Jɔ̌n 11:40 - Mundani

⁴⁰ Yesò shu abua tò nê, “Mâ yaã è nka shu abua yê nê, à zìà èntɨ̧ɨ̧ wê ane Mbɔ̧ɔ̧mà ko àa ye mètàŋ tò?”

Jɔ̌n 11:40 ပူးပေါင်းရင်းမြစ်များ

Matìù 17:20

Yesò bɨ̀ɨ̀lè nê, “Wu ndɨ̀ wu bɨ̀ baka zi èntɨ̧ɨ̧ wɨ̧ ane Mbɔ̧ɔ̧mà ntsɔ̧̀ la.” Ane nkûŋ, tsiꞋ è shua wɨ̧ nê, bɨ ghɨ̀ ale, mbɔ ntɨ̀, ka è màa nkoa ngu wuê mbɨ̀Ꞌɨ̀ èsaãaãme maŋkaŋa, ko betsiꞋa bɨ shu abua èbȩ làa nê, “LɔꞋɔ adzìꞋ yaa nga àzia, e ghà. Àghɨa ko à ka meè ngu tsè àwɨ̧.”

Ntu̧ Ntsɔ̧̀ MAK 9:23

Yesò bɨ̀ɨ̀lè nê, “À wu bɨ̧ɨ̧ne! Ko àghɨa ko à ntsě àa tsě wòt tà zǐ èntɨ̧ɨ̧ vi ane Mbɔ̧ɔ̧mà la.”

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 11:4

ÀfɨꞋa Yesò zə la, tà nê, “Eyaa ntsě àghɔ̧ àa ghɨ̌ taa pfə la; a kɨ enyɨꞋte ènɨ̧ Mbɔ̧ɔ̧mà, mbɨ̀Ꞌɨ̀ bòt aa ye e wùꞋtè èlen Waã Mbɔ̧ɔ̧mà.”

Jɔ̌n 12:41

Àsayà me shu ayaa ale ngu ndɨ tà ye ènɨ̧ Yesò ka ndàꞋ ànəa tò la.

Jɔ̌n 9:3

Yesò bɨ̀ɨ̀lè nê “Àghɨ a tò à ka lema nkaa kàbɔ̀ŋ tò kò èwe tǎt tò bɔ̂ nyɨ̌ tò leꞋ. A wu anè mbɨ̀Ꞌɨ̀ bòt aa ye àfaꞋa mètàŋ Mbɔ̧ɔ̧mà ane tò.

Lûm 6:4

Ale, bɔ li ntu awa baa tò ba nɔ̂, afɨꞋa bɔ zì awa a èdzî la ale, a wu nê ba li mpfə baa tò ba. A li ngu anè mbɨ̀Ꞌɨ̀ ba tsiꞋi e mě me tseke ane mèntsèke fi, wuê mbɨ̀Ꞌɨ̀ Yesò Klistò li njù̧ù̧me ane ènɨ̧ Tǎt wa Mbɔ̧ɔ̧mà la.

2 Kɔlìn 3:18

Bàa gème aa anè bà ka tsi ngu mbɨ̀Ꞌɨ̀ bòt bɔ kaba mèsi mɔb la. Bɔɔ ndzea èkaꞋa mètàŋ Mbɔ̧ɔ̧mà ane ya àfɨ̀Ꞌ àgème. Wu Fo Yesò Klistò yaa ka nàa ngɨ̀à àyaa ane ya la. Nàà ngɨ̀à ba kubtà ntsìꞋa mbɨ̀Ꞌɨ̀ Yesò Klistò wu zìambɔŋ, nyɨ̀Ꞌta mètàŋ Mbɔ̧ɔ̧mà nɨa ngà nè mbì.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.