Gàlashìà 5:7 - Mundani

⁷ Bɨa yǎ̧ ngua ngȩ̀ȩ̀nà ane alu̧ ntsɔ̧̀ ale wǎ tseke tè nkèlè àwɨ̧ nê bɨ̀ ka tsi ngɨ̀ mbɨ̀Ꞌɨ̀ nkûŋ nàa shua la à?

Gàlashìà 5:7 ပူးပေါင်းရင်းမြစ်များ

Matìù 13:21

ka bɔ̀ ka zi èntɨ̧ɨ̧ wɔb adù̧, è ka tseke ane àfɨ̀Ꞌ à seè la. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngǎ̧ mbɔŋ la leꞋ, bɔ bê ntû̧ wùà.

ÀfaꞋa 6:7

Ale, èngǎ̧ Mbɔ̧ɔ̧mà e me paa nga a èdziꞋ èdziꞋ. Bɔkatè Yesò e mè ntaꞋa kwèꞋne a Jèlusalèm tè bèntsìà mèpɨ̧̀ Mbɔ̧ɔ̧mà nyaŋ e zə ndzì mèntɨ̧ɨ̧ mɔb ane Yesò mɨ̧̂.

Lûm 10:16

Ka bɔ̀ɔ àgème e bakà bɨ̧ɨ̧ne ànəa Ntu̧ Ntsɔ̧̀ Mbɔ̧ɔ̧mà e shu la, wuê mbɨ̀Ꞌɨ̀ Àsayà shu la nê, “Tê, wòt wu tà bɨ̧ɨ̧ne ànəa bàa shu la wu wàà?”

Lûm 15:18

Maa me laꞋà wuê ànəa àghɨa Yesò Klistò ètsè ane yaã ngɨ̀ mbɨ̀Ꞌɨ̀ maa ghɨ̌ bòt kà wu Bèjuê aa me zəa Mbɔ̧ɔ̧mà la.

Lûm 16:26

Nkûŋ mbɔŋ è pùùla ayaã àfɨ̀Ꞌ yaa ane àghɨ a bèndàꞋàtɔŋ Mbɔ̧ɔ̧mà e li shɨŋ la. Mbɔ̧ɔ̧mà wu tà wu ane àlia nè àlia la è shu nê èlaꞋ ègème e ko, mbɨ̀Ꞌɨ̀ bòt bàgème aa bɨ̧ɨ̧ne ànəa tà shu la, e me zə atò.

Lûm 2:8

Ka è me wu bòt bu bɔ̀ɔ nkɨà nê àghɨ àgème a wu wu ayɔb la, mè ntu̧u̧ bɨ̧ɨ̧ne ànəa nkûŋ yu a dzə abua Mbɔ̧ɔ̧mà la, me ghɨ̀ wuê mènəè kàbɔ̀ŋ la, ko Mbɔ̧ɔ̧mà naa nyɨꞋte ntsǒ zi, enɔ̀ŋe ngoꞋ kèkweelè a ègwet lɔb.

Lûm 6:17

Mâ kɔ̀ŋke a Mbɔ̧ɔ̧mà nê, bɨ̀a wu bɨ̀ le yaã ngu èbùꞋ a màngɨa kàbɔ̀ŋ la, e li mbɨ̧̀ɨ̧̀ne mènəè nkûŋ mu bɔ li nyɨ̀Ꞌte awɨ̧ la nè èntɨ̧ɨ̧ wɨ̧ wemɔꞋ.

1 Kɔlìn 9:24

Bɨ bakà ko laꞋ nê bɔ̀ɔ ngɨ̀ bɔ̀ gha ane àlùùlà, waa waa me lùùla, ka è bɔ̂ ngu wuê wòt wemɔ̀Ꞌ tà jɨ bɔ tsɔꞋɔ atò la? Ale, luula mbɨ̀Ꞌɨ̀ jɨ bɔɔ tsɔꞋɔ awê.

2 Kɔlìn 10:5

Baa nɨa nkèla mènkwàꞋte kàbɔ̀ŋ ègème, nè àghɨ àgème bòt àa mɨ̀ɨ̀tà nê bɔ ko nyaŋ, a kela wɔb a mànkoa a Mbɔ̧ɔ̧mà la. Mbà̧aã mènkwàꞋte ègème mbɨ̀Ꞌɨ̀ ghɨ̌ bòt bu nè èwuu mènkwàꞋte mbɔŋ la aa me zəa Yesò Klistò.

Gàlashìà 2:2

Maà ngà ale ngu ndɨ Mbɔ̧ɔ̧mà ghaꞋtè nyɨ̀Ꞌte am nê è nga la. Mâ ghǎ abàꞋ və ale ngàꞋte Ntu̧ Ntsɔ̧̀ yu màa ndaꞋa abua bòt bu bɔ̀ baka ko a Mbɔ̧ɔ̧mà la shu awɔb. Maà ngɨ̀à ale mbɔ̂ ndàꞋà wuê a ntsèm abua bɔɔjuŋ, màa mbɔ̀ɔ mbɨ̀Ꞌɨ̀ àfaꞋa e fàꞋà la, nè àyea e ndi ndzaŋe fàꞋà la a tsè àku la.

Gàlashìà 3:1

Bɨ̀a bòt Gàlashìà bàa bɨ wu kwàꞋ èkèghɨ̧̀. Wàa chɨɨmè nɨ̀ èbə nɨŋ ngèble ètsə bɨ̧ nê bɨ̀ ka mbɨ̧̀ɨ̧̀ne nkûŋ à? Ka bɔ li ngàꞋte kwàꞋ a mbì lɨ̧ nyɨ̀Ꞌte ndɨ bɔ li ngù̧ù̧te Yesò Klistò a mbɨ̧̀ mbasa la à?

Gàlashìà 5:10

Mâ bê ndâ nko nê, ndɨ̀ wu ba nɨ̧̀ ba è tsìꞋi àghɨ yeamɔꞋ ane Yesò la, betsiꞋa bɨ̀ ka tsi mɨ̀ɨ̀te a èlɨ̀ ko tsa. Wòt wu ntsòkà àtsəa yɨ̧ la nàà bɔ àbȩ̀ àzi abua Mbɔ̧ɔ̧mà ka tà màa ngu wuê wà leꞋ.

2 Tèsàlonikà 1:8

Tà kɨꞋa e ghɨ̌ bòt bu ka nɔ̀ŋe àdziꞋ abua Mbɔ̧ɔ̧mà a èbem mèntɨ̧ɨ̧ mɔb la aa ye ngoꞋ nkàà mènəè kàbɔ̀ŋ mɔb, nè èbu bɔ̀ɔ ka ghɨ mbɨ̀Ꞌɨ̀ Ntu̧ Ntsɔ̧̀ Yesò Lefɨ̀Ꞌ wa wu tà wu Tǎt wa la nàa shua la.

Ebùlù 11:8

Èntɨ̧ɨ̧ wu Abàlàghâm li ndzi ane Mbɔ̧ɔ̧mà la, e li ngɨ̀ tà zə ànəa Mbɔ̧ɔ̧mà shu la, ndzə àlaꞋ zi nga àlaꞋ ako Mbɔ̧ɔ̧mà li nkàꞋ nê yea ŋa abua tò la. Tàà ndzəa ngà ale, tà kà lem nko àdziꞋa ye ghà la.

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.