Jɔ̌n 14:23 - Mundani

²³ Yesò bɨ̀ɨ̀lè nê, “Wòt me kɔ̀ŋkè am, ko taa me ghɨ̌ àghɨa mâ shu nê tà me ghɨ̀ la, Tǎt am mè ngu me kɔ̀ŋkè atò, ba Tǎt am e mè ngu ekɨꞋɨ tseke ba tò ba.

Jɔ̌n 14:23 ပူးပေါင်းရင်းမြစ်များ

Jɔ̌n 10:30

Ba Tǎt am e wu àghɨ yeamɔꞋ.”

Jɔ̌n 14:15

“Bɨ me kɔ̀ŋkè am, ko bɨa me ghɨ̀ àghɨa mâ shu nê bɨ̀ ghɨa la,

Jɔ̌n 14:17

Ŋut wu Fo Mbɔ̧ɔ̧mà yu nàa nyɨ̀Ꞌta mènəè nkûŋ la. BetsiꞋa bòt ngɔ̀ŋ yaa è ka bɨ̧ɨ̧nê Fo mbɔŋ kɨꞋɨ̀ ngu nè nɔb, nkàà nê bɔɔ kà ye atò bɔ̀ ka ko atò. Ka bɨ ko atò ndɨ̀ wu tàa ntsèka bɨ tò ba, mè ngua nga ewu a mèntɨ̧ɨ̧ mɨ̧ la.

Jɔ̌n 14:21

Wòt tà ko mbɨ̧ taã mè me ghɨ̀ mbɨꞋɨ̀ te kɨa la wu wòt tàa kɔ̀ŋkè am la. Tǎt am mè ngu me kɔ̀ŋkè wòt wu tàa nkɔ̀ŋkè am la mɨ̧̂, mmɔ̌ mbɔŋ e mè ngu me kɔ̀ŋkè atò te enyɨꞋte atò wòt è ngu wùà la.”

Jɔ̌n 14:24

Wòt tàa ka kɔ̀ŋkè am la, nàà kà ghɨ àghɨa màa shua la, mbɔ̂ mèngà̧ maa bɨ zəa la ka dzə àtsə am, wu me Tǎt am wu tà tsàà am la.

Jɔ̌n 15:10

Bɨ me ghɨ̀ èghɨ mâ shu la, ko maa me kɔ̀ŋkè àwɨ̧ nɨa ngà nè mbì, wuê mbɨ̀Ꞌɨ̀ Tǎt am nàa nkɔ̀ŋkà am nkàà nê maa ngɨ̀à èghɨ tàa nkɨà la.

Jɔ̌n 16:27

nkàà nê Tǎt am yaŋe wua nkɔ̀ŋkà àwɨ̧, ndɨ̀ wu bɨ̀a mbɔŋ ekɔ̀ŋkè am, mè mbɨ̧̀ɨ̧̀ne nê e ndzəa abua tò la.

Jɔ̌n 6:56

Wòt tà kwele nyà̧ ènyit yaã ndɔ̀Ꞌ nù àlo̧ am la wua ndzìà vi ane yaã, e mè ngua ndzì am ane tò mɨ̧̂.

Jɔ̌n 8:51

KwàꞋ ane nkûŋ tsiꞋ è shua wɨ̧ nê, wòt tàa ndzəa èngǎ̧ am ngɨ̀à mbɨ̀Ꞌɨ̀ e shu la ka li epfə a.”

Jɔ̌n 8:52

Bèjuê bu e shu abua tò nê, “Ba lâ nko àfɨ̀Ꞌ yaa nê, à bɔ fo kàbɔ̀ŋ ane yê. Abàlàghâm li mpfə, bèndàꞋàtɔŋ Mbɔ̧ɔ̧mà e pfəꞋtè àyɔb mɨ̧̂, ka à bɔ̂ me shu nê, wòt tàa ngɨ̀à àghɨa à shu la ka li epfə a.

2 Kɔlìn 6:16

Lob Mbɔ̧ɔ̧mà bakà bɔ àghɨa ko nàa ghɨ̀ ne èghɨ bu bòt àa nɨ̀a nê wu bèmbɔ̧ɔ̧mà la. Ba wu lob Mbɔ̧ɔ̧mà yû̧, wuê mbɨ̀Ꞌɨ̀ tà shu la nê, “Maa me tseke ane yɔb, mè ngȩȩna ayɔɔ yɔb. Maa li ewu Mbɔ̧ɔ̧mà wɔb, bɔɔ wu bòt bɔ̧.”

Efesɔ̀s 3:17

E mè me tsàꞋte nê bɨ̀ ghɨa Yesò Klistò me tseke a mèntɨ̧ɨ̧ mɨ̧, ndɨ̀ wu bɨ̀a ndzìà èntɨ̧ɨ̧ wɨ̧ ane tò la. Maà ntsàꞋtà nê, tsiꞋ è wu èkɔŋ wɨ̧ ka e baãaã àghɨ àgème bɨ̀a ngɨ̀à la,

1 Jɔ̌n 2:24

È me wu awɨ̧ ko bɨ̀ ye nê bɨ nɔ̀ŋà mènəè mu bɨ li ndzə àfɨ̀Ꞌ yu bɨ li mbùꞋ me ko a Yesò la a mèntɨ̧ɨ̧ mɨ̧. Bɨ nɔ̀ŋè mènəè maa a mèntɨ̧ɨ̧ mɨ̧, ko bɨ Waã Mbɔ̧ɔ̧mà ba nè Tǎt wa Mbɔ̧ɔ̧mà aa tsiꞋi àghɨ yeamɔꞋ.

1 Jɔ̌n 2:5

Ka wòt ègème tàa ndzəèa èngǎ̧ tò la, wu ndâ wòt Mbɔ̧ɔ̧mà è lu̧u̧ne èntɨ̧ɨ̧ tò ègème nè èkɔŋ la. Àghɨa àa nyɨ̀Ꞌta awa nê ba tsiꞋi àghɨ yeamɔꞋ nè Mbɔ̧ɔ̧mà la wu nê,

1 Jɔ̌n 4:4

Ka è me wu awɨ̧, bɔ̧ bɔ̧ bɨ wu bòt Mbɔ̧ɔ̧mà. Bɨ nù bèndàꞋàtɔŋ Mbɔ̧ɔ̧mà àfɨte tè ntsè, nkàà nê Fo yu a mèntɨ̧ɨ̧ mɨ̧ la è kweele tê ntsè yu a mèntɨ̧ɨ̧ bòt ngɔ̀ŋ yaa la.

1 Jɔ̌n 5:3

Àghɨa àa nyɨꞋte nê baa nkɔ̀ŋkà Mbɔ̧ɔ̧mà la wu màngɨa mènəè tà shu la. Mbɔ̂ betsiꞋa mènəè tò ngaa ka tse awa a màngɨa,

2 Jɔ̌n 1:6

Àghɨa àa nyɨꞋte nê baa nkɔ̀ŋkà Mbɔ̧ɔ̧mà la wu màngɨa mènəè tà shu la. Ànəê yaa bɨ li ndzə tê ane àlia mbì yu la, wu ndɨ bɨ̀a me tseke mbɨꞋɨ̀ bòt bɔ̀ɔ nkɔ̀ŋkà Mbɔ̧ɔ̧mà nè bɔnyɨ bɔb la.

Ètsə 21:22

E ndi è ka ye lob nɨ̧ Mbɔ̧ɔ̧mà a èbem àpfəèa mbɔŋ, nkàà nê Mbɔ̧ɔ̧mà Lefɨ̀Ꞌ Àtsèàngɔ̀ŋ bɔ̂ Wanjɨ̀ wu ka bɔ wu lob mbɔŋ la.

Ètsə 21:3

E me zə àtɔŋ ko a dzəê adù̧ àtɨ̧a kèfɔ̧̀ yu è shuê nê, “Bɨ̀ ye, àpfəèà Mbɔ̧ɔ̧mà a kɨꞋɨ tê ntsìꞋi a kètsìà bɔbȩ. Taa me tseke bɔ̂ tò ba, bɔ̀ɔ wu bòt tò, Mbɔ̧ɔ̧mà wu zìambɔŋ naa mě wu Mbɔ̧ɔ̧mà wɔb.

Ètsə 22:3

Àghɨa ko ndɔ̀ Mbɔ̧ɔ̧mà nɔ̀ŋke a ègwet la, à ka wu ewu a èbem àpfəèà nɨ̧ a mbɔŋ. Àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu aa wu abot, bɔfàꞋ tò e mè ngu me wùꞋte atò abot.