩlèt bììte atò nê, “Tè a wu Fɔ̧̀?” Yesò bɨ̀ɨ̀lè nê, “À bê shu tè ndɔ̀Ꞌ. E ndi nkɨ̀Ꞌɨ̂ a ngɔ̀ŋ ŋaa bɔ bi am nkàà ànəê yeamɔꞋ, enyɨ̀Ꞌte bòt àghɨa nkûŋ wu yùà la. Waa waa tàa nkɔ̀ŋkà nkûŋ la nàà ndzəa ànəa màa shua la.”

Jɔ̌n 5:21

KwàꞋ ane ndɨ tǎt nàa ngɨ̀ tà yù̧ù̧me bèmpfəà ngɨ̀ bɔ pem la, wu wuê a èlɨ mbɔŋ Waã nàa ngɨ̀a bòt tà kɔ̀ŋkè la e bɔ mèmpème la.

Jɔ̌n 6:33

Èghɨjɨ baa Mbɔ̧ɔ̧mà nàa ŋǎ la, wu tòà wu tà chu a ègwet me ŋa mèmpème abua bòt ngɔ̀ŋ la.”

Jɔ̌n 6:51

E ngu èghɨjɨ bu àa ŋǎ mèmpème e chu a ègwet la. Wòt tà jɨ èghɨjɨ baa la lia kà wu tsi epfə. Èghɨjɨ baa wu mbɨ̧̀ ènyit yaã màa ŋa mbɨ̀Ꞌɨ̀ bòt ngɔ̀ŋ àa bɔ mèmpème la.”

Jɔ̌n 6:57

Tǎt am wu tàa ŋa mèmpème la, e tsàà am, è mè ngu tòà ka tà ghɨ̂ e mbɔ mèmpème la. Wu wuê èlɨ màa ghɨ̌ wòt tà kwele yà̧ ènyit yaã la nàa bɔ mèmpème la.

Jɔ̌n 6:68

Simùn wu èlen tò ko wu Pità la bɨ̀ɨ̀lè nê “Tê, à kɨa nê bà ghǎ abua waa tsa à? Wu ndàꞋ àwɔ̀ ka à bɔ mèngǎ̧ nàa ŋǎ mèmpème kàlìà la.

Jɔ̌n 8:32

ko bɨa ko ànəa nkûŋ yu è dzəâ abua Mbɔ̧ɔ̧mà la, naa ghɨ̌ bɨa bakà tsi ngu èbùꞋ.”

Jɔ̌n 8:51

KwàꞋ ane nkûŋ tsiꞋ è shua wɨ̧ nê, wòt tàa ndzəa èngǎ̧ am ngɨ̀à mbɨ̀Ꞌɨ̀ e shu la ka li epfə a.”

ÀfaꞋa 3:15

Eyaa wu ndɨ bɨ li ngɨ̀ ka mbùŋè wòt wu tàa ŋǎ bɔbȩ ngule mèmpème kàlìà la. Ka Mbɔ̧ɔ̧mà li njù̧ù̧me atò tè bàambɔŋ e ye mè nkoê.

ÀfaꞋa 4:12

Wu ndàꞋà tòà ka tàa ŋa mèmpème kàlìà la. Mbɔ̧ɔ̧mà ŋa atò abua ya, tè èlen tsa è ka tsi nguê a èten ègwet betsiꞋa e ghɨ̀ ba bɔ mèmpème kàlìà la.”

ÀfaꞋa 9:2

nê tà ŋa mèkatè nàa nyɨ̀Ꞌta wòt ye wu wùà la, ye nɨŋ nga a lobte Mbɔ̧ɔ̧mà àpfəèà nɨ̧ a Dàmaskɔ̀s. Mbɨ̀Ꞌɨ̀ ye gha abàꞋ və, yè ye bòt bɔ̀ɔ nkùŋà alu̧ Yesò la, ye ko mbà̧à̧ àwɔb, mbâ̧ nè àvi nɨŋ nkua akwèn nkɨ̀Ꞌɨ̂ a Jèlusalèm.

Lûm 15:16

tà nɨŋ ngɨ̀ e ntsiꞋi wafàꞋ Yesò Klistò la. Maà ntsɔ̀tà Ntu̧ Ntsɔ̧̀ Mbɔ̧ɔ̧mà abua bòt kà wu Bèjuê ale, àfàꞋ am a wu mbɨ̀Ꞌɨ̀ àfaꞋa ntsìà mèpɨ̧̀, e ghɨ̌ Mbɔ̧ɔ̧mà naa nɨ awɔb mbɨ̀Ꞌɨ̀ àghɨa èpɨ̧̀ a kuꞋ, nkàà ndɨ Fo Kèfə ghɨ awɔb ane bòt Mbɔ̧ɔ̧mà la.

Lûm 5:2

Ndɨ̀ wu bàa zì mèntɨ̧ɨ̧ ma ane Yesò la, tà ghɨ̂ ba ye a ntsɔ̧̀ Mbɔ̧ɔ̧mà wu bàà wu a èbèm àfɨ̀Ꞌ yaa la. Ba wu ane mèngùꞋte nkàà nê bàa ko nê baa li wu ne Mbɔ̧ɔ̧mà a èbem ènɨ̧ tò.

Lûm 5:21

Ale, mbɨ̀Ꞌɨ̀ kàbɔ̀ŋ èbɔ mètàŋ ngɨ̀ bòt e me pfəꞋte la, wu wuê ndɨ̀ ntsɔ̧̀ Mbɔ̧ɔ̧mà wu tà nyɨꞋtè abua bòt la, èbɔ mètàŋ mè ngu ghɨ̌ bòt aa tsiꞋi bòt bɔ tɨ̧ɨ̧ ndɨŋndɨ̀ŋ a mbì tò, mè mbɔ̀ mèmpème kàlìà, nkàà àghɨa Yesò Klistò Lefɨ̀Ꞌ wa ghɨ̀ la.

1 Kɔlìn 15:45

Àkata Mbɔ̧ɔ̧mà a laꞋnê, “Mbɔ̧ɔ̧mà li ngɨ a Adàm mbì tà tsìꞋi wòt yû̧.” Ka Adàm kwèn tsìꞋi Fo nàa ŋǎ mèmpème la.

Efesɔ̀s 2:18

E tsě ane Yesò bàagème ba bɔ Fo Mbɔ̧ɔ̧mà yemɔ̀Ꞌ ngu ko eghǎ a mbì tò.

Kɔ̀losìà 2:17

Èwuu èghɨ mbɔŋ li ngu wuê àlɨ̀ŋka èghɨ nga li ekɨꞋɨ la. Nkûŋ yu ane èghɨ mbɔŋ la wu Yesò Klistò à.

Kɔ̀losìà 2:9

Bɨ̀ lùùlà èwuu mènəè maa nkàà nê Yesò Klistò wu bɔ bi atò mbɨ̀Ꞌɨ̀ wɔ̀bȩ̂ la, bê ngu wuê mbɨ̀Ꞌɨ̀ Mbɔ̧ɔ̧mà ane balu̧ bàgème,

Kɔ̀losìà 3:4

Wu Yesò Klistò ka betsiꞋa tà ghɨ̀ mèntsèke ma lâ ngu àghɨ la. Naa li ngu àfɨꞋa tà mê mpuula a sitsǎꞋ ŋàa la, bɨ̀ambɔŋ e wu nè tò, mè mbɔ̀ èwuu ènɨ̧ wu tà bɔ la.

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.

Ebùlù 9:8

Fo Kèfə wua nɨa èghɨ bàa nyɨ̀Ꞌta wa nê alu̧ a mànga àdziꞋa ntsèm a mbì a Mbɔ̧ɔ̧mà yu bakà zìꞋ ngàꞋa mbɨ̀Ꞌɨ̀ àyò yu à bele la.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

1 Pità 2:4

Bɨ̀ kɨꞋɨ abua tò. Tà wu èti lu bòt e li ngwaꞋ, Mbɔ̧ɔ̧mà bɔ̂ ndàà lùà nɨ ane ele ntsɔ̧̀ la. Ale, tà wu èti è wu ele yu̧ la.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

1 Jɔ̌n 1:8

Ba me shu nê ba bakà ghɨ a kàbɔ̀ŋ, ba wua fɨ̀ta awa bàa mbɔŋ, bà ka me nko nkûŋ ane ànəa Mbɔ̧ɔ̧mà.

1 Jɔ̌n 2:23

Wòt tù̧a Waã Mbɔ̧ɔ̧mà, a wu nê tà tu̧ a Tǎt tò Mbɔ̧ɔ̧mà mɨ̧̂. Ka wòt tà bɨ̧ɨ̧ne ànəa Waã Mbɔ̧ɔ̧mà la, è bɨ̧ɨ̧ne a Tǎt tò Mbɔ̧ɔ̧mà mɨ̧̂.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

1 Jɔ̌n 5:6

Wu Yesò Klistò tà li nkɨ̀Ꞌɨ̂ a ngɔ̀ŋ ŋaa nè mèleb bɔ̂ àlo̧ atò a nchɨ̧̀ɨ̧̀te a si la. Tà li tà kà nɨ wuê ndàꞋ mèleb, àlo̧ atò a li nchɨ̧̀ɨ̧̀te a si mɨ̧̂. Fo Mbɔ̧ɔ̧mà yu nàa ka fɨ̀tê la zìambɔŋ è nyɨꞋtè nê eyaa wu nkûŋ.

2 Jɔ̌n 1:9

Bɨ̀ ko nê, waa waa tàa ka ghɨ mbɨꞋɨ̀ èngǎ̧ Yesò Klistò e shu la, me làꞋa nkwèꞋnà àghɨ la, bakà ko a Mbɔ̧ɔ̧mà. Waa waa tàa ngɨ̀à mbɨ̀Ꞌɨ̀ èngǎ̧ mbɔŋ e shu la, è koê a Tǎt wa Mbɔ̧ɔ̧mà bɔ̂ Waã vi.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ètsə 19:11

ÀfɨꞋa mbɔŋ e me ye ègwet e ghaꞋà, e me ye ndzèa loà kèfə. Bɔ me tɔ wòt wu ta tseke a ègwet la nê wòt nkûŋ, betsiꞋa wòt lɨ̀Ꞌà àvi ane tò la. Tàà nɨ̀a nkûŋ ka sàꞋa mènəè mè nùà èbet.

Ètsə 20:15

Bɔ nɨ a waa waa èlen tò è le kaꞋa wu a èbem àkata mèmpème yu la, maꞋa a èbem èlemè wu nkòòla la.

Ètsə 22:1

Wantu̧ Mbɔ̧ɔ̧mà wu è ghɨ̀ ale, mè nyɨ̀Ꞌte am èdzî ko àa ŋa mèmpème la, e me kàꞋtè mbɨ̀Ꞌɨ̀ àlùgɨ̀lâ. Èdzî mbɔŋ e dzə adù̧ àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu,

Ètsə 22:17

Fo Mbɔ̧ɔ̧mà bɔ̂ ndzà Wanjɨ̀ wu e nê, “KɨꞋɨ.” Wòt ègème tà zə èngà̧ waa la è bɔ ndɨ tàa shu azi mɨ̧̂ nê, “KɨꞋɨ” la. Wòt àtɔŋ tò a yu̧u̧ la kɨꞋɨ, we tàa nkɨà la kɨꞋɨ nɨ mèleb mu nàa ŋa mèmpème la àku.

Ètsə 3:14

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Làoêdisìà la nê: ‘Eyaa wu mèngǎ̧ wòt wu bɔ̀ɔ ntɔ atò nê Àmèn, mè ngu wòt nkûŋ, mèngǎ̧ tò è kùꞋu me bòt àa bɨ̧ɨ̧ne la. Mbɔ̧ɔ̧mà li ngɨ̀ àghɨ àgème a bùꞋ ane tò.

Ètsə 3:7

“ ‘Shɨa àkatè abua wantu̧ Mbɔ̧ɔ̧mà wu tàa ndȩa a chɔsì wu a Fìlàdefìà la nê: ‘Eyaa wu mèngǎ̧ Ngule Waã Mbɔ̧ɔ̧mà, tà mèe ngu wòt nkûŋ la. Nkȩte fɔ̧̀ Dàbid te wu abua tò. Tàa ngɨ̀ tà kȩ ètsələèꞋ, wòt kà ko ntsɔꞋ; tà ntsɔꞋ ètsələèꞋ, wòt kà ko nkȩ̀.