Jɔ̌n 13:14 - Mundani

¹⁴ Ndɨ̀ wu mmɔ̌ wu è ngu tǎt wɨ̧ mè ngu nyɨꞋtà wɨ̧, mâ shùù èka bɨ̧ la, bɨ bɔ ndɨ bɨ̀a me ghɨ̌ a èlɨ mbɔŋ, wòt naa me shùù èka wanyɨ vi la.

Jɔ̌n 13:14 ပူးပေါင်းရင်းမြစ်များ

Jɔ̌n 11:2

Màlià waa wu àvi wu tà li nɨ̀ mèwet àghaa ntsɔ̧̀ ndzɔ̀Ꞌɔ̀ èka Yesò ndɔ̀Ꞌ nɨ nyemtetsə ti nɨŋ ndzò la. Mbɨ̀Ꞌɨ̀ Lazalɔ̀s wanyɨ wɔb wua ngò̧ò̧nà la,

ÀfaꞋa 20:35

Mâ nyɨꞋtè àwɨ̧ ane balu̧ bàgème ndɨ ba bɔ̂ ndɨ bàa me fàꞋà nyaŋ mbɨ̀Ꞌɨ̀ me tɨŋe bòt kà ye ayɔb la, nkwàꞋte ànəa Yesò Lefɨ̀Ꞌ zìambɔŋ li shuê la, nê, ‘MèngùꞋte naa ne màŋa tè ntse a mànɨa.’ ”

Lûm 12:10

Bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème, mè ngu bòt mbì a mànkukta bɔnyɨ bɨ̧.

Lûm 12:16

Bɨ̀ me tseke ane ètsəê wemɔꞋ nè bɔnyɨ bɨ̧, bɨ̀ ka me ŋeꞋe tèkwȩ tɨ̧ a ègwet, mè me ghɨ̀ èshu̧ nè bòt bɔ̀ wu ne si la. Bɨ̀ ka me mɨ̀ɨ̀te nê bɨ bɔ èyì nyaŋ.

1 Kɔlìn 12:3

Ale, maà nkɨà bɨa ko nê, betsiꞋa wòt Fo Kèfə è ghɨ̂ tà me làꞋà la ka tsɔ̧ɔ̧ a Yesò, wòt kà mê ngu ko shu nê Yesò wu Tàt, kà wu wòt Fo Kèfə nàa èntɨ̧ɨ̧ tò la.

1 Kɔlìn 8:13

Ale, è wu nê e njɨ̀a èghɨjɨ ko aa ghɨ̌ wanɔ̧ naa ghɨ̌ a kàbɔ̀ŋ, ko è nka tsi lɔ̀Ꞌɔ̀ àlia e kwele nyà̧ a, mbɨ̀Ꞌɨ̀ ka e ngɨ̀ wanɔ̧ ghɨ a kàbɔ̀ŋ.

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

2 Kɔlìn 8:9

Bɨ ko ndɨ Yesò Klistò Lefɨ̀Ꞌ wa li nyɨ̀Ꞌte a ntsɔ̧̀ vi abua ya la. Tà li ngu wòt nè èghɨ bi, ka nga ambo yɨ̧ ntsìꞋi wòt kà ye àghɨa zi. Tà li ngɨ anè mbɨ̀Ꞌɨ̀ bɨa tsiꞋi bòt bɔ bɔ àyɔb la a mbì Mbɔ̧ɔ̧mà.

Gàlashìà 5:13

Bɔnyɨ bɔ̧, Fo Mbɔ̧ɔ̧mà tɔ awɨ̧ nê bɨ̀ ka tsi mbɨ̧̀ɨ̧̀ne èbùꞋ abua mbɨ̧te Musì, wuê nê bɨ̀ ka nɨ àyea mbɔŋ mbɨ̀Ꞌɨ̀ alu̧ a màngɨa àghɨa mbɨ̧te ènyit tɨ̧ tèa nkɨà la, ka bɨ̀ me kɔ̀ŋkè bɔnyɨ bɨ̧ mbɔ̂ ntɨ̀ŋe awɔb.

Filìpȩ 2:11

Èghɨ baa ègème e mè ngu elàꞋa ane mètsəê mɔb nê, Yesò Klistò wu Tǎt a ègwet àghɨ àgème, mbɨ̀Ꞌɨ̀ àghɨ àgème aa wùꞋtè èlen Tǎt tò Mbɔ̧ɔ̧mà.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

1 Pità 4:1

Ba ko nê Yesò Klistò li ntsìꞋi wɔ̀bȩ̂, ndzě ngoꞋ. Ale, bɨ̀ bɔ èwuu mèmɨ̀ɨ̀te mbɔŋ ntàŋka awɨ̧ eye ngoꞋ mbɨ̀Ꞌɨ̀ tà li ndze la. Bɨ̀ ghɨ̀ ale, nkàà nê wòt tà bɨ̧ɨ̧ne eye ngoꞋ la, bakà tsi mbɔ̀ àghɨa ko tàa ghɨ̀ nê kàbɔ̀ŋ la.

1 Pità 5:5

È me wu awɨ̧ wu bɨ̀ bele e be techɨɨle la, e me shu abua yɨ̧ nê, bɨ̀ me zə bɔɔjuŋ. E mè ntsiꞋa shua abua bòt bàgème àfɨ̀Ꞌ yaa nê bɨ̀ me nɨ awɨ̧ a si ane ndɨ bɨ̀a mbà̧à̧ta bɔnyɨ bɨ̧ la, nkàà nê Àkata Mbɔ̧ɔ̧mà a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb ègwet la a si, mbɔ̂ me tɨŋe bòt bu bɔ̀ɔ nɨa wɔb a si la.”