Jɔ̌n 14:21 - Mundani

²¹ Wòt tà ko mbɨ̧ taã mè me ghɨ̀ mbɨꞋɨ̀ te kɨa la wu wòt tàa kɔ̀ŋkè am la. Tǎt am mè ngu me kɔ̀ŋkè wòt wu tàa nkɔ̀ŋkè am la mɨ̧̂, mmɔ̌ mbɔŋ e mè ngu me kɔ̀ŋkè atò te enyɨꞋte atò wòt è ngu wùà la.”

Jɔ̌n 14:21 ပူးပေါင်းရင်းမြစ်များ

Lûk 11:28

Yesò bɨ̀ɨ̀lè èngǎ̧ tò nê, “ÀwɔꞋ, ntsɔ̧̀ wu wuê bòt bu bɔ zə èngǎ̧ Mbɔ̧ɔ̧mà mè ngɨ̀ àghɨa èa shuà la.”

Jɔ̌n 14:15

“Bɨ me kɔ̀ŋkè am, ko bɨa me ghɨ̀ àghɨa mâ shu nê bɨ̀ ghɨa la,

Jɔ̌n 14:18

BetsiꞋa è nka sa wɨ̧ bɨ me chɨ̀ŋke, maa mèe kɨꞋɨ ekwene ane yɨ̧.

Jɔ̌n 15:14

Bɨ me ghɨ̀ àghɨa e shua la, ko bɨa wu bèshu̧ bɔ̧.

Jɔ̌n 16:14

Taa kɨꞋɨ elɔ̀kè èlen laã a ègwet, nkàà nê taa zə ànəa mâ shu la e shu awɨ̧.

Jɔ̌n 16:27

nkàà nê Tǎt am yaŋe wua nkɔ̀ŋkà àwɨ̧, ndɨ̀ wu bɨ̀a mbɔŋ ekɔ̀ŋkè am, mè mbɨ̧̀ɨ̧̀ne nê e ndzəa abua tò la.

Jɔ̌n 17:23

Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.

ÀfaꞋa 22:18

ndze a Yesò, tà shua abua am nê, ‘Taŋke ndzə a Jèlusalèm ŋaa kwàla, na bòt abàꞋ ŋaa è ka bɨ̧ɨ̧ne ezə ndɨ à shua nê ye ye mè nko mènəè ane yaã la a.’

2 Kɔlìn 12:8

E ndi shù̧ù̧te a Tè Yesò ngò̧ tetat nê tà tsi àghɨ yaa.

2 Kɔlìn 3:18

Bàa gème aa anè bà ka tsi ngu mbɨ̀Ꞌɨ̀ bòt bɔ kaba mèsi mɔb la. Bɔɔ ndzea èkaꞋa mètàŋ Mbɔ̧ɔ̧mà ane ya àfɨ̀Ꞌ àgème. Wu Fo Yesò Klistò yaa ka nàa ngɨ̀à àyaa ane ya la. Nàà ngɨ̀à ba kubtà ntsìꞋa mbɨ̀Ꞌɨ̀ Yesò Klistò wu zìambɔŋ, nyɨ̀Ꞌta mètàŋ Mbɔ̧ɔ̧mà nɨa ngà nè mbì.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

2 Tɔ̀màtià 4:22

Maà shù̧ù̧ta Mbɔ̧ɔ̧mà nê tà wu ne nè, mè me nyɨꞋte a ntsɔ̧̀ vi abua yɨ̧ bɨ̀agème.

1 Jɔ̌n 2:5

Ka wòt ègème tàa ndzəèa èngǎ̧ tò la, wu ndâ wòt Mbɔ̧ɔ̧mà è lu̧u̧ne èntɨ̧ɨ̧ tò ègème nè èkɔŋ la. Àghɨa àa nyɨ̀Ꞌta awa nê ba tsiꞋi àghɨ yeamɔꞋ nè Mbɔ̧ɔ̧mà la wu nê,

1 Jɔ̌n 3:1

Bɨ̀ ye èwuu èkɔŋ ko Tǎt wa Mbɔ̧ɔ̧mà bɔ ane ya la! Tà kɔ̀ŋkè àwa nyaŋ tè bɔ ntsiꞋa ntɔ awa ane bɔ̧ tò, ba bɔ mbê ngù bùà. Àghɨa a ghɨ̂ ka bòt ngɔ̀ŋ yaa è ka ko èwuu bòt bà wu bùà la, wu ndɨ̀ wu bɔ̀ bakà ko wòt Tǎt wa Mbɔ̧ɔ̧mà wu wùà la.

1 Jɔ̌n 5:3

Àghɨa àa nyɨꞋte nê baa nkɔ̀ŋkà Mbɔ̧ɔ̧mà la wu màngɨa mènəè tà shu la. Mbɔ̂ betsiꞋa mènəè tò ngaa ka tse awa a màngɨa,

2 Jɔ̌n 1:6

Àghɨa àa nyɨꞋte nê baa nkɔ̀ŋkà Mbɔ̧ɔ̧mà la wu màngɨa mènəè tà shu la. Ànəê yaa bɨ li ndzə tê ane àlia mbì yu la, wu ndɨ bɨ̀a me tseke mbɨꞋɨ̀ bòt bɔ̀ɔ nkɔ̀ŋkà Mbɔ̧ɔ̧mà nè bɔnyɨ bɔb la.

Ètsə 2:17

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko maa ŋa àbəꞋa èghɨjɨ ndò̧ Mbɔ̧ɔ̧mà abua tò, e mě ŋa atò èti kèfə, bɔ shɨ èlen fi adù̧, kà wòt tsa ko lùà, kà wu wòt wu mâ ŋa èlen mbɔŋ abua tò la.

Ètsə 22:14

Ntsɔ̧̀ wu bòt bu bɔ shùu ndǐ tɔb tè te fəətè la. Wu àdziꞋa yɔb bɔ̀ɔ jɨ tètaãaãte àyɨt yu àa ŋa mèmpème la, e mě tse a ètsəêkaã àpfəèà nɨ̧ yu enyi a èbèm.

Ètsə 3:20

Bɨ̀ ye, e ngua ètsələèꞋ mâ tɨ̧ me luꞋte la, wòt zəèa àtɔŋ am ntsɔ̀Ꞌɔ ètsələèꞋ, ko maa nyi a lob e wu ne tò, ba tò àa jɨ èghɨjɨ nɔ̂.