Gàlashìà 5:24 - Mundani

²⁴ Bòt bu bɔ zì mèntɨ̧ɨ̧ mɔb ane Yesò Klistò la e tu̧u̧ e me ghɨ̌ èghɨ bu mbɨ̧te ènyit tèa nkɨà la.

Gàlashìà 5:24 ပူးပေါင်းရင်းမြစ်များ

Lûm 13:14

Ka bɨ̀ wèà àwɨ̧ nè mààlà Yesò Klistò Lefɨ̀Ꞌ, bɨ̀ ka me mɨ̀ɨ̀tè èghɨ mbɨ̧̀ ènyit, e me ghɨ̀ àghɨa è kɨa la.

Lûm 6:6

Baa ko nê mènəè nyaꞋ ma è pfə nè Yesò Klistò a mbɨ̧̀ mbasa, mbɨ̀Ꞌɨ̀ tsòke àghɨ yu àa ŋwèèlà mbɨ̧̀ ta te ghɨa kàbɔ̀ŋ la, mbɨ̀Ꞌɨ̀ baa baka tsi ngu èbùꞋ abua kàbɔ̀ŋ.

Lûm 8:13

Wòt me tseke mbɨ̀Ꞌɨ̀ mbɨ̧̀ ènyit kɨa la, ko tàa pfə. Ka wòt nɨa mètàŋ Fo Mbɔ̧ɔ̧mà ndììma èghɨ kàbɔ̀ŋ bu mbɨ̧̀ ènyit tò nàa nkɨà la, ko taa bɔ mèmpème.

Lûm 8:9

Ka bɨa kà ghɨ mbɨꞋɨ̀ mbɨ̧te ènyit tɨ̧ tèa shua la, bɨa ngɨ̀à wuê mbɨ̀Ꞌɨ̀ Fo Mbɔ̧ɔ̧mà nàa shua la, na Fo Mbɔ̧ɔ̧mà me tseke ane yɨ̧ la. Wòt bakà bɔ Fo Yesò Klistò ane zi, ko tà ntsě wòt tò.

1 Kɔlìn 15:23

Mbɔ̧ɔ̧mà bɔ̂ ngu ghɨ waa waa naa yu̧u̧me ane vi ne akɔ̀Ꞌ. Yesò Klistò bɨɨ njù̧ù̧mê, bòt bu è wù èbe tò la e wu li yu̧u̧me mɨ̧̂ ane àli yu tàa li kɨꞋɨ la.

1 Kɔlìn 3:23

bɨ wu bòt Yesò Klistò, Yesò Klistò wu wòt Mbɔ̧ɔ̧mà.

1 Kɔlìn 6:13

Bɨa shua nê, “Èghɨjɨ e wu abua èbêm, èbêm e mê ngu abua èghɨjɨ,” Ka Mbɔ̧ɔ̧mà bɔ̂ ngu ghɨ̀ èghɨ mbɔŋ ègème aa baka tsi ngu àghɨ. Bɨ̀ ka me nɨ mbɨ̧te ènyit tɨ̧ mpàꞋta àbɨ̧, ka bɨ̀ me nɨa nkùkta Tè Yesò. Wu Tè Yesò ka tà bɔ mbɨ̧̀ ènyit la.

2 Kɔlìn 10:7

Bɨ̀ lɨ̀ŋkè èghɨ àa a mbì lɨ̧ la. Wòt me ye avi zìambɔŋ mɨ̀ɨ̀tà nê ye wu wòt Yesò Klistò, ta mè nkwàꞋtè, ko taa ye nê bàambɔŋ ba wu bòt Yesò Klistò mɨ̧̂ mbɨ̀Ꞌɨ̀ tòà.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Gàlashìà 3:26

Èntɨ̧ɨ̧ wu bɨ zi ane Yesò Klistò la è ghɨ bɨ tsiꞋi bɔ̧ Mbɔ̧ɔ̧mà.

Gàlashìà 3:28

BetsiꞋa bɔ̀ ka tsi nê wòt Juê è kubte ane wòt Glɨ̂k, àbùꞋ à ka kubte ane wòt ka wu àbùꞋ, mbâ̧ kà kubte ane àvi, nkàà nê bɨ̀agème e tsiꞋi àghɨ yeamɔꞋ ane Yesò Klistò.

Gàlashìà 3:29

Ale, bɨ wu anè ngu bòt Yesò Klistò, ko bɨ wu bɔ̧ Abàlàghâm, mbɨ̀Ꞌɨ̀ Mbɔ̧ɔ̧mà li nkàꞋ la.

Gàlashìà 5:20

mànguꞋta èghɨ tsa kà wu Mbɔ̧ɔ̧mà, nè tèbətsə, nè mpàb, nè àyɔ̀ŋ, nè ghòꞋnà, nè èntɨ̧ɨ̧ bɨ̌, nè èghoꞋ, nè màntsiꞋa ane mètsəê tsa tsa, ndɔ̀Ꞌ nè màngabta etseke tsa tsa.

Gàlashìà 6:14

Ka betsiꞋa mmɔ̌ mbɔŋ è nka wuꞋte am ane ànəa ko tsa kà wu mbasa wu Yesò Klistò Lefɨ̀Ꞌ wa li pfə adù̧ la. Èvə tò e li ngɨ̀ e mpfə àghɨ a ngɔ̀ŋ yaa, ngɔ̀ŋ yaà mè mpfə àghɨ am.

Efesɔ̀s 3:1

Àyaa a ghɨ̂, mmɔ̌ Pɔ̂l wu è ngu a tèfȩ nkàà èngǎ̧ Yesò Klistò wu màa ndàꞋà abua yɨ̧ bɨ̀a bòt kà wu Bèjuê la, e me tsàꞋte a Mbɔ̧ɔ̧mà.

Efesɔ̀s 3:11

Mbɔ̧ɔ̧mà li ngɨ̀ àyaa wuê mbɨ̀Ꞌɨ̀ tà li ndzaŋe taŋke a mèmbùꞋu la. Tà li ngɨ̀ Yesò Klistò Lefɨ̀Ꞌ wa ghɨ̀ a tsè wuê mbɨ̀Ꞌɨ̀ tà li ntàŋke la.

Efesɔ̀s 3:6

Ànəa ndò̧ mbɔŋ wu nê Ntu̧ Ntsɔ̧̀ Mbɔ̧ɔ̧mà è ghɨ̀ bòt kà wu Bèjuê e wu li bɔ èghɨ ntsɔ̧̀ bu Mbɔ̧ɔ̧mà nàa ngɨa ane bòt Izəèlȩê la mɨ̧̂. Bɔ tsiꞋi mbɨ̧̀ ènyit yemɔꞋ, mè mbɔ̀ è wɔb ne èghàb ane èghɨ ntsɔ̧̀ bu Mbɔ̧ɔ̧mà kàꞋa bòt bi la, ndɨ̀ wu bɔ̀ tsiꞋi àghɨ yeamɔꞋ nè Yesò Klistò la.

Kɔ̀losìà 2:11

Mbɨ̀Ꞌɨ̀ bɨ Yesò Klistò ba è tsiꞋi àghɨ yeamɔꞋ la, tà naŋe awɨ̧ ane ènɔ̧̂ bòt Mbɔ̧ɔ̧mà, ka tà kà naŋe ane èwuu èlɨ̀ wu bɔbȩ àa nàŋa bòt la. Tà tsiꞋi naŋe awɨ̧ ane e vi ne èlɨ̀, è wu ndɨ̀ wu bɨ̀a ka tsi ngɨ̀ èbɨꞋte ènəê bu è le wua ndzəa a èbem mèntɨ̧ɨ̧ mɨ̧ la.

1 Pità 2:11

Bèshu̧ bɔ̧, bɨ̀ wu bègɨ̧̀ mè ngu bòt ntsèa ntsě a ngɔ̀ŋ ŋaa la, è wu ale e me shu̧u̧te awɨ̧ nê bɨ̀ ka tsi ngɨ̀ èghɨ mbɨ̧te ènyit tɨ̧ tèa nkɨà la. Èghɨ mbɔŋ wu èghɨ bu àa nùà mèntɨ̧ɨ̧ mɨ̧ la.