Jɔ̌n 13:13 - Mundani

¹³ Bɨa ntɔ am ane nyɨꞋtà, mè ntɔ am ane tǎt wɨ̧ mbɔ̂ ngua shua nkûŋ, nkàà nê e ye wu àghɨa è ngu yùà la.

Jɔ̌n 13:13 ပူးပေါင်းရင်းမြစ်များ

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Lûk 10:28

Yesò shu abua tò nê, “À làꞋa nkûŋ yê.” Mbɔ̂ mè shu abua tò nê, “Ghǎ ngɨ̀ mbɨ̀Ꞌɨ̀ à shu la, ko aa bɔ mèmpème kàlìà.”

Lûk 6:46

“Ghǎ ghɨ̂ bɨ me tɔ am nê, ‘Tê, Tê,’ ka bɨ̀ ka wua ngɨ̀à àghɨa màa shuà la à?

Lûk 7:43

Simùn bɨ̀ɨ̀lè nê, “Maà mɨ̀ɨ̀tà nê, wu wòt wu tà sà njû nyaŋ tò la.” Tà shu nê, “À bɨ̀ɨ̀le ntsɔ̧̀.”

Jɔ̌n 11:2

Màlià waa wu àvi wu tà li nɨ̀ mèwet àghaa ntsɔ̧̀ ndzɔ̀Ꞌɔ̀ èka Yesò ndɔ̀Ꞌ nɨ nyemtetsə ti nɨŋ ndzò la. Mbɨ̀Ꞌɨ̀ Lazalɔ̀s wanyɨ wɔb wua ngò̧ò̧nà la,

Jɔ̌n 11:28

Màta è làꞋa ànəê yaa ale, ngà ntɔ wanyɨ vi Màlià a ntsèm shu abua tò nê, “NyɨꞋtà wa è kɨꞋɨ, tàa ntɔ awê.”

Jɔ̌n 11:3

Màlià bɔ̂ Màta e tsàà ntu̧ abua Yesò nê, “Tê, wòt wê wu à taꞋa wua nkɔ̀ŋkà la, nàà ngò̧ò̧nà.”

1 Kɔlìn 12:3

Ale, maà nkɨà bɨa ko nê, betsiꞋa wòt Fo Kèfə è ghɨ̂ tà me làꞋà la ka tsɔ̧ɔ̧ a Yesò, wòt kà mê ngu ko shu nê Yesò wu Tàt, kà wu wòt Fo Kèfə nàa èntɨ̧ɨ̧ tò la.

1 Kɔlìn 8:6

ko abua ya, ba bɔ wuê a Mbɔ̧ɔ̧mà wemɔ̀Ꞌ, tà wu Tǎt wa la. Èghɨ ègème ghɨ̀à tòà, è mè ngu tòà ka tà ghɨ̀ àwa mbɨ̀Ꞌɨ̀ baa wu bòt tò la, ba mè mbɔ a Lefɨ̀Ꞌ wuê wemɔ̀Ꞌ, wù Yesò Klistò la. Tà wu wòt Mbɔ̧ɔ̧mà ghɨ̂ tà nɨ̀ èbu bi ngɨ̀ èghɨ ègème la, è mè ngu tòà ka tà ghɨ̂ baa me ko tseka mbɨ̀Ꞌɨ̀ bòt Mbɔ̧ɔ̧mà la.

Efesɔ̀s 6:9

Bɨ̀a wu bɨ bɔ èbùꞋ la, bɨ̀ me baãaã wɔb ntsɔ̧̀ mɨ̧̂, bɨ̀ ka me kàà wɔb, nko nê tǎt wu tà bɔ awɨ̧ bàgème la wu a ègwet. Tàà saꞋa bòt kà lȩ mèsi.

Filìpȩ 2:11

Èghɨ baa ègème e mè ngu elàꞋa ane mètsəê mɔb nê, Yesò Klistò wu Tǎt a ègwet àghɨ àgème, mbɨ̀Ꞌɨ̀ àghɨ àgème aa wùꞋtè èlen Tǎt tò Mbɔ̧ɔ̧mà.

Filìpȩ 3:8

Ane nkûŋ, è ndem ntsě wuê ndàꞋ èbùà. Mâ ntsiꞋa ndzèa èghɨ ègème àfɨ̀Ꞌ yaa mbɨ̀Ꞌɨ̀ e te ntsě èghɨ, mbɨ̀Ꞌɨ̀ e lâ eko wòt Tǎt am Yesò Klistò wû wùà la. Àyaa a bɔ̀ tê ntsè èghɨ tsa bu ègème. Mâ sǎ èghɨ bu ègème e ndi ngua ngɨ̀à la nkaa atò. Mâ ntsiꞋa ndzèa èghɨ ngaa ègème mbɨ̀Ꞌɨ̀ tabtsə, mbɨ̀Ꞌɨ̀ è ngu e tsiꞋi wuê ba Yesò Klistò,

Jimsì 2:19

Bɨ bɨ̧ɨ̧ne nê Mbɔ̧ɔ̧mà nàà wemɔ̀Ꞌ ale nko nê bɨ ghɨ ntsɔ̧̀. Ka wuê fote kàbɔ̀ŋ tè bɨ̧ɨ̧ne ayɔb mɨ̧̂, tè me benta mbɔ̀ɔ.