Gàlashìà 6:9 - Mundani

⁹ Ale, bà ka nkaã a màngɨa ntsɔ̧̀ nkàà nê, àfɨ̀Ꞌ aa ghɨ̌ nkùꞋ, ba bɔ àbȩ̀ aya, na è me wu ale ba bakà kaã la.

Gàlashìà 6:9 ပူးပေါင်းရင်းမြစ်များ

Matìù 10:22

Bòt bàgème aa li me pààbè àwɨ̧ ambo yaã, ka wòt tà baãaã èntɨ̧ɨ̧ vi tè ngà ndìà la, wu li e peme.

Matìù 24:13

ka wòt tàa li baãaã èntɨ̧ɨ̧ vi te ghǎ ewu a ndìa la, naa li bɔ mèmpème.

Matìù 25:17

È wu nè wòt nè bètɔsì babe la ghà ndzì è vi ane èwen mɨ̧̂, àbȩ̀ a nyî a ègwet ane bètɔsì babe.

Matìù 9:19

Ale, Yesò mbê ndɔ̀Ꞌ a si nɨ̀ bɔkatè bi nkùŋa tò.

Ntu̧ Ntsɔ̧̀ MAK 3:3

Yesò tɔ wòt wu àbu atò a pfə la nê, “KɔꞋɔ a mbì.”

Lûk 18:1

Yesò ghɨ̀ ale, shu bɔkatè bi èngà̧teme wàa nɨŋ nyɨ̀Ꞌte awɔb nê, bɔ bɔ̂ ndɨ bɔ̀ɔ me dɨ̀a abua Mbɔ̧ɔ̧mà àfɨ̀Ꞌ àgème kà kaã la.

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

2 Kɔlìn 4:1

Ale, ndɨ̀ wu Mbɔ̧ɔ̧mà nɨ tèsȩ ti ŋà àwa àfàꞋ màshua bòt mènəè Fo Mbɔ̧ɔ̧mà maa la, baa kà kaãaã a mà faꞋa.

2 Kɔlìn 4:16

Ale, ba ka kaãaã a mà faꞋa. Mbɨ̧te ènyit ta tea mbàta mbɨ̀a ngà, ka Mbɔ̧ɔ̧mà bɔ̂ me ghɨ̌ mèntɨ̧ɨ̧ ma me kweele àli àgème.

2 Kɔlìn 9:6

Bɨ̀ ku̧u̧te nê, wòt nàa ndìꞋa mpiꞋa, ta fùꞋù mpiꞋa, wòt liꞋi nyaŋ tà fùꞋù nyaŋ.

Efesɔ̀s 3:13

Mâ shu̧u̧te awɨ̧ nê bɨ̀ ka mbɨ̧̀ɨ̧̀ne ntɨ̀ yɨ̧ yu ane Mbɔ̧ɔ̧mà nkàà nê e ndzea ngoꞋ ya ambo yɨ̧. Àbȩ̀ a ngoꞋ ya gha jɨ bɨ̀a.

2 Tèsàlonikà 3:13

Ka è me wu awɨ̧ à bɔnyɨ ba, bɨ̀ ka nkà̧aã a màngɨa ntsɔ̧̀.

Ebùlù 12:3

Bɨ̀ ye ànəa a li ndze atò la. Bòt kàbɔ̀ŋ e li ngɨ̧ɨ̧ne atò, ka tà bɔ̂ nkùùle wuê èntɨ̧ɨ̧ vi. È wu ale, bɨ̀ambɔŋ è ka nkaã ntsì mèntɨ̧ɨ̧ mɨ̧ ane Mbɔ̧ɔ̧mà.

Ebùlù 12:5

Bɨ lèènè mèngà̧ mu Àkata Mbɔ̧ɔ̧mà àa shua nɨa ndɔ̀ktà mèntɨ̧ɨ̧ mɨ̧, ntɔ awɨ̧ nê bɨ wu bɔ̧ la à? Àkata mbɔŋ aa shua nê, “Waã am, Mbɔ̧ɔ̧mà me baãaãte àwê ane èbu kekweelè nkàà mènəè à fà̧à̧tè la, à ka ngwàa ànəa mbɔŋ. À mè fà̧à̧ ànəê tà me ŋȩ awê, èntɨ̧ɨ̧ wê è ka fi ane tò.

Ebùlù 3:14

Bɨ̀ ghɨ̀ ale, nkàà nê bà tsiꞋi àghɨ yeamɔꞋ nè Yesò Klistò na èntɨ̧ɨ̧ wa wu ba li ndzi ane Mbɔ̧ɔ̧mà la e me kweele tê ngà ndzə a mèndìa la.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Jimsì 5:7

Bɔnyɨ bɔ̧, bɨ̀ kuule mèntɨ̧ɨ̧ mɨ̧ tè Yesò li nkɨ̀Ꞌɨ̂. Bɨ̀ ye ndɨ wòt tàa faꞋa a mbȩ la nàa ngɨ̀ tà kùùle èntɨ̧ɨ̧ vi nchɨ̀Ꞌ tè èghɨjɨ tò e ghɨ̀ nkwèèlê nkùꞋ a màfuꞋa la. Tàa ngɨ̀ tà chɨ̀Ꞌ tè mbɨ̀ŋ mbì lu, èye kwèn mè ndi ndu.

1 Pità 2:15

Àghɨa Mbɔ̧ɔ̧mà nàa nkɨà la wu nê bɨ̀ nɨ mènəè ntsɔ̧̀ mu bɨ̀a ngɨ̀a la nɨŋ ndììme mètsəê èkèghɨ̧̀ bòt bu kà ko ànəê la.

1 Pità 3:17

Aa mbɔ̀ nê, wòt ye ngoꞋ nkaa ntsɔ̧̀ tà ghɨ̀ la, na a wu mbɨ̀Ꞌɨ̀ Mbɔ̧ɔ̧mà nàa nkɨà la, tè ntsè ndɨ wòt nàa ye ngoꞋ nkaa kàbɔ̀ŋ tà ghɨ̀ la.

1 Pità 4:19

È wu ale, wòt me ye ngoꞋ mbɨ̀Ꞌɨ̀ Mbɔ̧ɔ̧mà kɨà la, ŋut me ghɨ̀ wuê àghɨa a kùꞋù la nɨa ngà nè mbì, ndzìà vi nènkèm a tèkitebu Mbɔ̧ɔ̧mà. Wu tòà ka tà ghɨ̀ àwɨ̧ la, ale tà kà wuê ewaꞋa wɨ̧.

Ètsə 2:17

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko maa ŋa àbəꞋa èghɨjɨ ndò̧ Mbɔ̧ɔ̧mà abua tò, e mě ŋa atò èti kèfə, bɔ shɨ èlen fi adù̧, kà wòt tsa ko lùà, kà wu wòt wu mâ ŋa èlen mbɔŋ abua tò la.

Ètsə 2:3

Bɨ batè ntaꞋa ye ngoꞋ ane èlen laã ale, ka mbɔ̀ nkùùle mèntɨ̧ɨ̧ mɨ̧, bɨ̀ ka kaã.

Ètsə 2:7

“ ‘Wòt bɔ ètû̧, tà yùte ànəê ayaa Fo Mbɔ̧ɔ̧mà wua shua abua bèchɔsì bu la. Wòt kuula èntɨ̧ɨ̧ vi nùà tè ntsèà ko maa ghɨ̌ tàa jɨ tètaãaãte àyɨt yu a palàdȩê Mbɔ̧ɔ̧mà, àa ŋa mèmpème la.