Gàlashìà 6:12 - Mundani

¹² Wu bòt bu bɔ̀ɔ nɨ̀a èghɨ nàbȩ̂ nkɨ enyɨꞋte nê bɔ ghe la ka nkɨ eŋwèèlè àwɨ̧ nê bɔ̀ naŋe awɨ̧ la. NdàꞋ lə bɔ ghɨ ale la wu mbɨ̀Ꞌɨ̀ bòt e me kɨ àtsə ayɔb enɨ nê bɔɔ̀ ndàꞋà ndɨ Yesò Klistò li mpfə a mbɨ̧̀ mbasa la.

Gàlashìà 6:12 ပူးပေါင်းရင်းမြစ်များ

Matìù 23:27

“Àa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la! Bɨ wu mbɨ̀Ꞌɨ̀ ètsəsì bɔ bɔ̧ ndɔ̀ɔ̀be nè ètsaꞋa kèfə e me bɔ̌ àbȩ la, ka tèbèmtsə te bɔ̂ ndù̧ ne èkwȩ bèmpfəà nè èfi bɔbȩ.

Matìù 23:28

Wu wuê a èlɨ mbɔŋ bɨ̀a ngɨ̀ bɨ ghɨ̂ bòt e me ye awɨ̧ àbȩ nê bɨ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà, ka mèntɨ̧ɨ̧ mɨ̧ bɔ̂ ndù̧ ne kàbɔ̀ŋ, bɨ̀ ka meè ngu àghɨa bɨ̀a shua nê bɨ wu yùà la.

Matìù 23:5

“Bɔ̀ɔ ngɨ̀ bɔ̀ me ghɨ àghɨ àgème, bɔ wua nkɨ̀a wuê mbɨ̀Ꞌɨ̀ bòt aa me ye awɔb. Ye ndɨ è bɔb ne bakɔ̂b bu bɔ̀ɔ ndzìà èngǎ̧ Mbɔ̧ɔ̧mà nkùùla a mèsi mɔb la, bèa fàŋka la. Mè ndzì ndɨ bandǐ bu bɔ̀ɔ maꞋa àmî bɔb ntsàꞋte a Mbɔ̧ɔ̧mà la bèa sààtà la.

Matìù 5:10

Ntsɔ̧̀ wu bòt bu bòt àa nkɨà àtsəa yɔb enɨ ndɨ̀ wu bɔ̀ɔ nkɨ e ghɨ̀ àghɨa Mbɔ̧ɔ̧mà nàa nkɨà la, kèfɔ̧̀ Mbɔ̧ɔ̧mà wu abua yɔb.

Matìù 6:16

“Bɨ me kɨ etseke kà jɨ àghɨ mbɨ̀Ꞌɨ̀ etsàꞋte a Mbɔ̧ɔ̧mà, bɨ̀ ka màꞋà tèsȩtsə ane yɨ̧ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà la àa ngɨ̀à la. Bɔ̀ɔ ngɨ̀ bɔ màꞋà ngɨ̧̀ɨ̧̀nè ane yɔb mbɨ̀Ꞌɨ̀ bòt aa ko nê bɔ wua ntsèka kà jɨ àghɨ. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Matìù 6:2

“È wu ale, wòt me ŋa àghɨ abua wòt mbuŋ, tà ka ŋǎ a kètsìà banɔ̧̀ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà àa ngɨa a èbem lobte Mbɔ̧ɔ̧mà, mè ngɨa a tèngète balu̧ la. Bɔ̀ɔ ngɨ̀ bɔ me ghɨ̀ ale, bɔ wua nkɨà mbɨ̀Ꞌɨ̀ bòt aa me wùꞋtè àwɔb. Ane nkûŋ, e ngua shua wɨ̧ nê bɔ bɔ àbȩ̀ àyɔb tè ndɔ̀Ꞌ.

Matìù 6:5

“Àfɨ̀Ꞌ àgème bɨ̀a ntsàꞋta Mbɔ̧ɔ̧mà la bɨ̀ ka ngɨ̀ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà àa ngɨ̀à la. Bɔ̀ɔ ngɨ̀ bɔ̀ me tsàꞋte a Mbɔ̧ɔ̧mà, bɔ me kɔ̀ŋkè etɨ̧ɨ̧ àtatsi a èbem lobte Mbɔ̧ɔ̧mà, mè me kɔ̀ŋkè etɨ̧ɨ̧ a tèngète balu̧ mbɨ̀Ꞌɨ̀ bòt aa me ye awɔb. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Lûk 16:15

Yesò shu abua yɔb nê, “Wu bɨ̀a bɨ̀a ŋèꞋa wɨ̧ a ègwet a mbì bòt nê mènəè mɨ̧ tɨ̧ɨ̧ ndɨŋndɨ̀ŋ la, ka Mbɔ̧ɔ̧mà bɔ̂ ko mèntɨ̧ɨ̧ mɨ̧. Bɨ̀ ko nê àghɨa bòt àa nɨ̀a nê wu taꞋa àghɨ la, a bakà kùꞋ àghɨ a mbì Mbɔ̧ɔ̧mà.

Lûk 20:47

Mbɔ̂ ngu bɔ̀ɔ̀ba bɔ̀ɔ ngɨ̀ɨ̀la bènempfə fàà èghɨ bɔb, mbɔ̂ ndɔ̀Ꞌ me tsàꞋta Mbɔ̧ɔ̧mà ndà̧à̧nà mbɨ̀Ꞌɨ̀ enɨ èvəèəèlè àghɨ a bòt la. Bɨ̀a li bɔ ngoꞋ è tsě ye bòt bàgème la.”

Jɔ̌n 7:18

Wòt tàa ndaꞋa ane èlen li zìambɔŋ la wua nkɨà mbɨ̀Ꞌɨ̀ bòt aa me ŋeꞋe atò a ègwet, ka wòt tàa nkɨà nê bɔ̀ ŋeꞋe wuê èlen wòt wu tà tsàà avi la, wua ndàꞋa nkûŋ, ànəa ko à ka wu ane tò è wu ànəa fɨte la.

ÀfaꞋa 15:1

Bòt ko e li ndɔ̀Ꞌɔ àlaꞋ a Jùdià nkɨ̀Ꞌɨ̂ a Antìɔ̀k me nyɨꞋte bɔnyɨ ba ko bu nê, “Bɔ bakà naŋe wòt mbɨ̀Ꞌɨ̀ mbɨ̧te Musì tèa nyɨ̀Ꞌta la, Mbɔ̧ɔ̧mà kà nɨa ŋut ane wòt vi.”

ÀfaꞋa 15:5

Ka àbəꞋa bòt Yesò ko è wu bòt ènɔ̧̂ Bèfalèsiì la e lɔ̀Ꞌɔ a si nê, “Bɔ bɔ̂ ndɨ bɔ̀ɔ naŋe bòt bu kà wu Bèjuê la, bɔɔ mě me nɔ̀ŋe mbɨ̧te Musì.”

2 Kɔlìn 10:12

BetsiꞋa bà ka me kɨ efɨ̀Ꞌnè àwa nè bòt bu ayɔɔ yɨ̧ bɔ̀ɔ shua nê bɔ ghe la. Bɔɔ̀ fɨ̀Ꞌnà wɔb nè bɔnyɨ bɔb nkɨ eye bòt bɔ tsè beko la. Àyaa a wua nyɨ̀Ꞌta nê bɔ bakà bɔ èyì.

2 Kɔlìn 11:13

Èwuu bòt mbɔŋ ntsě ngule bɔntu̧ Yesò. Bɔɔ nɨa àfàꞋ àyɔb mvəèəlà àghɨ a bòt nkɨà bɔɔ me mɨ̀ɨ̀te nê awɔb tsàà Yesò Klistò.

Gàlashìà 2:14

Ka àfɨꞋa mâ ye nê bɔɔ̀ kà ghȩȩne ndɨŋndɨ̀ŋ mbɨ̀Ꞌɨ̀ Ntu̧ Ntsɔ̧̀ Yesò kɨa la, e mbììte a Pità a mbì lɔb bàgème nê, “Àwɔ̀ waa à wu wòt Juê la, àa ntsìꞋa ngɨ̀à mbɨ̀Ꞌɨ̀ wòt kà wu wòt Juê anè tè ngu e ghɨ̀ na ka ŋwèèle bòt kà wu Bèjuê bɔɔ tsiꞋi Bèjuê à?”

Gàlashìà 2:3

Tȩtɔ̀s wu ba tò e li ngà nɔ̂ la li mbàte ngu wòt Glɨ̂k ale ka bɔ̀ ka lem ŋweele atò e ghɨ̌ bɔɔ naŋe tò mbɨ̀Ꞌɨ̀ taa tsiꞋi wòt Mbɔ̧ɔ̧mà.

Gàlashìà 5:11

Bɔnyɨ bɔ̧, mâ ghɨ̀ ale mbèla ndàꞋà shua nê, bɔ̀ me naŋe bòt ko bɔɔ̀ kà tsi nkɨ àtsə am enɨ. Mâ ghɨ̀ ale mbèla ndaꞋa a èlɨ mbɔŋ, ko èngà̧ waa màa ndàꞋà ndɨ bɔ li ngù̧ù̧te a Yesò a mbɨ̧̀ mbasa la aà kà tsi sɔ̀ɔ̀bè èntɨ̧ɨ̧ wòt.

Gàlashìà 6:13

Ka è màà ngu wuê bòt bu bɔ naŋe awɔb la, ko bɔɔ̀ kà lem ngɨ̀ mbɨ̀Ꞌɨ̀ mbɨ̧te Musì te kɨa la, mbɔ̂ bɔ me kɨ nê bɔ̀ naŋe awɨ̧ mbɨ̀Ꞌɨ̀ bɔɔ me wùꞋtè àwɔb ane àghɨa bɨ ghɨ̀ ane mbɨ̧̀ ènyit yɨ̧ la.

Filìpȩ 1:15

Wu nkûŋ nê, bòt ko ane yɔb aà ntsɔ̀tà Ntu̧ Ntsɔ̧̀ Yesò Klistò nè ghòꞋnà nùà nkɨ enɨ àdziꞋa am ka bòt ko e bɔ̂ nguê bɔ̀ɔ ntsɔ̀tà ntu̧ yu nè èntɨ̧ɨ̧ kèfə,

Filìpȩ 2:4

Wòt ka me ghɨ̀ wuê àghɨa betsiꞋa a tɨŋe avi zìa ndziꞋne la, bɨ̀ me mɨ̀ɨ̀tè wuê àghɨa betsiꞋa a tɨŋe bòt ko mɨ̧̂ la.

Filìpȩ 3:18

Mâ taꞋa elàꞋa èngà̧ waa abua yɨ̧, mè ngu anè nkɨ me làꞋa ne mèsi àghɨ am. Nê, bòt ko aà və a kètsìà wɨ̧, bɔ̀ɔ ngɨ̀à mènəè mɔb mbɨ̀Ꞌɨ̀ bòt bɔ̀ɔ mpaaba ezə nê Yesò Klistò li mpfə a mbɨ̧̀ mbasa la.

Kɔ̀losìà 2:23

Bòt aa mɨ̀ɨ̀tà nê, ngule èyì ko aa ane èwuu mbɨ̧te mbɔŋ ka è ka lem nguê. Mbɨ̧te mbɔŋ teà nyɨ̀Ꞌta nê, bòt e bɔ ndɨ bɔ̀ɔ me ŋa kènuke wuê abua bɔntu̧ Mbɔ̧ɔ̧mà la, mè nyɨ̀Ꞌta èlu̧ bòt e bɔ ndɨ bɔ̀ɔ me nɨ ènyit yɔb a si, ka è kà wu we ntsɔ̧̀ la. Teà nyɨ̀Ꞌta mɨ̧̂ nê, bòt è me nɔ̀ŋè ènyit yɔb ane ngɨ̧̀ɨ̧̀nè nê bɔ wua nkuŋa Mbɔ̧ɔ̧mà. Ka mbɨ̧te mbɔŋ te bakà lem mbɔ̀ mètàŋ ekale wòt laꞋ nê tà ka ngɨ̀ èbɨꞋte èghɨ bu mbɨ̧̀ ènyit tò nàa nkɨà la.