Jɔ̌n 1:14 - Mundani

¹⁴ Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 1:14 ပူးပေါင်းရင်းမြစ်များ

Matìù 1:16

Jàkɔ̂b wu tǎt Jòsêb lu̧ Màlià wu tà lè bia Yesò wu bɔ̀ le wua ntɔ̌ tò nê Klistò la.

Lûk 2:11

Bɔ bi waã ètsəꞋ wàa a èbem àpfəèa Fɔ̧̀ Dàbid, è wu Mpemnà wɨ̧ la. Tà wu Klistò Lefɨ̀Ꞌ.

Lûk 2:7

Màlià bi waã mbi vi, wambâ̧. Bɔ lèbte atò a èbem ndǐtsə mbɔ̂ nɔ̀ŋè atò a èbem èpfəêꞋ àdziꞋa bɔ̀ɔ njɨ̀a njɨ̀tsə la, nkàà nê àdziꞋ a li à ka wuê a èbem lob bègɨ̧̀ àa nkɨ̀Ꞌa ntsèka la, bɔɔ tseke.

Lûk 9:32

Kèlɔ èvə ke baãaã a Pità bɔ̂ bèshu̧ bi, ka bɔ lɔ̀Ꞌ ndzè ènɨ̧ Yesò mè ndzè bòt bu babe bɔ̂ wu bɔ̂ tò la.

Jɔ̌n 1:1

Ngɔ̀ŋ li me bùꞋu, Èngǎ̧ wu e yaŋe wu. Èngǎ̧ mbɔŋ e li ngu bɔ̂ Mbɔ̧ɔ̧mà nɔ̂, Èngǎ̧ wu li ngu àzi Mbɔ̧ɔ̧mà.

Jɔ̌n 11:40

Yesò shu abua tò nê, “Mâ yaã è nka shu abua yê nê, à zìà èntɨ̧ɨ̧ wê ane Mbɔ̧ɔ̧mà ko àa ye mètàŋ tò?”

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 14:9

Yesò shu abua tò nê, “Nko nê à bele kà ziꞋ nko am ane àfɨ̀Ꞌ à seè yaa mâ tseke ba nɨ̧̀ ba la a Filìb? Wòt tà ye am la ko nê, ye ye Tǎt am. À ghɨ̀ na ka nê è nyɨꞋte awɨ̧ a Tǎt am à?

Jɔ̌n 17:22

Mâ ghɨ̂ bɔ bɔ èwuu ènɨ̧ wu à li ŋǎ abua am la, mbɨ̀Ꞌɨ̀ bɔɔ tsiꞋi àghɨ yeamɔꞋ mbɨ̀Ꞌɨ̀ ba nè è wu àghɨ yeamɔꞋ la.

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Jɔ̌n 18:37

Pȩlèt bììte atò nê, “Tè a wu Fɔ̧̀?” Yesò bɨ̀ɨ̀lè nê, “À bê shu tè ndɔ̀Ꞌ. E ndi nkɨ̀Ꞌɨ̂ a ngɔ̀ŋ ŋaa bɔ bi am nkàà ànəê yeamɔꞋ, enyɨ̀Ꞌte bòt àghɨa nkûŋ wu yùà la. Waa waa tàa nkɔ̀ŋkà nkûŋ la nàà ndzəa ànəa màa shua la.”

Jɔ̌n 2:11

Yesò lɔ̀Ꞌ ngɨ̀ ànəê yaa a Kanà, a èbem àlaꞋ a Galìlî è wû ànəa mbì a kà ye fɨ̀Ꞌ tà li ngɨ̀ bòt e ye ènɨ̧ tò la. Bɔkatè tò e ye ale, ndzì èntɨ̧ɨ̧ wɔb ane tò.

Jɔ̌n 3:16

Mbɔ̧ɔ̧mà li nkɔ̀ŋkè bòt ngɔ̀ŋ yaa kwàꞋ ànyaꞋne kwat tè ŋǎ ndàꞋà Waã vi nê waa waa tà zi èntɨ̧ɨ̧ vi ane tò la ka nyɔa, taa bɔ mèmpème kàlìà.

Jɔ̌n 3:18

Wòt tà zi èntɨ̧ɨ̧ vi ane tò la àyea tò a bakà bɨ, ka èwe kà zi èntɨ̧ɨ̧ vi ane tò, àyea tò a bɨɨ tê ndɔ̀Ꞌ, nkàà nê tà bakà zi èntɨ̧ɨ̧ vi ane ndàꞋa Waã Mbɔ̧ɔ̧mà.

Jɔ̌n 6:51

E ngu èghɨjɨ bu àa ŋǎ mèmpème e chu a ègwet la. Wòt tà jɨ èghɨjɨ baa la lia kà wu tsi epfə. Èghɨjɨ baa wu mbɨ̧̀ ènyit yaã màa ŋa mbɨ̀Ꞌɨ̀ bòt ngɔ̀ŋ àa bɔ mèmpème la.”

Jɔ̌n 8:32

ko bɨa ko ànəa nkûŋ yu è dzəâ abua Mbɔ̧ɔ̧mà la, naa ghɨ̌ bɨa bakà tsi ngu èbùꞋ.”

ÀfaꞋa 13:33

Tà ghɨ̀ abua ya bàa bɔ̧ bɔb a mànju̧u̧me a Yesò mbɨ̀Ꞌɨ̀ bɔ shɨ a èbem Àkata Mèkù̧ la: ‘À wu Waã am; Mâ tsiꞋi Tǎt wè laane.’

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

Lûm 9:5

Bɔ mè dzəè àndǎ̧ Abàlàghâm bɔ̂ Asàk nè Jàkɔ̂b. Wu àndǎ̧ bɔ̀ li mbi a Fɔ̧̀ wu Mbɔ̧ɔ̧mà yɔꞋ ntsà mbɨ̀Ꞌɨ̀ wɔ̀bȩ̂ la. Tà wu Mbɔ̧ɔ̧mà wu tà wu a ègwet àghɨa àgème la. MèngùꞋte wu ane èlen to ane àlia nè àlia. Àmèn.

1 Kɔlìn 15:47

Wòt mbì li ngu wòt sitsǎꞋ, ngu wòt bɔ nɨ ètsaꞋ ka ngɨ̀ atò la, è we kwèn wu wòt ègwet.

2 Kɔlìn 12:9

Ka tà shu abua am nê, “Maa tɨŋe awê. Ntsɔ̧̀ am è kùꞋù abua yê ngu nê bɔɔ mpàa ndzea mètàŋ mɔ̧ ane èghɨ bu àa nyɨ̀Ꞌta nê à bakà bɔ mètàŋ la.” Ale, maa me ghàꞋtè am ane èghɨ bu àa nyɨ̀Ꞌta nê e mbakà bɔ mètàŋ la nè mèngùꞋte mbɨ̀Ꞌɨ̀ mètàŋ Yesò Klistò naa wu adù̧ yaã.

Gàlashìà 4:4

Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Kɔ̀losìà 1:19

Aa ale nkàà nê, Mbɔ̧ɔ̧mà li nkɔ̀ŋkè e ghɨ̌ Waã vi naa bê wu wuê mbɨ̀Ꞌɨ̀ zia zìambɔŋ ane èghɨ ègème.

Kɔ̀losìà 2:3

Wu Yesò waa ka tà ghɨ̂ bòt e ko èyǐ Mbɔ̧ɔ̧mà, nè àghɨa àa àtsəa tò la, è wù èghɨ ntsɔ̧̀ bu e li ndò̧ò̧tè la.

Kɔ̀losìà 2:9

Bɨ̀ lùùlà èwuu mènəè maa nkàà nê Yesò Klistò wu bɔ bi atò mbɨ̀Ꞌɨ̀ wɔ̀bȩ̂ la, bê ngu wuê mbɨ̀Ꞌɨ̀ Mbɔ̧ɔ̧mà ane balu̧ bàgème,

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

Ebùlù 1:3

Ndɨ ènɨ̧ tò àa la, bê ngu wuê ndɨ ènɨ̧ Mbɔ̧ɔ̧mà àa la, tà bɔ mbê mè ngu mbɨ̀Ꞌɨ̀ Mbɔ̧ɔ̧mà naa la mɨ̧̂. Tà nɨ èngǎ̧ vi wu àa nkwèèla la ka nɨŋ mbà̧aã ngɔ̀ŋ ya. È li ngu àfɨꞋa tà nɨ àlo̧a zi shùù bòt bu bɔ̀ bakà kuꞋu a mbì Mbɔ̧ɔ̧mà la, tà gha a ègwet ntsèke àbâ àbualu̧ a Mbɔ̧ɔ̧mà Àtsèàngɔ̀ŋ.

Ebùlù 1:5

Mbɔ̧ɔ̧mà bakà li mè shu abua wantu̧ vi kǒ nê, “À wu waã am; Laane e ngu Tǎt wè.” Tà kà li te mè shu abua wekǒ nê, “Maa nga wu tǎt tò, taa wu waã am.”

Ebùlù 10:5

Ale, Yesò Klistò li me kɨꞋɨ a sitsǎꞋ ale shu abua Mbɔ̧ɔ̧mà nê, “Èntɨ̧ɨ̧ wê e ntsě ane banyà̧ bu bòt àa nkɨ̧̀ɨ̧̀ma la, nè èghɨ bu bòt àa ŋǎ abua yê la, mbɔ̂ à ghɨ̂ e mbɔ mbɨ̧̀ ènyit màa ŋa la.

Ebùlù 2:11

Tàa shùà mènəè kàbɔ̀ŋ bòt. Tòà wa bɔ̂ bòt bu bɔ shùù mènəè kàbɔ̀ŋ mɔb la e bɔ a tǎt wɔb wemɔ̀Ꞌ. Ale, eyaa wu àghɨa a ghɨ̂ ka Yesò kà wua mbɔ̌ àtsəa kɔꞋɔ a màntɔ awɔb ane bɔnyɨ bi la.

Ebùlù 5:5

Wu wuê a èlɨ mbɔŋ Yesò Klistò li tà kà kukte àvi zìambɔŋ, e ghɨ̀ àvi ane àtsəa bèntsìà mèpɨ̧̀ Mbɔ̧ɔ̧mà la. Wu Mbɔ̧ɔ̧mà ka tà li shu abua tò nê, “À wu Waã am; E ntsiꞋi Tǎt wè laane.”

1 Jɔ̌n 4:14

Bàa mbɔŋ e ye mè me làꞋa è shua bòt nê, Tǎt wa Mbɔ̧ɔ̧mà li ntsàà Waã vi mbɨ̀Ꞌɨ̀ Mpemnà bòt ngɔ̀ŋ.

1 Jɔ̌n 4:9

Ye ndɨ Mbɔ̧ɔ̧mà li nyɨ̀Ꞌte èkɔŋ vi ane ya la. Tà li ntsàà ndàꞋà Waã vi a ngɔ̀ŋ ŋaa, mbɨ̀Ꞌɨ̀ taa ghɨ̌ baa bɔ mèmpème kàlìà.

2 Jɔ̌n 1:7

Bòt mèfà̧ e taꞋa wu àbȩ àfɨ̀Ꞌ yaa. Bèŋût wu bòt bu bɔ̀ɔ ka bɨ̧̀ɨ̧̀ne laꞋ nê Yesò Klistò li ntsìꞋi wɔ̀bȩ̂ la. Èwuu bòt mbɔŋ wu bòt mèfà̧, mè ngu bɔmbù̧ Yesò Klistò.

Ètsə 19:13

Ndǐ tà li nkwaã la bɔ li ndzì a èbem àlo̧. Bɔ me tɔ èlen tò nê Èngǎ̧ Mbɔ̧ɔ̧mà.

Ètsə 21:3

E me zə àtɔŋ ko a dzəê adù̧ àtɨ̧a kèfɔ̧̀ yu è shuê nê, “Bɨ̀ ye, àpfəèà Mbɔ̧ɔ̧mà a kɨꞋɨ tê ntsìꞋi a kètsìà bɔbȩ. Taa me tseke bɔ̂ tò ba, bɔ̀ɔ wu bòt tò, Mbɔ̧ɔ̧mà wu zìambɔŋ naa mě wu Mbɔ̧ɔ̧mà wɔb.