Gàlashìà 6:10 - Mundani

¹⁰ È wu ale, àfɨ̀Ꞌ àgème èlu̧ e dzə a si ndɨ betsiꞋa ba ghɨa ntsɔ̧̀ ane wòt ègème la, ba ghɨ̀. È bɔ è me wu bɔnyɨ ba bu bɔ zì mèntɨ̧ɨ̧ mɔb ane Yesò la ba ghɨa ntsɔ̧̀ ane yɔb tè ntsè.

Gàlashìà 6:10 ပူးပေါင်းရင်းမြစ်များ

Matìù 10:25

Ale, wakatè è tsìꞋa mbɨ̀Ꞌɨ̀ nyɨꞋta vi, tà wùꞋtè àvi. WafàꞋ è tsìꞋa mbɨ̀Ꞌɨ̀ tǎt àfàꞋ vi, tà wùꞋtè àvi mɨ̧̂. Bɔ wu tsì èlen tǎt lob ane Belzebùl, ko bɔɔ tɔ bòt lob tò ane tèlente kàbɔ̀ŋ te tsě.

Matìù 12:50

Wòt ègème tàa ngɨ̀à àghɨa Tǎt am a ègwet nàa nkɨà la wu wòt tà wu nyɨ̌ am mè ngu wanɔ̧ la.”

Matìù 25:40

“Bɔ biite ale ko fɔ̧̀ wu naa bɨ̀ɨ̀le èngǎ̧ wɔb laꞋnê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li ngɨ̀ ane we tà lìa à kwèn ane bɔnyɨ bɔ̧ baa la, bɨ li ngua ngɨ̀à abua am’.

Matìù 5:43

“Bɨ zə nê bɔ̀ lè lɔꞋ nê, ‘Wòt me kɔ̀ŋkè wanyɨ vi mpààbà wɔ̀mbù̧ vi.’

Ntu̧ Ntsɔ̧̀ MAK 3:4

Yesò bɔ̂ mbììte bòt bu nê, “Mbɨ̧ ta te laꞋnê bà me ghɨ̀ na ane àliapfəè ya à? Nê bà ghɨa kàbɔ̀ŋ, kò ntsɔ̧̀ à?” Nê, bà bə wòt kò ba buŋa leè? Ka bɔ̀ ka tsɔ̀Ꞌɔ èngǎ̧ tò.

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

Jɔ̌n 12:35

Yesò bɨ̀ɨ̀lè nê “ÈkaꞋà e bele nè nɨ̧̀ ane ketem àfɨ̀Ꞌ àko. Bɨ̀ me ghȩȩne àfɨ̀Ꞌ yaa èkaꞋà è bele la, mbɨ̀Ꞌɨ̀ ka ndzěm kwene ane yɨ̧. Wòt nàa ngɨ̀ tà me ghȩ̀ȩ̀ne a èbem ndzěm tà kà ko àdziꞋa ye ghà la.

Jɔ̌n 9:4

Ba bɔ ndɨ bàa fàꞋa àfaꞋa wòt wu tà tsàà am la àfɨ̀Ꞌ yaa è bèlè nengû̧ la, ndzěm nàà nkɨ̀Ꞌâ kà wòt wu tsi e ko e ghɨ̌ àghɨ.

ÀfaꞋa 6:7

Ale, èngǎ̧ Mbɔ̧ɔ̧mà e me paa nga a èdziꞋ èdziꞋ. Bɔkatè Yesò e mè ntaꞋa kwèꞋne a Jèlusalèm tè bèntsìà mèpɨ̧̀ Mbɔ̧ɔ̧mà nyaŋ e zə ndzì mèntɨ̧ɨ̧ mɔb ane Yesò mɨ̧̂.

2 Kɔlìn 2:8

Ale, mâ shu̧u̧ta wɨ̧ nê bɨ̀ ghɨa tà ko nê bɨ bela nkɔ̀ŋkà vi.

Gàlashìà 1:23

Bɔ li ndzə wuê nê, “Wòt wu tà li ndâ ngua nkɨa àtsə ya enɨ la è tsiꞋa ndàꞋà sèntà èngǎ̧ Mbɔ̧ɔ̧mà wu tà li ngua nkɨà èlu̧ eliime la.”

Efesɔ̀s 2:19

Ale, bɨ te ntsě bègɨ̧̀, bɨ̀ ka mê ngu bòt ntsea tsě la. Bɨ tsiꞋi bòt àlaꞋ yeamɔꞋ nè bòt Mbɔ̧ɔ̧mà, ntsìꞋi àlo̧ yeamɔꞋ nè bòt Mbɔ̧ɔ̧mà.

Efesɔ̀s 3:15

wu tà ghɨ̂ àndà̧ àgème a ègwet nè sitsǎꞋ a bɔ èlen li la.

Efesɔ̀s 4:28

Wòt tàa ntsɔa la ka te ntsɔŋ, ka tà me nɨ èbu bi fàꞋà àfaꞋa àa tɨŋe atò, taa mèe ko etɨŋe bòt bu bɔ̀ɔ nkɨ̀ŋkà la.

Efesɔ̀s 5:16

Bɨ̀ me ghɨ a ntsɔ̧̀ àfɨ̀Ꞌ àgème èlu̧ e dzə a si la, nkàà nê kàbɔ̀ŋ ghe àbȩ àfɨ̀Ꞌ yaa.

Filìpȩ 4:10

Maà ngùꞋtà am ànyaꞋne mè nkɔ̀ŋkà Tè Yesò Klistò nkàà nê, bɨ mee mbùꞋ tè me tɨŋe am mbɨ̀Ꞌɨ̀ bɨ li ndâ ngua ngɨ̀à la. È nka shua nê, bɨ li ndèènè am, wu nê èlu̧ e li è ka wuê bɨ̀a tɨŋe am la.

Kɔ̀losìà 4:5

Bɨ̀ me ghɨ̀ mènəè mɨ̧ a mbì bòt bu kà zi mèntɨ̧ɨ̧ mɔb ane Yesò la nè èyì. Àfɨ̀Ꞌ àgème èlu̧ e dzəâ a si la, bɨ nyɔ̀Ꞌtè ndze nê, bɨ ghɨ̂ bɔ ko nê bɨ wu bòt Yesò. Àfɨ̀Ꞌ a dzə a si, bɨ nyɔ̀Ꞌtè ndaꞋa abua bòt mbɔŋ.

1 Tèsàlonikà 5:15

Ko mbɨ̀Ꞌɨ̀ bɨ bɨ̧ɨ̧nè wòt kǒ vəə a kàbɔ̀ŋ ane kàbɔ̀ŋ, ka bɨ̀ me nyɔ̀Ꞌte àfɨ̀Ꞌ àgème ngɨ̀à a ntsɔ̧̀ a kètsìà wɨ̧ fɔɔle abua waa waa.

1 Tèsàlonikà 5:21

Bɨ̀ lȩ̂ èngà̧ ègème waa waa làꞋà la, ndze nê tè e dzə abua Mbɔ̧ɔ̧mà leꞋ, mbɔ̂ mbɨ̧̀ɨ̧̀nê èwe àa mbɔ̀ la.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Ebùlù 13:16

Bɨ̀ ka ntsèke kà wua ngɨa ntsɔ̧̀ mè ngàbtà èghɨ bɨ bɔ la, nkàà nê, Mbɔ̧ɔ̧mà nàà nkɔ̀ŋkà èwuu èghɨ mbɔŋ.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

1 Pità 4:17

ÀfɨꞋa Mbɔ̧ɔ̧mà naa saꞋa bòt la a kuêꞋ, tà bɔ̂ ngua nga ebùꞋu ane bòt bi. Tè tà wu ebùꞋu ane ya ko àa li ewu na ane bòt bu bɔ ntu̧ ebɨ̧ɨ̧ne Ntu̧ Ntsɔ̧̀ yu è dzə abua Mbɔ̧ɔ̧mà la à?

1 Jɔ̌n 5:1

Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.

3 Jɔ̌n 1:10

Maa me ghɨ̀ tê nkɨ̀Ꞌɨ̂, ka ndɔ̀kè mènəè ègème tà ghɨ̀ la, fɔ̀ɔ̀le ne èbɨꞋte ènəê tà shu ane yaã, nè mèfà̧ tàa ndàꞋà la. Eyaa ntsě ndàꞋà mènəè tàa ngɨ̀à la. Bɔnyɨ ba àa ngɨ̀ bɔ̀ kɨꞋɨ, tà kà sèè awɔb, mè me kele fɔ̀ɔ̀la bòt bu nkɨ esèe àwɔb la, tè fəèà àwɔb a èbem chɔsì.

3 Jɔ̌n 1:11

Ngule shu̧ yaã, à ka me fɨŋe bòt bu bɔ̀ɔ ngɨa kàbɔ̀ŋ la. Me fɨŋe wuê è bu bɔ̀ɔ ngɨa ntsɔ̧̀ la. Waa waa tàa ngɨ̀à ntsɔ̧̀ la wu wòt Mbɔ̧ɔ̧mà, ka wòt tàa ngɨ̀à kàbɔ̀ŋ la, wu wòt kà ko a Mbɔ̧ɔ̧mà.

3 Jɔ̌n 1:3

E ndi ntaꞋa wùꞋtè am ndɨ bɔnyɨ ba ko ayɔɔ bòt Yesò, e li nkɨ̀Ꞌɨ̂ a si ŋàa shua am ndɨ àa ntsèka wuê mbɨ̀Ꞌɨ̀ èngǎ̧ Mbɔ̧ɔ̧mà e kɨa la, mè ndâ me ghɨ̀ mènəè nkûŋ la.