Jɔ̌n 13:31 - Mundani

³¹ ÀfɨꞋa Judàs gha àbȩ la, Yesò nê, “Bòt aa ye ènɨ̧ Waã Wòt àfɨ̀Ꞌ yaa, e mě eye ènɨ̧ Mbɔ̧ɔ̧mà ane tò.

Jɔ̌n 13:31 ပူးပေါင်းရင်းမြစ်များ

Matìù 8:20

Yesò shu abua tò nê, “Ètsɔ̀b e bɔ tègwòŋ tɔb, banɨ̧̀ bèa ndèa a ègwet la e bɔ tèjî tɔb, ka Waã Wòt kà bɔ àdziꞋa tàa nɔ̀ŋè àtsəa zi eyètè la.”

Lûk 12:50

Maa nyi a èbem ngoꞋ mbɨ̀Ꞌɨ̀ bɔ̀ɔ ndzì wòt a èdzî la. Ànəa mbɔŋ aa ndèlà am tè a ghɨ̀ mbakà tsè, ènyit yaã è ka yaa.

Jɔ̌n 11:4

ÀfɨꞋa Yesò zə la, tà nê, “Eyaa ntsě àghɔ̧ àa ghɨ̌ taa pfə la; a kɨ enyɨꞋte ènɨ̧ Mbɔ̧ɔ̧mà, mbɨ̀Ꞌɨ̀ bòt aa ye e wùꞋtè èlen Waã Mbɔ̧ɔ̧mà.”

Jɔ̌n 12:23

Yesò shu abua yɔb nê “AfɨꞋa Mbɔ̧ɔ̧mà nàa nyɨꞋte ènɨ̧ Waã Wòt la a kuêꞋ.

Jɔ̌n 12:28

Lefɨ̀Ꞌ lɔ̀kè èlen lê ntsaa ègwet.” Tà làꞋ ale, àtɔŋ a tse a ègwet nê, “Mâ lɔ̀kè èlen laã tè ndɔ̀Ꞌ mè mbèle elɔ̀ke.”

Jɔ̌n 14:13

Ale, àghɨ àgème bɨ̀a lo̧o̧ abua Tǎt am ane èlen laã la, maa ghɨ̌, mbɨꞋɨ̀ e ghɨ̌ bòt aa wùꞋte a Tǎt am nkàà èghɨ bu mmɔ̌ Waã tò màa ngɨ̀à la.

Jɔ̌n 16:14

Taa kɨꞋɨ elɔ̀kè èlen laã a ègwet, nkàà nê taa zə ànəa mâ shu la e shu awɨ̧.

Jɔ̌n 7:39

Yesò nàà ndàꞋà ale ngua shua ànəa Fo Mbɔ̧ɔ̧mà yu bòt bu bɔ zi èntɨ̧ɨ̧ wɔb ane tò la àa bɔ la. È li me wu àfɨ̀Ꞌ yaa ale, Mbɔ̧ɔ̧mà kà ziꞋ ntsàà Fo zi, nkàà nê Mbɔ̧ɔ̧mà li tà kà zîꞋ ndɔ̀ke a Yesò etsàa a ègwet, e ghɨ̌ taa bɔ ènɨ̧ vi.

ÀfaꞋa 2:36

“Bɨ̀a bòt Izəèlȩê bàgème, bɨ ko nkûŋ nkûŋ nê, Mbɔ̧ɔ̧mà lȩ̂ a Yesò wu bɨ li ngù̧ù̧te atò a mbɨ̧̀ mbasa la ane Tǎt wa, mè ndzɔ̀Ꞌɔ atò mbɨ̀Ꞌɨ̀ Fɔ̧̀ wu ye tsàà la.”

ÀfaꞋa 3:13

Mbɔ̧ɔ̧mà wu bètǎt nyaꞋ ba Abàlàghâm bɔ̂ Asàk, nè Jàkɔ̂b e li ngua ntsàꞋtà la, è nyɨꞋtè awa ndɨ Waã vi Yesò li nchɨɨme nguê la. Ka bɨ li ŋǎ atò abua bòt bɔ̀ɔ mbà̧aã àlaꞋ ayɨ̧ la nê bɔ̀ buŋa. Bɨ li ndzì mènəè àtsəa Yesò a mbì Pȩlèt fɔ̀ɔ̀le afɨꞋa tà tu̧ nê bɔ̀ ka mbùŋè a Yesò la.

2 Kɔlìn 3:18

Bàa gème aa anè bà ka tsi ngu mbɨ̀Ꞌɨ̀ bòt bɔ kaba mèsi mɔb la. Bɔɔ ndzea èkaꞋa mètàŋ Mbɔ̧ɔ̧mà ane ya àfɨ̀Ꞌ àgème. Wu Fo Yesò Klistò yaa ka nàa ngɨ̀à àyaa ane ya la. Nàà ngɨ̀à ba kubtà ntsìꞋa mbɨ̀Ꞌɨ̀ Yesò Klistò wu zìambɔŋ, nyɨ̀Ꞌta mètàŋ Mbɔ̧ɔ̧mà nɨa ngà nè mbì.

Efesɔ̀s 1:12

Tà li ngɨ̀ anè mbɨ̀Ꞌɨ̀ bàa wu Mbɔ̧ɔ̧mà li ngɨ̀ ba wu bòt mbì e nɔ̀ŋe ntɨ̀ ya e me chɨ̀Ꞌɨ̀ a Yesò Klistò la, aa me tseke ndɨ bòt àa me wùꞋtè ènɨ̧ Mbɔ̧ɔ̧mà la.

Efesɔ̀s 2:7

Tà li ngɨ̀ àyaa mbɨ̀Ꞌɨ̀ li me tseka nyɨ̀Ꞌta ntsɔ̧̀ vi wu è ghe la. Baa ndzea ntsɔ̧̀ tò waa ane àghɨa Yesò Klistò ghɨ ane ya la.

Efesɔ̀s 3:10

Tà li me ghɨ̀ àyaa ngua nkɨà mbɨ̀Ꞌɨ̀ è wu àfɨ̀Ꞌ yaa tà nyɨ̀Ꞌte àghɨ àgème a ègwet àa mbà̧aã èlaꞋ me ntsìta mènəè la ndi ye bɔ èyì ane àghɨ àgème la. Tà li ngɨ̀ bɔ ye àyaa ane èghɨ tàa ngɨ̀à ane chɔsì la.

Filìpȩ 2:11

Èghɨ baa ègème e mè ngu elàꞋa ane mètsəê mɔb nê, Yesò Klistò wu Tǎt a ègwet àghɨ àgème, mbɨ̀Ꞌɨ̀ àghɨ àgème aa wùꞋtè èlen Tǎt tò Mbɔ̧ɔ̧mà.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.