Jɔ̌n 13:8 - Mundani

⁸ Pità shu abua tò nê, “BetsiꞋa à ka lɔꞋ àlia shùù èka bɔ̧.” Yesò nê, “E mbakà shuu èka bê, à kà wu wakatè am.”

Jɔ̌n 13:8 ပူးပေါင်းရင်းမြစ်များ

Matìù 16:22

Pità nɨa tò bɔ səèꞋtè àwɔb, tà bùꞋ me fèèle atò shua nê “ChaꞋ a Tè, Mbɔ̧ɔ̧mà ka mbɨ̧̀ɨ̧̀ne nê èwuu ayaa nè ànəê à ghɨ ane yê.”

Matìù 21:29

“Waã wu bɨ̀ɨ̀lè nê ‘È nka ghàa’, ka àfɨ̀Ꞌ a me wu tà kùbte èntɨ̧ɨ̧ vi ngà

Matìù 26:33

Pità shu abua Yesò nê, “Bɔ màà ndùùlà wê bàgème, ko e nka lùùlà a.”

Matìù 26:35

Pità nê, “È màà ntsìꞋi wuê àyea màa pfə ba nè la, ko e nka tu̧ laꞋ nê e mbakà ko àwê a!” Bɔkatè ko bu e mè shu wuê a èlɨ mbɔŋ.

Jɔ̌n 13:6

Mbɨ̀Ꞌɨ̀ tà shùù tê nkɨ̀Ꞌɨ̂ ndzə ane Simùn wu èlen tò ko wu Pità la, tà bììte a Yesò nê, “À kɨ shùù èka bɔ̧ a Tê?”

Jɔ̌n 13:9

Simùn Pità shu abua tò nê, “È wu ale, à ka shùù wuê ndàꞋ èka bɔ̧ a Tè, shua fɔ̀ɔ̀lè èbu bɔ̧ nè àtsə am.”

Jɔ̌n 3:5

Yesò bɨ̀ɨ̀lè nê, “TsiꞋ è shu awê ane nkûŋ nê, bɔ bakà mè mbǐ wòt ane mèleb, Fo Mbɔ̧ɔ̧mà naa mě bi atò, tà kà nyi a kèfɔ̧̀ Mbɔ̧ɔ̧mà.

ÀfaꞋa 22:16

È wu ale, à ka tsi ntsòkè àfɨ̀Ꞌ. Lɔ̀Ꞌɔ a si bɔ zì àwê a èdzî, tà waꞋa a kàbɔ̀ŋ wê mbɨ̀Ꞌɨ̀ àa ntsàꞋtà atò la.’ ”

1 Kɔlìn 6:11

ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

Efesɔ̀s 5:26

Tà li mpfə mbɨ̀Ꞌɨ̀ e zi a chɔsì a tèkitebu Mbɔ̧ɔ̧mà ane èngǎ̧ vi àfɨꞋa tà shùu a chɔsì ane mèleb è fə la.

Kɔ̀losìà 2:18

Bɨ̀ ka mbɨ̧̀ɨ̧̀nê wòt kǒ tà mɨɨtè nê ye tsě bòt nkàà ndzò̧ tu tàa ndzèa la è fɨ̀ta awɨ̧. Eyaa èwuu bòt bu bɔ̀ɔ shɨ̀ɨ̀bà nê, bòt è me nɨa wɔb a si mè shua nê, bòt è me ŋa kènuke wuê abua bɔntu̧ Mbɔ̧ɔ̧mà la. MènkwàꞋte tò mbɨ̀Ꞌɨ̀ è me bòt ko nàà ngɨ̀à tà wu̧a nkùꞋ zi kà ye lə.

Kɔ̀losìà 2:23

Bòt aa mɨ̀ɨ̀tà nê, ngule èyì ko aa ane èwuu mbɨ̧te mbɔŋ ka è ka lem nguê. Mbɨ̧te mbɔŋ teà nyɨ̀Ꞌta nê, bòt e bɔ ndɨ bɔ̀ɔ me ŋa kènuke wuê abua bɔntu̧ Mbɔ̧ɔ̧mà la, mè nyɨ̀Ꞌta èlu̧ bòt e bɔ ndɨ bɔ̀ɔ me nɨ ènyit yɔb a si, ka è kà wu we ntsɔ̧̀ la. Teà nyɨ̀Ꞌta mɨ̧̂ nê, bòt è me nɔ̀ŋè ènyit yɔb ane ngɨ̧̀ɨ̧̀nè nê bɔ wua nkuŋa Mbɔ̧ɔ̧mà. Ka mbɨ̧te mbɔŋ te bakà lem mbɔ̀ mètàŋ ekale wòt laꞋ nê tà ka ngɨ̀ èbɨꞋte èghɨ bu mbɨ̧̀ ènyit tò nàa nkɨà la.

Tȩtɔ̀s 3:5

ngɨ̀ ba pem, kà wu nê bàambɔŋ e ghɨ̀ àghɨa tàa nkɨà la. Tà li ngua ngɨ̀à ale ane tèsȩ ti. Fo Kèfə li shùù mènəè kàbɔ̀ŋ ma, mè ŋà àwa mèmpème fi tè ba tsiꞋi mbɨ̀Ꞌɨ̀ bòt bɔ mè mbì àwɔb la.

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ètsə 7:14

E shu abua tò nè, “Tê, wu àwɔ̀ ka à ko la.” Tà mè shu abua am nê, “Eyaa wu bòt bu bɔ tse a èbem ngoꞋ kèkweelè yu la. Bɔ nɨ àlo̧ Wanjɨ̀ wu shùù ndǐ tɔb tè te fəətè.