Gàlashìà 4:8 - Mundani

⁸ È li ngu àfɨꞋa kà bɨ zìꞋ nko a Mbɔ̧ɔ̧mà, bɨ me wùꞋtè èghɨ ko tsa kà wu bèmbɔ̧ɔ̧mà.

Gàlashìà 4:8 ပူးပေါင်းရင်းမြစ်များ

Jɔ̌n 1:10

Tòà wu, tà wu èngǎ̧ Mbɔ̧ɔ̧mà la, li ngu a sitsǎꞋ ka bòt sitsǎꞋ è ka ko atò, Mbɔ̧ɔ̧mà tsè ane tò ka ngɨ̀ sitsǎꞋ.

ÀfaꞋa 14:12

Mbɔ̂ ntsì èlen Bànabasì ane Ziyù è wu mbɔ̧ɔ̧mà kǒ la, ntsì è le Pɔ̂l ane Emès nkàà nê tà lè wu wòt tàa ndàꞋà èngǎ̧ wu la.

ÀfaꞋa 17:23

Nkàà nê mâ me ghȩ̀ȩ̀ne àpfəèà nɨ̧ yɨ̧ yaa è ndzè èdziꞋi bɨ̀a ngùꞋtà bèmbɔ̧̀ɔ̧̀mà la, ndze fɔ̀ɔ̀le alob kǒ bɔ shɨŋ adù̧ nê, ‘Alob Mbɔ̧ɔ̧mà kà ba ko atò.’ Mbɔ̧ɔ̧mà wu bɨ̀a nkùkta kà lem nko atò la, wu tòà wu è nkɨ shu awɨ̧ mènəè tò àfɨ̀Ꞌ yaa la.

Lûm 1:23

Bɔ sà ènɨ̧ Mbɔ̧ɔ̧mà wu tà wu ane àlia nè àlia la, ntsiꞋi me kukte wuê èghɨ bɔ̀ ghɨ̀ e efəə wɔ̀bȩ̂ nè banyaãbàꞋ, mèè nè banyà̧ bèa ntsèka e a èbem mèleb mè ntsèka aguŋ la.

Lûm 1:28

Ndɨ̀ wu bòt mbɔŋ e tu̧u̧ zì mèntɨ̧ɨ̧ mɔb ane mènəè nkûŋ mu nàa nyɨ̀Ꞌta wòt Mbɔ̧ɔ̧mà wu wùà la, Mbɔ̧ɔ̧mà sà àwɔb bɔ tsiꞋi zì mèntɨ̧ɨ̧ mɔb ane èbɨꞋte èghɨ àa ŋa àtsəa kɔꞋɔ la.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

1 Kɔlìn 12:2

Bɨ ko nê è li ngu àfɨꞋa kà bɨ̀ ko a Mbɔ̧ɔ̧mà, bɨ fà̧à̧tè èka bɨ̧ ane balu̧ nyaŋ, me kukte bèmbɔ̧ɔ̧mà bu bèa ka làꞋ la.

1 Kɔlìn 8:4

Ale, è me wu ànəa mànjɨa èghɨ bɔ nɨŋ njɨ̀a bènàmbəa la, ko baà ko nê, “Àghɨa ko a mbê ndâ ntsě mbɨ̀Ꞌɨ̀ nàmbəa,” mè nko nê, “Mbɔ̧ɔ̧mà nàà ndàꞋ wemɔ̀Ꞌ.”

Gàlashìà 4:3

Ale, bàambɔŋ e li ngu mbɨ̀Ꞌɨ̀ èbùꞋ, àfɨꞋa ba li mbèle bɔtechɨɨle la, me ghɨ̀ àghɨa èyo̧o̧te fotsə a ègwet te kɨa la.

Efesɔ̀s 4:18

ÀkwàꞋte àyɔb a kwene ndzěm. Bɔ bakà bɔ mèntsèke fi mu Mbɔ̧ɔ̧mà nàa ŋǎ abua bòt la, nkàà nê bɔɔ ngɨ̀à mèntɨ̧ɨ̧ mɔb kweelà, bɔ̀ ka ko àghɨ, bɔ̀ ka mê ngua nkɨ eyute ànəa Mbɔ̧ɔ̧mà shua la.

1 Tèsàlonikà 1:9

Bòt ngaa bàgème aà ndàꞋà ndɨ bɨ li mbà̧à̧ àwa àfɨ̀Ꞌ yu ba li nkɨ̀Ꞌɨ̂ emù àwɨ̧ la, mè shua ndɨ bɨ sà bènàmbəa bɨ̧, tè ntsìꞋa ntsàꞋtà wuê ngule Mbɔ̧ɔ̧mà yû̧ la.

1 Tèsàlonikà 4:5

Ko mbɨ̀Ꞌɨ̀ wòt me ghɔ̀Ꞌɔ akwen bèzi mbɨ̀Ꞌɨ̀ mbɨ̧̀ ènyit tò nàa nkɨà la. Bòt kà ko a Mbɔ̧ɔ̧mà ka bɔ̀ɔ ngɨ̀à ale la.

2 Tèsàlonikà 1:8

Tà kɨꞋa e ghɨ̌ bòt bu ka nɔ̀ŋe àdziꞋ abua Mbɔ̧ɔ̧mà a èbem mèntɨ̧ɨ̧ mɔb la aa ye ngoꞋ nkàà mènəè kàbɔ̀ŋ mɔb, nè èbu bɔ̀ɔ ka ghɨ mbɨ̀Ꞌɨ̀ Ntu̧ Ntsɔ̧̀ Yesò Lefɨ̀Ꞌ wa wu tà wu Tǎt wa la nàa shua la.

1 Pità 4:3

Bɨ li ntaꞋa tsoke àfɨ̀Ꞌ a màngɨa èghɨ bu bòt kà ko a Mbɔ̧ɔ̧mà àa ngɨ̀à la. Bɨ li ngua njɨ̀a mèpǎ̧ màpaꞋta àbɨ̧, mpfəa akwen èghɨ bu mbɨ̧te ènyit tɨ̧ tèa nkɨà la, mbea mèlùꞋ, ngɨ̀à àghɨa àgème èntɨ̧ɨ̧ wɨ̧ àa nkɨà la, mè nɨa èghɨ tsa ane bèmbɔ̧ɔ̧mà bɨ̧, è wu kwàꞋ àbɨꞋte ànəê la.

1 Jɔ̌n 3:1

Bɨ̀ ye èwuu èkɔŋ ko Tǎt wa Mbɔ̧ɔ̧mà bɔ ane ya la! Tà kɔ̀ŋkè àwa nyaŋ tè bɔ ntsiꞋa ntɔ awa ane bɔ̧ tò, ba bɔ mbê ngù bùà. Àghɨa a ghɨ̂ ka bòt ngɔ̀ŋ yaa è ka ko èwuu bòt bà wu bùà la, wu ndɨ̀ wu bɔ̀ bakà ko wòt Tǎt wa Mbɔ̧ɔ̧mà wu wùà la.