Gàlashìà 5:11 - Mundani

¹¹ Bɔnyɨ bɔ̧, mâ ghɨ̀ ale mbèla ndàꞋà shua nê, bɔ̀ me naŋe bòt ko bɔɔ̀ kà tsi nkɨ àtsə am enɨ. Mâ ghɨ̀ ale mbèla ndaꞋa a èlɨ mbɔŋ, ko èngà̧ waa màa ndàꞋà ndɨ bɔ li ngù̧ù̧te a Yesò a mbɨ̧̀ mbasa la aà kà tsi sɔ̀ɔ̀bè èntɨ̧ɨ̧ wòt.

Gàlashìà 5:11 ပူးပေါင်းရင်းမြစ်များ

ÀfaꞋa 16:3

Bɔ làꞋa ale, Pɔ̂l me kɨ enɨ atò, bɔ̂ tò ba aa ghà nɔ̂, mbɔ̂ nàŋe tò. Me naŋe Tɔ̀màtià ale ngu ndɨ̀ wu Bèjuê bàgème bɔ̀ le wua ntsèka a èdziꞋ ngaa la, e li nko nê tǎt tò li ngu wòt Glɨ̂k la.

ÀfaꞋa 21:21

Bòt ko e shu awa nê, àà ngȩ̀ȩ̀nà shua abua Bèjuê bu bèa ntsèka ayɔɔ bòt kà wu Bèjuê la nê, bɔ̀ ka tsi nkùŋè mbɨ̧te Musì, bɔ̀ ka tsi nàŋe bɔ̧ bɔb, bɔ̀ ka tsi nkùŋè mènəè ndɨ̧ Bèjuê.

ÀfaꞋa 21:28

Bɔ baãaã atò ale, me ŋȩa shua nê, “Bòt Izəèlȩê, bɨ̀ tɨ̀ŋe awa. Eyaa wu mbê wu tàa ngȩ̀ȩ̀nà nyɨ̀Ꞌta bòt bàgème nê bòt Izəèlȩê, nè mbɨ̧te Musì, fɔ̀ɔ̀lè ne lob nɨ̧ Mbɔ̧ɔ̧mà a Jèlusalèm wu èghɨ aku la. Ye atò àfɨ̀Ꞌ yaa tà chɨɨmè nɨ bòt ko kà wu Bèjuê nyi a èbem lob nɨ̧ Mbɔ̧ɔ̧mà a Jèlusalèm tè ntsòkè lob ngaa la.”

1 Kɔlìn 1:18

Èngǎ̧ ànəa èvə Yesò Klistò a mbɨ̧̀ mbasa e wu mbɨ̀Ꞌɨ̀ èngǎ̧ àkèghɨ̧̀ abua bòt bu nyɔ la; ka è me wu abua ya wu bàa pèma la, ko wu mètàŋ Mbɔ̧ɔ̧mà.

1 Kɔlìn 1:23

È me wu awa ba me làꞋa ndɨ bɔ wu̧u̧te a Yesò Klistò a mbɨ̧̀ mbasa la, è wu ànəa èbèm lu̧u̧me abua Bèjuê, mè ngu àghɨ̧̀ɨ̧̀nè abua bòt kà wu Bèjuê la.

1 Kɔlìn 15:30

A wu ale ko lə yu ba yea ngoꞋ àfɨ̀Ꞌ àgème la wu ghà à?

Gàlashìà 2:3

Tȩtɔ̀s wu ba tò e li ngà nɔ̂ la li mbàte ngu wòt Glɨ̂k ale ka bɔ̀ ka lem ŋweele atò e ghɨ̌ bɔɔ naŋe tò mbɨ̀Ꞌɨ̀ taa tsiꞋi wòt Mbɔ̧ɔ̧mà.

Gàlashìà 3:1

Bɨ̀a bòt Gàlashìà bàa bɨ wu kwàꞋ èkèghɨ̧̀. Wàa chɨɨmè nɨ̀ èbə nɨŋ ngèble ètsə bɨ̧ nê bɨ̀ ka mbɨ̧̀ɨ̧̀ne nkûŋ à? Ka bɔ li ngàꞋte kwàꞋ a mbì lɨ̧ nyɨ̀Ꞌte ndɨ bɔ li ngù̧ù̧te Yesò Klistò a mbɨ̧̀ mbasa la à?

Gàlashìà 4:29

È li ngu àfɨꞋa mbɔŋ waã wu bɔ bi atò mbɨ̀Ꞌɨ̀ bɔ̀ɔ mbia beko la, me ghɨ̧̀ɨ̧̀ne wu bɔ li mbia atò ane Fo Mbɔ̧ɔ̧mà la. Eyaa bê ngu wuê ndɨ aà àfɨ̀Ꞌ yaa la.

Gàlashìà 6:12

Wu bòt bu bɔ̀ɔ nɨ̀a èghɨ nàbȩ̂ nkɨ enyɨꞋte nê bɔ ghe la ka nkɨ eŋwèèlè àwɨ̧ nê bɔ̀ naŋe awɨ̧ la. NdàꞋ lə bɔ ghɨ ale la wu mbɨ̀Ꞌɨ̀ bòt e me kɨ àtsə ayɔb enɨ nê bɔɔ̀ ndàꞋà ndɨ Yesò Klistò li mpfə a mbɨ̧̀ mbasa la.

Gàlashìà 6:17

Enɨ lìa, tsiꞋ è shu awɨ̧ nê, e bùꞋu àfɨ̀Ꞌ yaa me ghà ne mbì, wòt ka tsi ŋǎ am ngoꞋ, nkàà nê mâ bɔŋ èlȩê Yesò a mbɨ̧̀ yaã.