Gàlashìà 5:4 - Mundani

⁴ Bɨ̀a wu bɨ̀a nyɔ̀Ꞌtà nkɨ etɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà na bɨ̀a ngɨ̀à mbɨ̀Ꞌɨ̀ mbɨ̧tsə te kɨa la, bɨ tsì àwɨ̧ ane Yesò Klistò. Bɨ tu̧ àghɨa Mbɔ̧ɔ̧mà ŋa abua yɨ̧ àku la.

Gàlashìà 5:4 ပူးပေါင်းရင်းမြစ်များ

Lûm 11:6

È wû ntsɔ̧̀ tò ka tà nɨŋ ndà àwɔb la, ko è te ntsě ànəa àfaꞋa ntsɔ̧̀. Tà li ngɨ̀ ale ngua ndàà àwɔb nkàà àfaꞋa ntsɔ̧̀ àyɔb, ko ntsɔ̧̀ tò wu te ntsě ntsɔ̧̀.

Lûm 3:20

Wòt kǒ Mbɔ̧ɔ̧mà nàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li nkàà ndɨ ŋut ghɨ̀ àghɨa mbɨ̧ nàa shua la, è ntsě, nkàà nê àghɨa mbɨ̧ nàa ngɨ̀à la wu a mànyɨꞋta wa nê baa ghɨa kàbɔ̀ŋ.

Gàlashìà 2:21

E mbakà tu̧u̧ ntsɔ̧̀ wu Mbɔ̧ɔ̧mà nyɨꞋte am nkàà a Yesò Klistò la. Wòt ghɨ̀ ale, ngua ntɨ̧a ndɨŋndɨ̀ŋ a mbì Mbɔ̧ɔ̧mà nkàà na tàa ngɨ̀à mbɨ̀Ꞌɨ̀ mbɨ̧tsə te kɨa la, ko a nyɨꞋtè nê Yesò Klistò li mpfə kwàꞋ àku.

Gàlashìà 5:2

Bɨ̀ zə, mmɔ̌ Pɔ̂l, mâ shua wɨ̧ nê, bɨ wua anè mbɨ̧ɨ̧nà nê bɔ̀ naŋe awɨ̧, ko aa nyɨꞋte nê Yesò Klistò ntsě àghɨa ko abua yɨ̧.

Ebùlù 12:15

Bɨ̀ me ko awɨ̧ mbɨ̀Ꞌɨ̀ ka bɨ tsì èntɨ̧ɨ̧ wɨ̧ ane Mbɔ̧ɔ̧mà wu tàa nyɨ̀Ꞌta èkɔŋ vi ane ya la. Bɨ̀ mèe me ko awɨ̧ mbɨ̀Ꞌɨ̀ ka wòt kǒ ane yɨ̧ liꞋa kàbɔ̀ŋ mbɨ̀Ꞌɨ̀ afəèꞋ nàa ndìà la, è koꞋ ntsòkè bòt ko.

Ebùlù 4:1

Ndɨ̀ wu Mbɔ̧ɔ̧mà bakà kùbte mènkàꞋa mi nê baa li ekɨꞋɨ àdziꞋa yea ghɨ̌ baa yètè la, bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ bela ngɨ̀à tà kà tsi nkùꞋù è we tàa nyi àdziꞋa mbɔŋ la.

Ètsə 2:5

È wu ale, bɨ̀ ku̧u̧te àdziꞋa èkɔŋ wɨ̧ è le wu ane yaã la, nkùbte mèntɨ̧ɨ̧ mɨ̧, mè me ghɨ mbɨ̀Ꞌɨ̀ bɨ li ndzaãaã ngùa ngɨ̀à la. Bɨ̀ baka kubte, ko ma kɨꞋɨ e tsì àyɨ̧ ne àghɨ yu bɔɔ ntsia èkaꞋà adù̧ la adzìꞋa zi.