Jɔ̌n 12:48 - Mundani

⁴⁸ Àghɨ aa və àa li saꞋa waa waa tà tu̧ am, mè ntu̧ ànəa mâ shu la. Mèngǎ̧ mâ làꞋà la ka nàa li esaꞋa ŋut àlia ngɔ̀ŋ nàa li elìà la.

Jɔ̌n 12:48 ပူးပေါင်းရင်းမြစ်များ

Matìù 10:15

Ane nkûŋ, e shua wɨ̧ nê, naa li ngu ane àlia saꞋa Mbɔ̧ɔ̧mà, tà kù tèsȩte bòt Sodòm nè Gòmolà tè ntsè ndɨ tàa ku e te bòt èpfəè mbɔŋ la.

Matìù 21:42

Yesò bììte awɔb nê “Tè bɨ bakà li me tɔ èngà̧ waa a èbem Àkata Mbɔ̧ɔ̧mà ezə? ‘Èti lu bèmbɔ̧ɔ̧ lob e li ngwaꞋ nê wu èti kàbɔ̀ŋ la, wu lùà ka è tsìꞋi ngule èti tɔ̀Ꞌɔ̀ lob la. Eyaa wu àghɨa Mbɔ̧ɔ̧mà ghɨ̀ la, a ghe àa mbɔ̀ la.’

Matìù 25:31

“Naa li ngu àfɨꞋa Waã Wòt kɨꞋɨ ane ènɨ̧ tǎt vi, nè bɔntu̧ Mbɔ̧ɔ̧mà bàgème la, tà tseke a ègwet àtɨ̧a Kèfɔ̧̀ Mbɔ̧ɔ̧mà.

Ntu̧ Ntsɔ̧̀ MAK 12:10

Tè bɨ bakà li me tɔ èngà̧ waa a èbem àkata Mbɔ̧ɔ̧mà ezə? ‘Èti lu bèmbɔ̧ɔ̧ lob e li ngwaꞋ nê wu èti kàbɔ̀ŋ la, wu lùà ka e tsiꞋi ngule èti tɔ̀Ꞌɔ̀ lob la.

Ntu̧ Ntsɔ̧̀ MAK 16:16

Wòt ègème tà bɨ̧ɨ̧ne Ntu̧ mbɔŋ tè bɔ zì atò a èdzî la, naa bɔ mèmpème. È wu wòt kà bɨ̧̀ɨ̧̀ne, ko aa li ebɨɨ a ŋut.

Ntu̧ Ntsɔ̧̀ MAK 8:31

Yesò li mbùꞋ me nyɨꞋte bɔkatè bi nê, “Waã Wòt bɔ ndɨ tàa ye ngoꞋ nyaŋ la. Bèkěm nè bɔɔjuŋ nè bèntsìà mèpɨ̧̀ nè bènyɨꞋtà mbɨ̧te Musì, aa tsìa tò ayɔɔ, ebùŋe atò, ka naa me wu ane èlibȩ betat taa yu̧u̧me.”

Lûk 10:16

Yesò shu abua bɔkatè bi nê, “Wòt me zə awɨ̧, tà wua ndzəa am, we tà teme kwèn zi ŋǎ abua yɨ̧ la, wua ntèma kwèn zi ŋǎ abua am, wòt tà teme kwèn zi ŋǎ abua am la, wua ntèma kwèn zi ŋǎ abua wòt wu tà tsàà am la.”

Lûk 17:25

Ka tà bɔ ndɨ tàa bɨ̌ taꞋa ye ngoꞋ, bòt laane aa mèe tu̧ nê bɔ bakà ko atò la.

Lûk 20:17

Yesò me lɨ̀ŋke àwɔb tè nê, “Èngǎ̧ Mbɔ̧ɔ̧mà è shua nê ghàà? ‘Èti lu bèmbɔ̧ɔ̧ lob e li ngwaꞋ nê wu èti kàbɔ̀ŋ la, wu lùà ka e tsiꞋi ngule èti tɔ̀Ꞌɔ̀ lob la.’

Lûk 7:30

Ka Bèfalèsiì nè bènyɨꞋtà mbɨ̧te Musì bɔ tu̧u̧ àghɨa Mbɔ̧ɔ̧mà taŋkè abua yɔb la, nkàà nê bɔ li ntû̧ ebɨ̧ɨ̧ne Jɔ̌n naa zì àwɔb a èdzî mɨ̧̂.

Lûk 9:22

“Waã Wòt bɔ ndɨ tàa ye ngoꞋ nyaŋ la. Bèkěm, nè bɔɔjuŋ bèntsìà mèpɨ̧̀, nè bènyɨꞋtà mbɨ̧te Musì aa bùŋe atò, ka naa me wu ane èlibȩ betat taa yu̧u̧me.”

Lûk 9:26

Ale, àtsəa wòt a me kɔꞋɔ ambo yaã nè mèngǎ̧ mɔ̧, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ vi, nè we Tǎt vi bɔ̂ bɔntu̧ bi la.

Jɔ̌n 11:24

Màta shu abua tò nê, “Mâ koê nê taa li mèe lɔ̀Ꞌɔ a si ane àli yu bèmpfəà bèa yu̧u̧me la.”

Jɔ̌n 5:45

“Bɨ̀ ka mɨ̀ɨ̀tè nê maa ghǎ a mbì Tǎt am eshu ànəê àtsəa yɨ̧. Musì wu bɨ li nɔ̀ŋè ntɨ̀ yɨ̧ ane tò la, ka tàa shua ànəê àtsəa yɨ̧ la.

Jɔ̌n 6:39

Eyaa wu àghɨa tòà wu tà tsàà am la nàa nkɨà la, nê è nka sàŋ wòt kǒ ane bòt bu yê ŋa abua am la è nyɔ̂, nê è ndi ngɨ̀ wuê ndɨ bɔ̀ɔ yu̧u̧me àlia ngɔ̀ŋ nàa lìà la.

Jɔ̌n 8:47

Wòt tà wu wê Mbɔ̧ɔ̧mà la nàà njùta mèngǎ̧ tò. Lə yu bɨ̀a ka kɨ eyute mèngǎ̧ mbɔŋ la wu nê, bɨ ntsě bòt Mbɔ̧ɔ̧mà.”

ÀfaꞋa 17:31

Aà ale nkàà nê, tà tsia àlia tàa li tsě ane wòt kǒ tà yɔꞋ la, esaꞋa ngɔ̀ŋ yaa ane ndɨ a kùꞋù la. Tà nyɨꞋte a waa waa nê ànəê yaa aa li tsè mbɨꞋɨ̀ ye kàꞋà la, nkàà nê tà ghɨ̂ ŋut pfə mè njù̧ù̧mê.”

ÀfaꞋa 3:23

Wòt bakà yute ànəa ndàꞋàtɔŋ wu è shu la, ko Mbɔ̧ɔ̧mà naa li e tsǐ atò ayɔɔ bòt bi etsàa taa ghǎ enyɔ.’

Lûm 2:16

Ntu̧ Ntsɔ̧̀ yu màa ntsɔ̀tà la nàa shua nê, eyaa wu ndɨ bɔ̀ɔ li lo esaꞋa bòt ane àli yu Mbɔ̧ɔ̧mà nàa ghɨ̌ Yesò Klistò naa saꞋa mènəè ndò̧ mu a mèntɨ̧ɨ̧ bòt la.

2 Kɔlìn 4:3

È wu nê Ntu̧ Ntsɔ̧̀ yaa ba làꞋà la wu mbɨ̀Ꞌɨ̀ ànəa bɔ kaba la abua bòt ko, ko wu ànəa bɔ kaba la abua bòt bu nga eleme la.

2 Tèsàlonikà 1:8

Tà kɨꞋa e ghɨ̌ bòt bu ka nɔ̀ŋe àdziꞋ abua Mbɔ̧ɔ̧mà a èbem mèntɨ̧ɨ̧ mɔb la aa ye ngoꞋ nkàà mènəè kàbɔ̀ŋ mɔb, nè èbu bɔ̀ɔ ka ghɨ mbɨ̀Ꞌɨ̀ Ntu̧ Ntsɔ̧̀ Yesò Lefɨ̀Ꞌ wa wu tà wu Tǎt wa la nàa shua la.

Ebùlù 10:25

Bà ka me tseke ka wua mbù̧ù̧tà mbɨ̀Ꞌɨ̀ bòt ko àa ngɨ̀à la. Bɨ̀ ghɨa bà me lɔ̀ktè mèntɨ̧ɨ̧ bɔnyɨ ba tè ntsè ndɨ bàa ndzìà ngɨ̀à la, ndɨ̀ wu bàa ndzèa nê, Àlia Mbɔ̧ɔ̧mà aà nkɨ̀Ꞌa la.

Ebùlù 12:25

Bɨ̀ ko mbɨ̀Ꞌɨ̀ ka bɨ tu̧u̧ eyute wòt wu ndàꞋà la. Bòt bu bɔ li ntù̧u̧ eyute wòt wu a sitsǎꞋ tà li ndàꞋà èngǎ̧ Mbɔ̧ɔ̧mà la e li bɔ̀ ka ko ndùùlà. A wu wu anè ane bòt baà, ko bàa wu ba tu̧u̧ eyute wòt wu tà dzə a ègwet la è ka li ko elùùlà a.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Ebùlù 4:12

Èngǎ̧ Mbɔ̧ɔ̧mà e wu èyu̧ mè mbɔ̀ mètàŋ. E tɔɔ te ntsè nyi èbà bebe. Aà sɔ̀ɔ̀bà tè ngà ndzə àdziꞋa àlɨ̀ŋka wɔ̀bȩ̂ nè fo tò à wu abot la, mè sɔ̀ɔ̀bà tè ngà ngu a èbem èkwȩ bɔ̂ mbɔ̀ɔ̀latsə. Aa ngɨ̀à Mbɔ̧ɔ̧mà ko àghɨa wòt nàa mɨ̀ɨ̀tà la nè àyea tàa nkɨ e ghɨ̀ la.

1 Pità 1:5

Èghɨ mbɔŋ e wu abua yɨ̧ wu bɨ̀ zì mèntɨ̧ɨ̧ mɨ̧ ane Yesò Klistò la. Mbɔ̧ɔ̧mà nɨ̀ mètàŋ mi nkàbte awɨ̧ me chɨ̀Ꞌɨ̀ àli yu ngɔ̀ŋ nàa li elìà la. Taa li eŋa wɨ̧ mèmpème màa tà taŋke la.

2 Pità 3:3

Bɨ̀ bɨa ndzì àyaa a mèntɨ̧ɨ̧ mɨ̧ nê, naa li ngu àfɨꞋa ngɔ̀ŋ tsìꞋa ndɨ̀à lìa la, bòt bɔ̀ɔ nkɨ me ghɨ̀ wuê èghɨ mbɨ̧te ènyit tèa nkɨà la aa kɨꞋɨ e me wȩ̀ȩ̀tè àwɨ̧.

2 Pità 3:7

Mbɔ̧ɔ̧mà li ndàꞋ wuê èngǎ̧ vi mbɔŋ nɔ̀ŋè ègwet làa bɔ̂ sitsǎꞋ yàa àfɨ̀Ꞌ yaa la me chɨ̀Ꞌɨ èwet àa tò̧o̧. Aa li ghɔ̀Ꞌɔ ane àli yu tàa li esaꞋa bòt bu bɔ tu̧u̧ atò la eliime awɔb la.