Gàlashìà 6:17 - Mundani

¹⁷ Enɨ lìa, tsiꞋ è shu awɨ̧ nê, e bùꞋu àfɨ̀Ꞌ yaa me ghà ne mbì, wòt ka tsi ŋǎ am ngoꞋ, nkàà nê mâ bɔŋ èlȩê Yesò a mbɨ̧̀ yaã.

Gàlashìà 6:17 ပူးပေါင်းရင်းမြစ်များ

2 Kɔlìn 1:5

Èlɨ bàa ndzea ngoꞋ kwàꞋ ànyaꞋne ane ànəa Yesò Klistò la, wu wuê èlɨ Yesò Klistò wu nàa ngɨ̀à Mbɔ̧ɔ̧mà zìà mèntɨ̧ɨ̧ ma la mɨ̧̂.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

2 Kɔlìn 4:10

ngà àdzìꞋ àgème mbɨ̀Ꞌɨ̀ bòt bɔ ŋa ètsə bɔb epfə mbɨꞋɨ̀ Yesò la, bàa ngɨ̀a anè mbɨ̀Ꞌɨ̀ bɔɔ ye ndɨ Yesò Klistò li ngua ntsèka la ane mbɨ̧te ènyit ta la.

Ebùlù 12:15

Bɨ̀ me ko awɨ̧ mbɨ̀Ꞌɨ̀ ka bɨ tsì èntɨ̧ɨ̧ wɨ̧ ane Mbɔ̧ɔ̧mà wu tàa nyɨ̀Ꞌta èkɔŋ vi ane ya la. Bɨ̀ mèe me ko awɨ̧ mbɨ̀Ꞌɨ̀ ka wòt kǒ ane yɨ̧ liꞋa kàbɔ̀ŋ mbɨ̀Ꞌɨ̀ afəèꞋ nàa ndìà la, è koꞋ ntsòkè bòt ko.

ÀfaꞋa 15:24

Ba zə nê bòt ko e li ndzə ayɔɔ aya kà ba tu̧u̧ awɔb nkɨ̀Ꞌɨ̂ ndàꞋà èbɨꞋte mèngǎ̧ kǒ nɨŋ ntsòkè mèntɨ̧ɨ̧ mɨ̧.

Gàlashìà 1:7

È ka lema shua nê èngǎ̧ Mbɔ̧ɔ̧mà ko tsa aà və, ka bòt ko aà və bɔ̀ɔ ŋǎ wɨ̧ ngoꞋ nkɨ etsòke Ntu̧ Ntsɔ̧̀ Yesò Klistò la.

Filìpȩ 3:10

NdàꞋ àghɨa è ntsiꞋa nkɨ̀a la wu nê, è ndâ nko a Yesò Klistò, mè bɔ mètàŋ mu tà li mbɔ̀ mbɨꞋɨ̀ wòt tà yu̧u̧me la. Maà nkɨ kùŋe atò eye ngoꞋ mɨ̧̂, e mě pfə nkàà nê tà li mpfə mɨ̧̂.

Ètsə 13:16

Nyà̧mɔ̀Ꞌ kwèn yu ghɨ̀ bɔ zi àlȩê ane wòt ègème, bòt techɨɨle nè bòt ènɨ̧, bòt èkab nè bòt ntseb, èbùꞋ nè bòt kà wu èbùꞋ. Nê bɔ̀ zia àlȩê yu ane àbualu̧ a wòt ègème kò a èsi tò leꞋ.

Ètsə 13:17

Bɔ li nê wòt ka njû̧ àghɨ, kò fɨ̧ɨ̧nè leꞋ, kà wu wòt tà bɔ àlȩê yu, è wu èlen nyà̧mɔ̀Ꞌ yu kò nɔmbà wu è tɨ̧ɨ̧ àdziꞋa èlen mbɔŋ la leꞋ.