Gàlashìà 5:17 - Mundani

¹⁷ Aa ale nkàà nê, àghɨa mbɨ̧̀ ènyit nàa nkɨà la ntsě àghɨa Fo Mbɔ̧ɔ̧mà nàa nkɨà la, àyea Fo Mbɔ̧ɔ̧mà nàa nkɨà la è kà wu àyea mbɨ̧̀ ènyit nàa nkɨà la. Èghɨ baa aà ngà èlu̧ tsa tsa, mbɨ̀Ꞌɨ̀ ka bɨ ghɨ̀ àghɨa bɨ ghɨ̂ mbɔ ndɨ bɨ̀a ghɨ̀ la.

Gàlashìà 5:17 ပူးပေါင်းရင်းမြစ်များ

Matìù 12:30

“Wòt bakà wu akwen yaã tà ko nê ye wu wɔ̀mbù̧ am, wòt bakà mè ngua tɨŋe am efeta bòt bɔ̧, tà ko nê ye wua ntaa awɔb taa.

Matìù 16:17

Yesò bê nê “Ntsɔ̧̀ wu àwɔ̀ Simùn Ba-Jɔnà. Ngu nê ànəê yaa à ka dzəa abua wɔ̀bȩ̂, a dzəa abua Tǎt am wu a ègwet la.

Matìù 16:23

Ka Yesò ghèble avi shu abua Pità nê, “LɔꞋ a ngèt yaã à Satàn! Àà nkèla alu̧ am. Mènəè maà à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Matìù 26:41

Bɨ̀ tseke àtatsi me tsàꞋte a Mbɔ̧ɔ̧mà mbɨ̀Ꞌɨ̀ bɨ kwen a èbem ètaãaãte mènəè. Èntɨ̧ɨ̧ aà ndâ nkɔ̀ŋkà e ghɨ̌ àghɨ, ka mbɨ̧̀ ènyit ka wua nkɨà.”

Matìù 5:6

Ntsɔ̧̀ wu bòt bu bɔ̀ɔ mbê ndâ nkɨ ghɨ̌ àghɨa Mbɔ̧ɔ̧mà nàa nkɨà la, Mbɔ̧ɔ̧mà naa ghɨ̌ aa wu ale.

Lûk 22:33

Pità bɨ̀ɨ̀lè nê “Tê, è màà ngu wuê fȩ ko maa nyi yùà ba nè, nguê èvə e mpfə ba nè.”

Lûk 22:46

Tà bììte awɔb nê, “Bɨ̀ lia ghà à? Bɨ̀ lɔ̀Ꞌɔ a si me tsàꞋte a Mbɔ̧ɔ̧mà, mbɨ̀Ꞌɨ̀ bɨ kwen a èbem ètaãaãte mènəè.”

Jɔ̌n 3:6

Wɔ̀bȩ̂ nàa ngɨ̀ tà bi wekǒ, ŋut wu wuê wɔ̀bȩ̂, ka Fo Mbɔ̧ɔ̧mà bi wòt, ŋut wu tsiꞋi waã Mbɔ̧ɔ̧mà.

Lûm 8:13

Wòt me tseke mbɨ̀Ꞌɨ̀ mbɨ̧̀ ènyit kɨa la, ko tàa pfə. Ka wòt nɨa mètàŋ Fo Mbɔ̧ɔ̧mà ndììma èghɨ kàbɔ̀ŋ bu mbɨ̧̀ ènyit tò nàa nkɨà la, ko taa bɔ mèmpème.

Gàlashìà 3:21

Tè àyaa a nyɨꞋtè nê mbɨ̧tsə te tsòke ànəa Mbɔ̧ɔ̧mà li nkàꞋ la à? ChaꞋ, a ntsě ale. Mbɨ̧tsə te ghɨ̀ ale ngua nkɨ̀Ꞌa mbɨ̀Ꞌɨ̀ eŋa mèmpème abua bɔbȩ, ko bòt aà ntɨ̧a ndɨŋndɨ̀ŋ e mbì Mbɔ̧ɔ̧mà nkàà na bɔ̀ɔ ngɨ̀à àghɨa mbɨ̧tsə te kɨa la.

Jimsì 3:2

Bàa gème aà fà̧à̧tà mènəè. Ale, wòt me làꞋa mbakà wua fà̧à̧tà mènəè, tà ko nê, mènəè mi ègème lâ nkùꞋ, ye mè ngu ko ebaabe mbɨ̧̀ ènyit zi ègème.