Gàlashìà 4:4 - Mundani

⁴ Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

Gàlashìà 4:4 ပူးပေါင်းရင်းမြစ်များ

Matìù 1:23

“Angɔ̧̀ kà ko mbâ̧ naa li kɔɔle, ebi wambâ̧, bɔɔ tsì èlen tò nê Manuà” (ngua shua nê, Mbɔ̧ɔ̧mà wu nè nà.)

Matìù 3:15

Yesò shu abua tò nê, “TsiꞋ à wu anè àfɨ̀Ꞌ yaa, nkàà nê ba nè e bɔ ndɨ bàa ghɨ̌ èghɨ ègème Mbɔ̧ɔ̧mà nàa nkɨà la.” Ale, Jɔ̌n bɨ̧ɨ̧ne.

Matìù 5:17

“Bɨ̀ ka mɨ̀ɨ̀tè nê e nkɨ̀Ꞌa ghɨ̌ bɨa waꞋa mbɨ̧te Musì nè èghɨ bèndàꞋàtɔŋ Mbɔ̧ɔ̧mà e li shu la. È nka kɨꞋa ghɨ̌ bɨa waꞋa èghɨ mbɔŋ, e nkɨ̀Ꞌa ghɨ̌ aa wu nkûŋ.

Ntu̧ Ntsɔ̧̀ MAK 1:15

shua nê “Ngule àfɨ̀Ꞌ yu a kùꞋ. Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧. Bɨ̀ waꞋa mènəè kàbɔ̀ŋ mɨ̧, mbɨ̧̀ɨ̧̀ne Ntu̧ Ntsɔ̧̀.”

Lûk 1:31

Aa kɔɔle lɔ̀Ꞌɔ bi wambâ̧ e tsì èlen tò ane Yesò.

Lûk 1:35

Wantu̧ wu bɨ̀ɨ̀lè nê, “Fo Kèfə naa wu ne nè, aa kɔɔle waã ane mètàŋ Mbɔ̧ɔ̧mà, ebi. Bɔɔ li tɔ waã wu ane waã tà dzəè abua Mbɔ̧ɔ̧mà la, e mě tɔ atò ane Waã Mbɔ̧ɔ̧mà.

Lûk 2:7

Màlià bi waã mbi vi, wambâ̧. Bɔ lèbte atò a èbem ndǐtsə mbɔ̂ nɔ̀ŋè atò a èbem èpfəêꞋ àdziꞋa bɔ̀ɔ njɨ̀a njɨ̀tsə la, nkàà nê àdziꞋ a li à ka wuê a èbem lob bègɨ̧̀ àa nkɨ̀Ꞌa ntsèka la, bɔɔ tseke.

Lûk 20:44

Fɔ̧̀ Dàbid wu tɔ atò ane tǎt vi, tà ghɨ̀ na ka ntsiꞋi wòt àndǎ̧ Dàbid à?”

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 10:36

BetsiꞋa bɨ shu nê wòt wu Mbɔ̧ɔ̧mà lȩ̀ ntsaa a sitsǎꞋ ŋaà la nàà fɨ̀Ꞌnà àvi ane Mbɔ̧ɔ̧mà na mâ laꞋnê e ngu Waã tò la à?

Jɔ̌n 3:16

Mbɔ̧ɔ̧mà li nkɔ̀ŋkè bòt ngɔ̀ŋ yaa kwàꞋ ànyaꞋne kwat tè ŋǎ ndàꞋà Waã vi nê waa waa tà zi èntɨ̧ɨ̧ vi ane tò la ka nyɔa, taa bɔ mèmpème kàlìà.

Jɔ̌n 6:38

È nka chua a ègwet e ghɨ̀ àghɨa èntɨ̧ɨ̧ am àa nkɨà la; e nkɨ̀Ꞌa e ghɨ̀ àghɨa wòt tà tsàà am la nàa nkɨà la.

Jɔ̌n 8:42

Yesò mè shu abua yɔb nê, “Mbɔ̧ɔ̧mà ghɨ̀ ale ndâ ngu tǎt wɨ̧, ko bɨa nkɔ̀ŋkè am, nkàà nê e dzəè abua tò ka nkɨ̀Ꞌɨ̂, è nka kɨꞋɨ àtsə am mmɔ̌ mbɔŋ, tòà ka tà tsàà am la.

ÀfaꞋa 1:7

Yesò tsɔ̀Ꞌɔ èngǎ̧ wɔb nê, “Wu Tǎt am zìambɔŋ ka tàa nyɨꞋte àfɨꞋa èghɨ bàa àa li me ghɨ̀ la. BetsiꞋa bɨ̀ ka koê.

Lûm 1:3

Ntu̧ Ntsɔ̧̀ Mbɔ̧ɔ̧mà wua ndàꞋà ànəa Waã tò wu bɔ le mbi mbɨ̀Ꞌɨ̀ wɔ̀bȩ̂ a èbem àndǎ̧ a fɔ̧̀ Dàbid la.

Lûm 15:8

Maà nkɨà bɨa ku̧u̧te nê Yesò Klistò li ntsìꞋi wɔ̀fàꞋ abua Bèjuê ale, nɨŋ nyɨ̀Ꞌte nê Mbɔ̧ɔ̧mà wu wòt nkûŋ ane àghɨa tà li nkàꞋ bètǎt nyaꞋ ba la.

Lûm 5:6

È li ngu àfɨꞋa bàà bele ka bɔ ètɨŋe la, Yesò Klistò è kɨ̀Ꞌɨ̂ kwàꞋ àfɨ̀Ꞌ yu Mbɔ̧ɔ̧mà li nɔ̀ŋè la, mpfə ambo bòt kàbɔ̀ŋ.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

Lûm 9:5

Bɔ mè dzəè àndǎ̧ Abàlàghâm bɔ̂ Asàk nè Jàkɔ̂b. Wu àndǎ̧ bɔ̀ li mbi a Fɔ̧̀ wu Mbɔ̧ɔ̧mà yɔꞋ ntsà mbɨ̀Ꞌɨ̀ wɔ̀bȩ̂ la. Tà wu Mbɔ̧ɔ̧mà wu tà wu a ègwet àghɨa àgème la. MèngùꞋte wu ane èlen to ane àlia nè àlia. Àmèn.

Efesɔ̀s 1:10

Tà li ngua ntàŋka nê àfɨꞋa ngaa aa ghɨ̌ nkùꞋ ye fète èghɨ ègème è wu a ègwet nè sitsǎꞋ la ndzi a èten Yesò Klistò.

Kɔ̀losìà 2:14

Tà lè saãaãtè àkatè njû ta tu ba li mbɔ̌ ndɨ bàa tsə nkàà nê ba pààte mbɨ̧te Mbɔ̧ɔ̧mà la. Bɔ li ngù̧ù̧te a Yesò a mbɨ̧̀ mbasa nko nê ànəa njû ta tu a mî, tè tè ka tsi mbɔ̀ mètàŋ a ègwet la.

1 Tɔ̀màtià 2:6

Tà li ŋà àtsəa azi nɨŋ ngɨ̀ bòt bàgème e pem. Àyaa a li ngɨ̀ àfɨꞋa ntsɔ̧̀ nɨŋ nyɨ̀Ꞌte nê, Mbɔ̧ɔ̧mà nàà nkɨ etsǐ wòt ègème a èbem mènəè kàbɔ̀ŋ tò.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

Ebùlù 2:14

Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

Ebùlù 9:10

Èghɨ mbɔŋ e wu wuê ane èghɨjɨ nè èghɨ bɔ̀ɔ nu la, nè balu̧ bòt àa nɨa shùà ènyit mbɨ̀Ꞌɨ̀ lèsɔ̀t la. Èghɨ baa wu mbɨ̧te nàbȩ̂ tèa me fàꞋà te egha wu àfɨꞋa Mbɔ̧ɔ̧mà nàa ghɨ̌ àghɨa àgème aa tsiꞋi ayea fi la.

1 Jɔ̌n 4:14

Bàa mbɔŋ e ye mè me làꞋa è shua bòt nê, Tǎt wa Mbɔ̧ɔ̧mà li ntsàà Waã vi mbɨ̀Ꞌɨ̀ Mpemnà bòt ngɔ̀ŋ.

1 Jɔ̌n 4:2

Àghɨa àa ghɨ̌ bɨa ko nê fo yu ane wòt la wu ye Mbɔ̧ɔ̧mà la wu nê, waa waa tà bɨ̧ɨ̧nè mè me shu ane ètsəê vi nê, Yesò Klistò li ntsìꞋi wɔ̀bȩ̂ la, bɨ ko nê fo yu ane ŋut la wu ye Mbɔ̧ɔ̧mà.