Gàlashìà 5:19 - Mundani

¹⁹ Èghɨ mbɨ̧̀ ènyit nàa nkɨà la aà kà lò̧ò̧tè: MàmpaꞋta wòt kà bɨ tò eyɔꞋ, mèmɨ̀ɨ̀te kàbɔ̀ŋ, màngɨa kàbɔ̀ŋ,

Gàlashìà 5:19 ပူးပေါင်းရင်းမြစ်များ

Jɔ̌n 3:6

Wɔ̀bȩ̂ nàa ngɨ̀ tà bi wekǒ, ŋut wu wuê wɔ̀bȩ̂, ka Fo Mbɔ̧ɔ̧mà bi wòt, ŋut wu tsiꞋi waã Mbɔ̧ɔ̧mà.

Lûm 7:18

Mâ ko nê àghɨa ntsɔ̧̀ àko a ntsě ane yaã mmɔ̌ wɔ̀bȩ̂. Maà nkɔ̀ŋkà a màngɨa ntsɔ̧̀, ka è nka wua nkòâ ngɨ̀à wùà.

Lûm 7:25

Mâ kɔ̀ŋke a Mbɔ̧ɔ̧mà nê wu Yesò Klistò Lefɨ̀Ꞌ wa ka betsiꞋa tà ghɨ̀ ba pem la. Ale, ane abà ako màa ngɨ̀ e me kɨ ghɨ àghɨa mbɨ̧ Mbɔ̧ɔ̧mà kɨa la a èntɨ̧ɨ̧ am, ayea ko nè abà e me ghɨ wuê a kàbɔ̀ŋ wu mbɨ̧̀ yaã nàa nkɨà la.

Lûm 7:5

È li ngu afɨꞋa bàa ntsèka mbɨ̀Ꞌɨ̀ mbɨ̧te ènyit ta tèa nkɨà la, mbɨ̧ lɔ̀kte a kàbɔ̀ŋ wu a mbɨ̧̀ ènyit ya la, tè èghɨ bàa ngɨ̀à la e nɨ èvə nɨŋ nkɨ̀Ꞌɨ̂ adù̧ ya.

Lûm 8:13

Wòt me tseke mbɨ̀Ꞌɨ̀ mbɨ̧̀ ènyit kɨa la, ko tàa pfə. Ka wòt nɨa mètàŋ Fo Mbɔ̧ɔ̧mà ndììma èghɨ kàbɔ̀ŋ bu mbɨ̧̀ ènyit tò nàa nkɨà la, ko taa bɔ mèmpème.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

Lûm 8:5

Bòt bu bɔ̀ɔ ntsèka mbɨ̀Ꞌɨ̀ mbɨ̧̀ ènyit kɨa la, aà mɨ̀ɨ̀tà wuê ànəa èghɨ bu mbɨ̧te ènyit tɔb tèa nkɨà la. È bu bɔ̀ɔ ntsèka mbɨ̀Ꞌɨ̀ Fo Mbɔ̧ɔ̧mà kɨa la, e mɨ̀ɨ̀tà wuê ànəa èghɨ bu Fo Mbɔ̧ɔ̧mà nàa nkɨà la.

Lûm 8:9

Ka bɨa kà ghɨ mbɨꞋɨ̀ mbɨ̧te ènyit tɨ̧ tèa shua la, bɨa ngɨ̀à wuê mbɨ̀Ꞌɨ̀ Fo Mbɔ̧ɔ̧mà nàa shua la, na Fo Mbɔ̧ɔ̧mà me tseke ane yɨ̧ la. Wòt bakà bɔ Fo Yesò Klistò ane zi, ko tà ntsě wòt tò.

1 Kɔlìn 3:3

nkàà nê bɨ bela ntsèka mbɨ̀Ꞌɨ̀ bòt ngɔ̀ŋ yaa. Ndɨ̀ wu bɨ̀ bela ngòꞋnà bɔnyɨ bɨ̧ mè nùà nè nɔ̀b la, a wua nyɨ̀Ꞌta nê bɨ bele mbɨ̀Ꞌɨ̀ bɔbȩ, mè ngɨ̀à mènəè mɨ̧̂ mbɨ̀Ꞌɨ̀ bɔbȩ ko.

1 Kɔlìn 6:18

Wòt ka njɨ̀ àbȩ. Kàbɔ̀ŋ ègème wòt nàa ngɨ̀à la nàà kà baãaãte mbɨ̧̀ ènyit wòt, ka mànjɨa àbȩ nàà tsòkà mbɨ̧̀ ènyit wòt.

Gàlashìà 5:13

Bɔnyɨ bɔ̧, Fo Mbɔ̧ɔ̧mà tɔ awɨ̧ nê bɨ̀ ka tsi mbɨ̧̀ɨ̧̀ne èbùꞋ abua mbɨ̧te Musì, wuê nê bɨ̀ ka nɨ àyea mbɔŋ mbɨ̀Ꞌɨ̀ alu̧ a màngɨa àghɨa mbɨ̧te ènyit tɨ̧ tèa nkɨà la, ka bɨ̀ me kɔ̀ŋkè bɔnyɨ bɨ̧ mbɔ̂ ntɨ̀ŋe awɔb.

Gàlashìà 5:17

Aa ale nkàà nê, àghɨa mbɨ̧̀ ènyit nàa nkɨà la ntsě àghɨa Fo Mbɔ̧ɔ̧mà nàa nkɨà la, àyea Fo Mbɔ̧ɔ̧mà nàa nkɨà la è kà wu àyea mbɨ̧̀ ènyit nàa nkɨà la. Èghɨ baa aà ngà èlu̧ tsa tsa, mbɨ̀Ꞌɨ̀ ka bɨ ghɨ̀ àghɨa bɨ ghɨ̂ mbɔ ndɨ bɨ̀a ghɨ̀ la.

Gàlashìà 6:8

Aa ale nkàà nê, wòt me ghɨ̀ àghɨa mbɨ̧̀ ènyit tò nàa nkɨà la, ko àbȩ̀ atò naa li wu èvə, è me wu wòt wu tàa ngɨ̀à àghɨa Fo Mbɔ̧ɔ̧mà nàa nkɨà la, àbȩ̀ atò wu mèmpème kàlìà.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

Ebùlù 13:4

Wòt ègème me nɨ èyɔꞋɔ mbɨ̀Ꞌɨ̀ ànəa ntsɔ̧̀. Mbâ̧ kò àvi leꞋ ka mpàꞋte àbɨ̧ nè wòt tsa, nkàà nè Mbɔ̧ɔ̧mà naa li saꞋa bòt bu bɔ̀ɔ mpàꞋta bòt kà yɔꞋɔ awɔb la, nè bòt bu bɔ̀ɔ njɨ̀a àbȩ la.

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.