Jɔ̌n 12:17 - Mundani

^17-18 Àghɨa a li ngɨ̀ ka bòt e me dzəa nga ekwene ane tò la wu nê, bɔ li ndzaŋe ezə ànəa kà ye àfəa yu tà li ngɨ ane Lazalɔ̀s la. Bɔ li ndzə nkàà nê bòt bu bɔ li ngu bɔ̂ Yesò ba àfɨꞋa Lazalɔ̀s li mpfə, tà kɨ̀Ꞌɨ̂ ntɔ atò a èbem èsî njù̧ù̧me atò la, e li ndzaŋe wua ntsɔ̀tà ànəa mbɔŋ abua waa waa. Eyaa wu àghɨa a li ngɨ̀ ka bòt e me taa nga eye a Yesò la.

Jɔ̌n 12:17 ပူးပေါင်းရင်းမြစ်များ

Jɔ̌n 1:19

È li ngu àfɨ̀Ꞌ àko, bɔɔjuŋ Bèjuê a Jèlusalèm e tsàà bèntsìà mèpɨ̧̀ Mbɔ̧ɔ̧mà, nè bòt àndǎ̧ Levì nê, bɔ̀ kɨꞋɨ mbììte a Jɔ̌n nê tà wu wà leꞋ.

Jɔ̌n 1:32

Jɔ̌n làꞋ ndɨ ye li ndze la nê, “E ndi ndzě Fo Mbɔ̧ɔ̧mà e chu a ègwet mbɨ̀Ꞌɨ̀ baba ntɨ̧ɨ̧ ane tò la.

Jɔ̌n 1:34

Mâ ye, mè me kɨ e shu awɨ̧ nê eyaa wu Waã Mbɔ̧ɔ̧mà.”

Jɔ̌n 11:31

ÀfɨꞋa Bèjuê bu bɔ wua lob ndzìà èntɨ̧ɨ̧ Màlià la e me ye tà kȩ̂ a si me ghǎ àbȩ la, bɔ lɔꞋte a si mbà̧aã kwene tò, ntsìꞋa nta nê, tà mè nga tseke àtsəasì me dɨ̌.

Jɔ̌n 11:42

Mâ ko nê àa njùta èngǎ̧ am àfɨ̀Ꞌ àgème, ka e tsiꞋa shua anè nkàà bòt baa bɔ tɨ̧ɨ̧te a si ŋàa la, mbɨ̀Ꞌɨ̀ bɔɔ ko nkûŋ, nkûŋ nê, àwɔ̀ ka à li tsàà am la.”

Jɔ̌n 12:9

ÀfɨꞋa ènɔ̧̂ Bèjuê bu a zə nê tà wu abot la, bɔ kɨꞋɨ̀. Me kɨꞋɨ ale bɔ̀ ka wua nkɨ̀Ꞌa nkaa a Yesò zia ndziꞋne, bɔ wua nkɨ̀Ꞌa eye a Lazalɔ̀s wu tà li mpfə Yesò yù̧ù̧me atò la.

Jɔ̌n 19:35

Wòt tà li ndzě ndɨ mènəè maa tsèà la, è làꞋa ànəa mùà mbɨ̀Ꞌɨ̀ bɨa bɨ̧ɨ̧ne mɨ̧̂. Mènəè maa tà shu la wu nkûŋ, tà mè nko nê, ye làꞋà nkûŋ mɨ̧̂.

Jɔ̌n 21:24

Wu wakatè Yesò waa ka tà ye mènəè maa, ndàꞋà ànəa mùà la; è mè ngu tòà ka tà shɨ mùà a èbem àkatè yaa la. Ba ko nê ànəa tà shɨ la wu nkûŋ.

ÀfaꞋa 5:32

Ba Fo Kèfə ba e ye, mè nkoê mènəê maa. Mbɔ̧ɔ̧mà è tsàa Fo zi yaa abua bòt bu bɔ̀ɔ ndzəèa tò la.”

Ètsə 1:2

Jɔ̌n li shu bòt èngǎ̧ Mbɔ̧ɔ̧mà nè nkûŋ yu Yesò Klistò e nyɨꞋte atò la.