Jɔ̌n 12:35 - Mundani

³⁵ Yesò bɨ̀ɨ̀lè nê “ÈkaꞋà e bele nè nɨ̧̀ ane ketem àfɨ̀Ꞌ àko. Bɨ̀ me ghȩȩne àfɨ̀Ꞌ yaa èkaꞋà è bele la, mbɨ̀Ꞌɨ̀ ka ndzěm kwene ane yɨ̧. Wòt nàa ngɨ̀ tà me ghȩ̀ȩ̀ne a èbem ndzěm tà kà ko àdziꞋa ye ghà la.

Jɔ̌n 12:35 ပူးပေါင်းရင်းမြစ်များ

Lûk 18:37

Bɔ shu atò nê, “Wu Yesò wòt Nazàlet ntsèà.”

Jɔ̌n 11:10

Ka è wu wòt tàa ngȩ̀ȩ̀nà ètsəꞋ la, tà me kwene a si, nkàà nê tà bakà bɔ èkaꞋà.”

Jɔ̌n 11:9

Yesò bɨ̀ɨ̀lè nê, “Ka mâ ye nê àliabȩ ebùꞋu a ntɔtetsɔ̌Ꞌ eghǎ dzə a nyèmtèsi a bɔ wu nyèm èghem ntsɔ̀b tebe à? Wòt tàa ngȩ̀ȩ̀nà nèngû̧ la nàà kà kwene a si, nkàà nê tà bɔ èkaꞋà, àbȩ a mè me fəə.

Jɔ̌n 12:36

Bɨ̀ zǐ èntɨ̧ɨ̧ wɨ̧ ane wòt wu tàa ngɨ̀à èkaꞋà e wua la, àfɨ̀Ꞌ yaa bɨ̀ wu ne tò la, mbɨ̀Ꞌɨ̀ etsiꞋi bòt bɔ̀ɔ ntsèka a èbem èkaꞋà la.” Yesò laꞋà èngà̧ waa abua bòt ale, ndɔ̀Ꞌ abot ngà ndò̧ò̧tè àwɔb.

Jɔ̌n 12:46

Mâ kɨꞋɨ a ngɔ̀ŋ ŋaa mbɨ̀Ꞌɨ̀ wòt tàa ngɨ̀à èkaꞋà e beꞋa la, mbɨ̀Ꞌɨ̀ wòt ègème tà zi èntɨ̧ɨ̧ vi ane yaã la ka tsi tseke a èbem ndzěm a.

Jɔ̌n 16:16

“AdzìꞋ naa me wù̧ù̧ne bɨ̀ ka tsi ndzè am; ka àdziꞋ mè ngu me wù̧ù̧ne bɨa ye am.”

Jɔ̌n 7:33

Bɔɔ ngɨ̀a ale Yesò shu abua bòt nê, “Maa nyaꞋa wù̧ù̧nè ba nɨ̧̀ ba ane ateme àfɨ̀Ꞌ àko ka wène abua wòt wu tà tsàà am la.

Jɔ̌n 8:12

Yesò ghɨ̀ ale, mè ndaꞋa abua Bèfalèsiì nê, “E ngu èkaꞋà ngɔ̀ŋ yaa. Wòt tà kùŋè am la, è bɔ èkaꞋà mèmpème, tà ka tsi li ghȩ̀ȩ̀ne a èbem ndzěm a.”

2 Kɔlìn 3:14

Bɔ li ngu bɔ̀ɔ ngɨ̀ bɔ̀ zə ndɨ wòt tɔ àkata mènkàꞋa kèkweelè nyǎꞋ Mbɔ̧ɔ̧mà la, bɔ̀ ka ko ànəa a shua la, ngu nê ètsə bɔb e li è ka ghaꞋtè. Eyaa wu èlɨ ètsə bɔb ngaa è bele ekɨꞋɨ dzəè laane la. Wòt nàa ngɨ̀ tà tsìꞋi àghɨ yeamɔꞋ nè Yesò Klistò, ka ndǐ mbɔŋ bɔ̂ ndzə a èsi tò.

Gàlashìà 6:10

È wu ale, àfɨ̀Ꞌ àgème èlu̧ e dzə a si ndɨ betsiꞋa ba ghɨa ntsɔ̧̀ ane wòt ègème la, ba ghɨ̀. È bɔ è me wu bɔnyɨ ba bu bɔ zì mèntɨ̧ɨ̧ mɔb ane Yesò la ba ghɨa ntsɔ̧̀ ane yɔb tè ntsè.

Efesɔ̀s 5:8

Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.