Gàlashìà 5:22 - Mundani

²² Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Gàlashìà 5:22 ပူးပေါင်းရင်းမြစ်များ

Matìù 12:33

“À me kɨ tètaãaãte àyɨt a ntsɔ̧̀, à kɨ àyɨt àa mbèꞋnà la. À bɔ àyɨt kàbɔ̀ŋ ko tètaãaãte tò tea me bɨɨ. Bɔɔ̀ nkoà àyɨt àgème ane tètaãaãte tò.

Lûk 13:9

È me wu ane èngùꞋebȩ e kɔɔlè, ko aa wu ane ntsɔ̧̀, mbə è baka kɔ̀ɔ̀lê, à ghɨ̀ bɔ kòꞋ maꞋa a si.’ ”

Jɔ̌n 15:16

È ntsě bɨa ka bɨ li ndȩ̀ am la, wu mmɔ̌ mbɔŋ ka e ndi ndȩ̀ awɨ̧ ntsàà nê, bɨ̀ ghǎ ngɨ̀ mènəè ntsɔ̧̀, è wù mènəè ntsɔ̧̀ mu nàa taꞋa tseke la. Bɨ ghɨ̀ ale, ko Tǎt am naa ŋa awɨ̧ àghɨ àgème bɨ lo̧ abua tò ane èlen laã la.

Jɔ̌n 15:2

Tàa ngɨ̀ tà fààtè mèntaãaã ègème, è wu àdziꞋa ènyit yaã nàa ka kɔɔle tètaãaãtsə la ntsì, mbɔ̂ ntsènè nèètè è me nàa nkɔ̀ɔ̀lâ la, mbɨ̀Ꞌɨ̀ naa tsène ekɔɔle ntsɔ̧̀.

Jɔ̌n 15:5

“E ngu àyɨt vȩn, bɨ wu mèntaãaã. Wòt tà wu àghɨ yeamɔꞋ nè nà̧, e mè ngu àghɨ yeamɔꞋ nè tò la, wu mbɨ̀Ꞌɨ̀ èntaãaã àyɨt àa nkɔ̀ɔ̀la ntsɔ̧̀ la. Tà bakà wu nè nà̧ tà kà koê ngɨ̀ àghɨ.

Lûm 14:17

Ànəa nɨ̧ a kèfɔ̧̀ Mbɔ̧ɔ̧mà ntsě mànjɨa èghɨjɨ, kò mànua leꞋ, wu màngɨa àghɨa Mbɔ̧ɔ̧mà kɨa la, nè màntseka ane àlàŋkè nè bòt, mè nè màngua ane mèngùꞋte, è wu èghɨ Fo Kèfə nàa ŋa la.

Lûm 15:14

Bɔnyɨ bɔ̧, mmɔ̌ mbɔŋ mâ lâ nko nê bɨ̀ambɔŋ e lu̧u̧ nê ntsɔ̧̀, mè ndâ nko àghɨa bɨ bɔ ndɨ bɨ̀a me ghɨ̀ la, mè ngu eko nyɨꞋte bɔnyɨ bɨ̧.

Lûm 15:3

Yesò Klistò li tà kà ghɨ̂ wuê àghɨa àa mbɔ̀ àvi la. A wu mbɨ̀Ꞌɨ̀ bɔ shɨ ànəa tò a èbem Àkata Mbɔ̧ɔ̧mà la nê, “Tèntsɔ̧̀ɔ̧̀mè tu bòt e li ntsɔ̧̀ɔ̧̀te àwê adù̧ la tê nɔ̀ŋke a ègwet laã.”

Lûm 15:30

Bɔnyɨ bɔ̧, maà shù̧ù̧ta wɨ̧ ndɨ̀ wu bàa tsiꞋi àghɨ yeamɔꞋ ane Yesò Klistò Lefɨ̀Ꞌ wa la, mè nè ndɨ̀ wu Fo Mbɔ̧ɔ̧mà è ghɨ̂ baa me kɔ̀ŋkè àwa la nê bɨ̀ fɔte nê nà̧ me lâ ntsàꞋta Mbɔ̧ɔ̧mà ane yaã.

Lûm 6:22

Ka àfɨ̀Ꞌ yaa Mbɔ̧ɔ̧mà tsì àwɨ̧ a èbem kàbɔ̀ŋ, bɨ tsiꞋi èbùꞋ tò la, àbȩ̀ yɨ̧ wu àghɨ yu a ghɨ̂ bɨ tsiꞋa ngɨ̀à wuê èghɨ bu àa mbɔ̀ Mbɔ̧ɔ̧mà, àa ghɨ̌ bɨa li bɔ mèmpème kàlìà la.

Lûm 7:4

Bɔnyɨ bɔ̧, eyaa bê ngu ndɨ àa ane yɨ̧ la. Yesò Klistò li mpfəè ale, a wu nè bɨ pfə ayɨ̧ mɨ̧̂ ane ànəa mbɨ̧ mbɨ̀Ꞌɨ̀ bɨ̀a tsiꞋi bòt wòt tsa. Ŋut wu wòt wu Mbɔ̧ɔ̧mà li njù̧ù̧me atò, mbɨ̀Ꞌɨ̀ e ghɨ̌ bɨa tsiꞋi bòt bɔ̀ɔ ntsèka ngɨ̀à àghɨa àa mbɔ̀ a Mbɔ̧ɔ̧mà la.

Lûm 8:5

Bòt bu bɔ̀ɔ ntsèka mbɨ̀Ꞌɨ̀ mbɨ̧̀ ènyit kɨa la, aà mɨ̀ɨ̀tà wuê ànəa èghɨ bu mbɨ̧te ènyit tɔb tèa nkɨà la. È bu bɔ̀ɔ ntsèka mbɨ̀Ꞌɨ̀ Fo Mbɔ̧ɔ̧mà kɨa la, e mɨ̀ɨ̀tà wuê ànəa èghɨ bu Fo Mbɔ̧ɔ̧mà nàa nkɨà la.

1 Kɔlìn 13:13

Ale, màndzia èntɨ̧ɨ̧ nè màmbɔ ntɨ̀ ane Mbɔ̧ɔ̧mà nè èkɔŋ, èghɨ bàa betat la aa li tèꞋa, mbɔ̂ àyea a tsè èbeko la wu èkɔŋ.

Gàlashìà 5:13

Bɔnyɨ bɔ̧, Fo Mbɔ̧ɔ̧mà tɔ awɨ̧ nê bɨ̀ ka tsi mbɨ̧̀ɨ̧̀ne èbùꞋ abua mbɨ̧te Musì, wuê nê bɨ̀ ka nɨ àyea mbɔŋ mbɨ̀Ꞌɨ̀ alu̧ a màngɨa àghɨa mbɨ̧te ènyit tɨ̧ tèa nkɨà la, ka bɨ̀ me kɔ̀ŋkè bɔnyɨ bɨ̧ mbɔ̂ ntɨ̀ŋe awɔb.

Efesɔ̀s 4:23

Mèntɨ̧ɨ̧ mɨ̧ nè mènkwàꞋte mɨ̧ è bɔ ndɨ nàa tsiꞋi me fi la.

Efesɔ̀s 5:9

Wu èkaꞋà waa ka àa ngɨ̀à bòt e ghɨ̀à àghɨ àgème è wù àyea ntsɔ̧̀ la, nè àyea a kùꞋù la, nè àyea è wû nkûŋ la.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Kɔ̀losìà 1:10

Bɨ ko ale ko bɨa me tseke mbɨꞋɨ̀ Mbɔ̧ɔ̧mà nàa nkɨà la, mè ngɨ̀à àghɨa àa mbɔ̀ abua tò la àfɨ̀Ꞌ àgème. Ko bɨa mèe me ghɨa ntsɔ̧̀ ane balu̧ bàgème, mè nkoa Mbɔ̧ɔ̧mà ngà nè mbì.

2 Tèsàlonikà 3:2

Bɨ̀ mèe me tsàꞋte nê, Mbɔ̧ɔ̧mà ka mbɨ̧̀ɨ̧̀ne bòt kàbɔ̀ŋ e ghɨ̀ baa ye ngoꞋ, ngu nê è ntsě waa waa tà bɨ̧ɨ̧ne èngǎ̧ Mbɔ̧ɔ̧mà la.

1 Tɔ̀màtià 3:11

Bèzi bɔb e bɔ̂ ndɨ bɔ̀ɔ bɔ mènəè ntsɔ̧̀ la, bɔ̀ ka me ghɨ̀ mènàŋ. Bɔ̀ ka me nu mèlùꞋ nyaŋ. Bɔ̀ me ghɨ̀ wuê mènəè è kùꞋu ane balu̧ bàgème la.

1 Tɔ̀màtià 4:12

Ko mbɨ̀Ꞌɨ̀ à sàŋ wòt kǒ tà me waa awê nê à bele watèchɨɨle. Ka me ghɨ̀ mènəè mê ane ndɨ bòt Yesò àa me kùŋè teka tè ane ndɨ àa ndàꞋà la, nè ndɨ àa ngɨ̀à mènəè mê la, nè ndɨ àa nkɔ̀ŋkà bòt la, ka nè ndɨ à zǐ èntɨ̧ɨ̧ wê ane Mbɔ̧ɔ̧mà e me fəə la.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

1 Pità 1:8

Bɨ bakà ye atò, mbɔ̂ me kɔ̀ŋkè atò, mè ndzì mèntɨ̧ɨ̧ mɨ̧ ane tò kà ye atò. Mèntɨ̧ɨ̧ mɨ̧ è lu̧u̧ àfɨ̀Ꞌ yaa nè mèngùꞋte è ghe tê fɨ̀Ꞌ kà wu la,

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.