Jɔ̌n 12:20 - Mundani

²⁰ Bòt Glɨ̂k ko e li ngu àyɔb ayɔɔ bòt bu bɔ kɔꞋ ngà a Jèlusalèm àdziꞋa èpǎ̧ wu ewùꞋte a Mbɔ̧ɔ̧mà la.

Jɔ̌n 12:20 ပူးပေါင်းရင်းမြစ်များ

Ntu̧ Ntsɔ̧̀ MAK 7:26

Àvi nga li ngu vi Glɨ̂k, bɔ bi atò a Sìlòfònisìà a èbem àlaꞋ a Silìà la. Tà li shù̧ù̧te a Yesò nê tà fəâ fo kàbɔ̀ŋ yu ane waã vi la.

Jɔ̌n 12:1

È li ntsìꞋi èli bentùa àlia èpǎ̧ Màntsea a ègwet a kùꞋ, Yesò kɨꞋɨ a Betanì, adzìꞋ yu Lazalɔ̀s wu tà li mpfə Yesò yù̧ù̧me atò la, nàa ntsèka la.

Jɔ̌n 12:19

Bèfalèsiì e ye ale nê, “Àghɨa ko bàa mèe ko ghɨ̀ la a te ntsě. Ye ndɨ àlaꞋ àgème a tsiꞋa nkuŋa wuê atò la.”

Jɔ̌n 7:35

ÀfɨꞋa mbɔŋ Bèjuê bu e bùꞋ me biite a kètsìà wɔb nê, “Mbê waa kɨ ghà neŋǎ kà ba wu eye atò à? Tè tà kɨ ghǎ àlaꞋ a bòt Glɨ̂k, àdziꞋa bòt baa ko àa ntsèka la, mbɨ̀Ꞌɨ̀ me nyɨꞋte awɔb?

ÀfaꞋa 14:1

Pɔ̂l bɔ̂ Bànabasì e li nga a Èkonìòm ale, mènəè bê nguê mbɨ̀Ꞌɨ̀ è li ntse a Antìɔ̀k la. Bɔ li nyi a èbem lob Mbɔ̧ɔ̧mà ndàꞋ èngǎ̧ e kweelè tè Bèjuê nyaŋ nè bòt kà wu Bèjuê e zì mèntɨ̧ɨ̧ mɔb ane Yesò.

ÀfaꞋa 16:1

Pɔ̂l ba e li ngȩ̀ȩ̀nè ntse àpfəèà nɨ̧ a Debì, nga a Lislà. Wakatè Yesò kǒ li ngua ntsèka abot, èlen tò wu Tɔ̀màtià. Nyɨ̌ tò wu wòt Yesò mɨ̧̂, mbɔ̂ ngu wòt Juê, ka tǎt tò wu wòt Glɨ̂k.

ÀfaꞋa 17:4

ÀbəèꞋ àko ane yɔb a bɨ̧ɨ̧nè ànəa Pɔ̂l shua la tè fɔ̀te awɔb bɔ̂ Sȩlàs. Èngǎ̧ wu e ghɨ̀ tè bòt Glɨ̂k nyaŋ bɔ̀ɔ ngùꞋtà Mbɔ̧ɔ̧mà la nè bèzi kekweelè ko e fɔte ane Pɔ̂l ba mɨ̧̂.

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

ÀfaꞋa 21:28

Bɔ baãaã atò ale, me ŋȩa shua nê, “Bòt Izəèlȩê, bɨ̀ tɨ̀ŋe awa. Eyaa wu mbê wu tàa ngȩ̀ȩ̀nà nyɨ̀Ꞌta bòt bàgème nê bòt Izəèlȩê, nè mbɨ̧te Musì, fɔ̀ɔ̀lè ne lob nɨ̧ Mbɔ̧ɔ̧mà a Jèlusalèm wu èghɨ aku la. Ye atò àfɨ̀Ꞌ yaa tà chɨɨmè nɨ bòt ko kà wu Bèjuê nyi a èbem lob nɨ̧ Mbɔ̧ɔ̧mà a Jèlusalèm tè ntsòkè lob ngaa la.”

ÀfaꞋa 8:27

Filìb dzəè mbà̧à̧ èlu̧, ngà kwene ane wòt nɨ̧ ko tà dzə àlaꞋ a Ètìopìà tàa nkua akwèn nga àlaꞋ yɔb la. Mbê waa li ngu wòt nɨ̧ àtsəa lob èkab Kàndasì è wu àvi tà li ngu fɔ̧̀ àlaꞋ a Ètìopìà la. Tà li ndzəè nè Jèlusalèm ewùꞋte a Mbɔ̧ɔ̧mà, mbɔ̂ ngu a ègwet èwuu àkàt ako bɔ ghɨ̂ ndzì mèliꞋ bèloà be me səè la. Tà tseke ale me ghȩ̀ȩ̀na ntɔ àdziꞋa ko a èbem àkatè yu Àsayà ndàꞋàtɔŋ Mbɔ̧ɔ̧mà li shɨŋ la.

Lûm 1:16

Maà kà bɔ àtsəa kɔꞋɔ a ane Ntu̧ Ntsɔ̧̀ Mbɔ̧ɔ̧mà, nkàà nê, wu mètàŋ Mbɔ̧ɔ̧mà màa nɨa ntsɔ̀tà Ntu̧ Ntsɔ̧̀ yu nàa ngɨ̀à waa waa tà zi èntɨ̧ɨ̧ vi ane Yesò la peme la, ebùꞋu ane Bèjuê bu èngǎ̧ mbɔŋ e li mbɨ̀ abua yɔb la, eghǎ wu ane bòt kà wu Bèjuê.

Lûm 10:12

Bèjuê nè bòt kà wu Bèjuê e wu àghɨ yeamɔꞋ a mbì Mbɔ̧ɔ̧mà, ndɨ̀ wu tà wu Tǎt bòt bàgème, mè me lâ ndɔ̀ɔ̀là bòt bu bàgème bɔ̀ɔ ntɔ atò la.

Gàlashìà 2:3

Tȩtɔ̀s wu ba tò e li ngà nɔ̂ la li mbàte ngu wòt Glɨ̂k ale ka bɔ̀ ka lem ŋweele atò e ghɨ̌ bɔɔ naŋe tò mbɨ̀Ꞌɨ̀ taa tsiꞋi wòt Mbɔ̧ɔ̧mà.

Gàlashìà 3:28

BetsiꞋa bɔ̀ ka tsi nê wòt Juê è kubte ane wòt Glɨ̂k, àbùꞋ à ka kubte ane wòt ka wu àbùꞋ, mbâ̧ kà kubte ane àvi, nkàà nê bɨ̀agème e tsiꞋi àghɨ yeamɔꞋ ane Yesò Klistò.

Kɔ̀losìà 3:11

Mbɔ̧ɔ̧mà ghɨ a èlɨ̀ waa ale, Bèjuê è ka tsi ngu tsa, bòt kà wu Bèjuê aa wu tsa. Bòt bɔ naŋè àwɔb la è ka wu tsa, èbe kà bɔ naŋè àwɔb aa wu tsa. Bòt Sintìà è ka mê ngu tsa, bòt tèbemtebàꞋ aa wu tsa, èbùꞋ è ka wu tsa, bòt kà wu èbùꞋ aa wu tsa. Wòt bɔ yea àfɨ̀Ꞌ yaa la wu ndàꞋ Yesò Klistò, è mè ngu tòà tà wu ane yɨ̧ bɨ̀agème la.