Jɔ̌n 12:27 - Mundani

²⁷ Yesò nê, “Èntɨ̧ɨ̧ am aà mbɨ̀a àfɨ̀Ꞌ yaa. È ngu anè laꞋnê ghà à? ‘Tè betsiꞋa e nê Tǎt am tsì am a èbem ngoꞋ yaa?’ ChaꞋ è nka shu ale a, nkàà nê e ndi nkɨ̀Ꞌɨ̂ a sitsǎꞋ ŋàa mbɨ̀Ꞌɨ̀ eye ngoꞋ yaa.

Jɔ̌n 12:27 ပူးပေါင်းရင်းမြစ်များ

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Matìù 11:26

Oò Tè, à li ngɨ̀ àyaa ane mènkɔ̀ŋke mê, mè nè ndɨ àa bɔ̀ àwê la.

Matìù 26:42

Tà mè nkua akwèn ngà ntsàꞋtè a Mbɔ̧ɔ̧mà nê, “Tê, à bakà wu enɨ ndɔŋ ngoꞋ yaa kà e nu yùà, a tsiꞋ a wu mbɨ̀Ꞌɨ̀ àa nkɨà la.”

Matìù 26:45

Mbɔ̂ mè nkɨ̀Ꞌɨ̂ abua bɔkatè bi bu mbììte awɔb nê “Bɨ bele a si bɨ nɔ̀ŋkè me li mè ndzètà wɨ̧ la kè naà? Bɨ̀ ye! ÀfɨꞋa bɔ̀ɔ baãaã Waã Wòt ezǐ a tèkitebu bòt kàbɔ̀ŋ la a kuêꞋ,

Lûk 22:44

Mbɨ̀Ꞌɨ̀ tà ghɔ̧ɔ̧na a èntɨ̧ɨ̧ vi nyaŋ la, tà tsènè ntsàꞋta Mbɔ̧ɔ̧mà nè èntɨ̧ɨ̧ vi ègème. Èlemne tò e me chɨ̧ɨ̧te a si mbɨ̀Ꞌɨ̀ tètabte àlo̧.]

Lûk 22:53

Maà wu ba nɨ̧̀ ba a èbem lob nɨ̧ Mbɔ̧ɔ̧mà àli àgème, ka bɨ̀ ka mbà̧aã am. Ka eyaa wu àfɨ̀Ꞌ àyɨ̧ nè àfɨꞋa Satàn bɔ mètàŋ mi ègème la.”

Jɔ̌n 11:41

Ale, bɔ bɨŋè èti lu ntsì, Yesò lɔ̀ke àvi ndȩ̀ ègwet nê, “Tê, mâ taꞋa kɔ̀ŋke ndɨ̀ wu à yute èngǎ̧ am la.

Jɔ̌n 12:23

Yesò shu abua yɔb nê “AfɨꞋa Mbɔ̧ɔ̧mà nàa nyɨꞋte ènɨ̧ Waã Wòt la a kuêꞋ.

Jɔ̌n 13:21

Mbɨ̀Ꞌɨ̀ Yesò làꞋ ale la, a me ŋa atò ngoꞋ a èntɨ̧ɨ̧ tò tè tà ghaꞋa ètsəê vi nê, “Ane nkûŋ, tsiꞋ è shua wɨ̧ nê, wòt kǒ ane yɨ̧ nàà fɨ̧̀ɨ̧̀nè am.”

Jɔ̌n 18:37

Pȩlèt bììte atò nê, “Tè a wu Fɔ̧̀?” Yesò bɨ̀ɨ̀lè nê, “À bê shu tè ndɔ̀Ꞌ. E ndi nkɨ̀Ꞌɨ̂ a ngɔ̀ŋ ŋaa bɔ bi am nkàà ànəê yeamɔꞋ, enyɨ̀Ꞌte bòt àghɨa nkûŋ wu yùà la. Waa waa tàa nkɔ̀ŋkà nkûŋ la nàà ndzəa ànəa màa shua la.”

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

Ebùlù 2:14

Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

Ebùlù 5:7

È li ngu àfɨꞋa Yesò wu a sitsǎꞋ ŋàa la, tà me ŋȩ nè mèsi ntsàꞋta Mbɔ̧ɔ̧mà nè èntɨ̧ɨ̧ vi ègème shua mènəè abua tò wu betsiꞋa tà ko ngɨ̀ tè Yesò wu tseke kà pfə la. Mbɔ̧ɔ̧mà li njùte ànəa tà dɨ̀à shua la ndɨ̀ wu Yesò li ngua mbɔ̀ɔ̀le avi ndzəa tò la.