Jɔ̌n 11:42 - Mundani

⁴² Mâ ko nê àa njùta èngǎ̧ am àfɨ̀Ꞌ àgème, ka e tsiꞋa shua anè nkàà bòt baa bɔ tɨ̧ɨ̧te a si ŋàa la, mbɨ̀Ꞌɨ̀ bɔɔ ko nkûŋ, nkûŋ nê, àwɔ̀ ka à li tsàà am la.”

Jɔ̌n 11:42 ပူးပေါင်းရင်းမြစ်များ

Matìù 26:53

À bakà ko laꞋ nê betsiꞋa e ntɔ Tǎt am a ègwet, tà bê ntsàà èlaã bèshujà e tsè èghem ntsɔ̀b bebe, è wu bɔntu̧ tò bu a ègwet la à?

Jɔ̌n 11:22

Ka wuê àfɨ̀Ꞌ yaa, mâ ko nê à shua wuê nê Mbɔ̧ɔ̧mà ghɨ̌ kǎ ànəê leꞋ, ko taa ghɨ̌.”

Jɔ̌n 11:31

ÀfɨꞋa Bèjuê bu bɔ wua lob ndzìà èntɨ̧ɨ̧ Màlià la e me ye tà kȩ̂ a si me ghǎ àbȩ la, bɔ lɔꞋte a si mbà̧aã kwene tò, ntsìꞋa nta nê, tà mè nga tseke àtsəasì me dɨ̌.

Jɔ̌n 11:43

Mbɨ̀Ꞌɨ̀ Yesò tsàꞋte Mbɔ̧ɔ̧mà a èlɨ waa la, tà ŋȩ̂ ane àtɔŋ nɨ̧ nê, “Lazalɔ̀s, dzəa àbȩ!”

Jɔ̌n 12:11

nkàà nê ànəa a ghɨ ane tò la, a ghɨ̂ Bèjuê nyaŋ e me sa wɔb ngà ndzìà èntɨ̧ɨ̧ wɔb ane Yesò.

Jɔ̌n 12:17

Àghɨa a li ngɨ̀ ka bòt e me dzəa nga ekwene ane tò la wu nê, bɔ li ndzaŋe ezə ànəa kà ye àfəa yu tà li ngɨ ane Lazalɔ̀s la. Bɔ li ndzə nkàà nê bòt bu bɔ li ngu bɔ̂ Yesò ba àfɨꞋa Lazalɔ̀s li mpfə, tà kɨ̀Ꞌɨ̂ ntɔ atò a èbem èsî njù̧ù̧me atò la, e li ndzaŋe wua ntsɔ̀tà ànəa mbɔŋ abua waa waa. Eyaa wu àghɨa a li ngɨ̀ ka bòt e me taa nga eye a Yesò la.

Jɔ̌n 17:21

Lefɨ̀Ꞌ, e ntsàꞋtà anè mbɨ̀Ꞌɨ̀ bɔ̀ɔgème aa tsiꞋi àghɨ yeamɔꞋ wuê mbɨ̀Ꞌɨ̀ à wu àghɨ yeamɔꞋ nè nà̧ e mè ngu àghɨ yeamɔꞋ nè nè la. Ghɨa bɔ̀ wu àghɨ yeamɔꞋ nè nà mbɨ̀Ꞌɨ̀ bòt ngɔ̀ŋ aa bɨ̧ɨ̧ne nê, àwɔ̀ ka à tsàà am la.

Jɔ̌n 17:25

“Lefɨ̀Ꞌ, àwɔ̀ wu mènəè mê tɨ̧ɨ̧ ndɨŋndɨ̀ŋ la, bòt ngɔ̀ŋ e bakà ko awê, ka e mbɔ̂ nko awê, bòt bɔ̧ baa e mè nko nê, àwɔ̀ ka à tsàà am la.

Jɔ̌n 17:8

Mâ shu awɔb mènəè mu à li ndzi a tèkitebu taã la, bɔ zə mùà nɔŋe a mèntɨ̧ɨ̧ mɔb, mè nko ane nkûŋ nê, e ndzə abua yê, mè mbɨ̧̀ɨ̧̀ne nê, àwɔ̀ ka à tsàà am la.

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

Jɔ̌n 3:17

Mbɔ̧ɔ̧mà li tà kà wua ntsàà Waã vi a ngɔ̀ŋ ŋaa nê tà kɨꞋɨ ndzì ndɔ̀ àtsəa bòt. Tà li ngua ntsaa atò mbɨ̀Ꞌɨ̀ taa ghɨ̌ bòt aa bɔ mèmpème.

Jɔ̌n 8:16

Ka e màà ngua saꞋa wuê wòt, ko èlɨ e saꞋa la wu nkûŋ, nkàà nê è ntsě mmɔ̌ mmɔ̌ sàꞋa la, è saꞋa ba wòt wu tà tsàà am la.

Jɔ̌n 8:29

Wòt tà tsàà am la wu ba tò, tà bakà sa am mmɔ̌ ndziꞋne, nkàà nê maa ngɨ̀à wuê àghɨa tàa nkɨà la àfɨ̀Ꞌ àgème.”

Jɔ̌n 8:42

Yesò mè shu abua yɔb nê, “Mbɔ̧ɔ̧mà ghɨ̀ ale ndâ ngu tǎt wɨ̧, ko bɨa nkɔ̀ŋkè am, nkàà nê e dzəè abua tò ka nkɨ̀Ꞌɨ̂, è nka kɨꞋɨ àtsə am mmɔ̌ mbɔŋ, tòà ka tà tsàà am la.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

Gàlashìà 4:4

Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

Ebùlù 5:7

È li ngu àfɨꞋa Yesò wu a sitsǎꞋ ŋàa la, tà me ŋȩ nè mèsi ntsàꞋta Mbɔ̧ɔ̧mà nè èntɨ̧ɨ̧ vi ègème shua mènəè abua tò wu betsiꞋa tà ko ngɨ̀ tè Yesò wu tseke kà pfə la. Mbɔ̧ɔ̧mà li njùte ànəa tà dɨ̀à shua la ndɨ̀ wu Yesò li ngua mbɔ̀ɔ̀le avi ndzəa tò la.

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.

1 Jɔ̌n 4:14

Bàa mbɔŋ e ye mè me làꞋa è shua bòt nê, Tǎt wa Mbɔ̧ɔ̧mà li ntsàà Waã vi mbɨ̀Ꞌɨ̀ Mpemnà bòt ngɔ̀ŋ.