Jɔ̌n 12:42 - Mundani

⁴² A li mbàte ngu anè ale, ka bɔɔjuŋ nyaŋ ayɔɔ Bèjuê bu e bɔ̂ ndzì èntɨ̧ɨ̧ wɔb ane Yesò ka ndɨ̀ wu bɔ̀ɔ mbɔ̀a Bèfalèsiì la, bɔ̀ ka nɨ ètsəê wɔb elàꞋa bòt aa zə, mbɨ̀Ꞌɨ̀ ka bɔ fəè àwɔb a èbem lob Mbɔ̧ɔ̧mà yɔb.

Jɔ̌n 12:42 ပူးပေါင်းရင်းမြစ်များ

Matìù 10:32

“Ale, wòt ègème tà tɨ̧ɨ̧ a kètsìà bòt mbɨ̧̀ɨ̧̀ne nê ye wu wòt am la, maa li mbɨ̧̀ɨ̧̀ne nê tà wu wòt am mɨ̧̂ a mbì Tǎt am wu a ègwet la.

Lûk 12:8

“Ale, tsiꞋ è shu awɨ̧ nê wòt gème tà tɨ̧ɨ̧ a kètsìà bòt mbɨ̧̀ɨ̧̀ne nê ye wu wòt am la, Waã Wòt naa li mbɨ̧̀ɨ̧̀ne nê tà wu wòt vi mɨ̧̂ a mbì bɔntu̧ Mbɔ̧ɔ̧mà.

Lûk 23:13

Bɔ vəèə a Yesò ale, Pȩlèt tɔ bètǎt bèntsìà mèpɨ̧̀ Mbɔ̧ɔ̧mà nè bɔɔjuŋ Bèjuê, nè bòt àlaꞋ,

Lûk 6:22

Ntsɔ̧̀ wu bɨ̀a wu bòt aa mpààbà àwɨ̧, ntsìà àwɨ̧ ayɔɔ, ntsɔ̧̀ɔ̧̀tà àwɨ̧, mè shua nê bɨ wu bòt kàbɔ̀ŋ, nkàà ndɨ̀ wu bɨ̀a nkùŋà Waã Wòt la.

Jɔ̌n 11:45

Mbɨ̀Ꞌɨ̀ Bèjuê bu bɔ nkuŋa Màlià ngà la, e ye àghɨa Yesò ghɨ̀ la, àbəèꞋa yɔb nyaŋ a zì èntɨ̧ɨ̧ wɔb ane to.

Jɔ̌n 12:11

nkàà nê ànəa a ghɨ ane tò la, a ghɨ̂ Bèjuê nyaŋ e me sa wɔb ngà ndzìà èntɨ̧ɨ̧ wɔb ane Yesò.

Jɔ̌n 16:2

Bòt aa kɨ̀ŋè àwɨ̧ a èbem lobte Mbɔ̧ɔ̧mà etsǎ àbȩ. Ane nkûŋ, àfɨ̀Ꞌ àko aa nkɨ̀Ꞌa wòt bùŋà wɨ̧ ko taa mɨ̀ɨ̀te nê ye wua nkùkta Mbɔ̧ɔ̧mà ane àghɨa ye ghɨ̀à la.

Jɔ̌n 19:38

Mbɨ̀Ꞌɨ̀ mènəè maa tsè la, Jòsêb, wòt Àlimàtià kɨ̀Ꞌɨ̂ shu abua Pȩlèt nè yea nkɨ enɨ àpfəꞋte Yesò. Jòsêb waa li ngu wakatè Yesò, ka me lò̧ò̧te, nkàà nê tà li ngua mbɔ̀ɔ bɔɔjuŋ Bèjuê. Tà shu ale, Pȩlèt bɨ̧̀ɨ̧̀ne, tà ghà shuke àpfəꞋta Yesò yu nɨŋ ngà etu.

Jɔ̌n 3:2

È wu ètsəꞋ ane àli ako tà gha àdziꞋa Yesò naa tsèka la shu abua atò nê, “Labȩ̀, ba ko nê à wu nyɨꞋtà Mbɔ̧ɔ̧mà tsàà la, nkàà nê Mbɔ̧ɔ̧mà bakà wu nè wòt, tà kà ko ngɨ̀ tèwuute ènəê kà ye fɨ̀Ꞌ taa àa ngɨ̀à la.”

Jɔ̌n 7:13

Bòt bu aa ndàꞋà ale ka wòt kà laꞋ tè bòt aa zə, nkàà nê bɔɔ mbɔ̀ɔ bɔɔjuŋ Bèjuê.

Jɔ̌n 7:31

Ka bòt nyaŋ ayɔɔ ènɔ̧̂ bòt bu e ghɨ̀ ale ndzì mèntɨ̧ɨ̧ mɔb ane tò tè me làꞋa shua nê, “Tè Fɔ̧̀ wu Mbɔ̧ɔ̧mà li ndzɔꞋ etsàà la naa li kɨꞋɨ e ghɨ̀ tèwuute ènəê kà ye fɨ̀Ꞌ te tsè è taa mbê waa ghɨ̀ la à?”

Jɔ̌n 9:22

Tǎt tò bɔ̂ nyɨ̌ tò aà ndàꞋà ale ngua mbɔ̀ɔ bɔɔjuŋ Bèjuê, nkàà nê bɔɔjuŋ mbɔŋ e li ndzaŋe nɔ̀ŋe nê wòt bɨ̧̀ɨ̧̀na, mè shu nê Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, ko bɔɔ fəa tò a èbem lob Mbɔ̧ɔ̧mà yɔb.

Jɔ̌n 9:34

Bɔ shu abua tò nê, “Bɔ li mbia wê kwàꞋ a èbem mènəè kàbɔ̀ŋ, ngule si àghɨ yu à ko te enyɨꞋte awa la wu ghà à?” Bɔ ghɨ̀ ale mbɔ̂ ntsi atò ayɔɔ bòt lob Mbɔ̧ɔ̧mà.

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.

Lûm 10:10

Wòt nàa ngɨ̀ tà bɨ̧ɨ̧ne a èntɨ̧ɨ̧ vi, Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, wòt mee tà làꞋa ane ètsəê vi, tà bɔ̀ mèmpème.

1 Jɔ̌n 4:15

Waa waa tà bɨ̧ɨ̧nè mè me shu ane ètsəê vi nê, Yesò wu Waã Mbɔ̧ɔ̧mà la, ko nê Mbɔ̧ɔ̧mà tsiꞋi àghɨ yeamɔꞋ bɔ̂ tò, tà mè ntsìꞋi àghɨ yeamɔꞋ bɔ̂ Mbɔ̧ɔ̧mà mɨ̧̂.

1 Jɔ̌n 4:2

Àghɨa àa ghɨ̌ bɨa ko nê fo yu ane wòt la wu ye Mbɔ̧ɔ̧mà la wu nê, waa waa tà bɨ̧ɨ̧nè mè me shu ane ètsəê vi nê, Yesò Klistò li ntsìꞋi wɔ̀bȩ̂ la, bɨ ko nê fo yu ane ŋut la wu ye Mbɔ̧ɔ̧mà.