Gàlashìà 4:17 - Mundani

¹⁷ Bòt ko bu aà ndzìà èntɨ̧ɨ̧ ane yɨ̧ ka è kà lem ngu ane ntsɔ̧̀. Àghɨa bɔ kɨà la wu a mà ntsì àwɨ̧ ane yaã mbɨ̀Ꞌɨ̀ bɨa tsiꞋi me zì àwɨ̧ ane yɔb.

Gàlashìà 4:17 ပူးပေါင်းရင်းမြစ်များ

Matìù 23:15

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ̀ wu àghɨa kà wu yùà la! Bɨ̀a ngɨ̀ bɨ ntu̧ mèdzî, ntsè èlaꞋ mbɨ̀Ꞌɨ̀ bɨ̀ wuê e ghɨ̌ ka wuê wòt wemɔ̀Ꞌ naa kùŋe a Mbɔ̧ɔ̧mà ane wɨ̧ ne alu̧. Bɨ̀ bɔ bɨ̀ ghɨ̀ ale, bɨ tsoke a ŋut kwat tè tà mè mbɨɨ tê ntsiꞋi èwe tàa bɨ̌ nyi a èwet Satàn a mbì lɨ̧ la.

Lûm 10:2

BetsiꞋa e ndàꞋa nkûŋ ane ànəa yɔb nê bɔ batè ndâ mbɔ̂ èntɨ̧ɨ̧ a mànkuŋa Mbɔ̧ɔ̧mà, ka bɔ̀ ka ko ntsɔ̧̀ ndɨ bɔ wu me kùŋe atò la.

Lûm 16:18

Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

1 Kɔlìn 11:2

Maà ngùꞋtà wɨ̧ nkàà nê bɨa ntsèka nkù̧ù̧ta am ane àghɨ àgème e ndi ngua ngɨ̀à mè nyɨ̀Ꞌta la, mè me nɔ̀ŋè mènəè mu e ndi ndzi a tèkitebu tɨ̧ la.

1 Kɔlìn 4:18

ÀbəèꞋ àyɨ̧ aa ŋèꞋa tèkwȩ tɔb a ègwet mɨ̀ɨ̀tà nê è nka kɨꞋɨ e ye awɨ̧ a.

1 Kɔlìn 4:8

Bɨ bɔ èghɨ ègème bɨ̀a nkɨà la tê ndɔ̀Ꞌ! Bɨ jandèlè tè ndɔ̀Ꞌ? Ba ntsě àghɨ, ka bɨ tsiꞋi bèfɔ̧̀. A ghɨ̂ à ka ngu nê bɨ wu ndaŋa bèfɔ̧̀, ko baa wu bèfɔ̧̀ ba nɨ̧̀ ba.

2 Kɔlìn 11:3

Maà mbɔ̀ɔ nê bòt ko aa fɨte awɨ̧ mbɨ̀Ꞌɨ̀ Satàn nyà̧kàbɔ̀ŋ li nɨ̀ àŋɔꞋte fɨ̀te a Ive la, etsòkè ètsə bɨ̧, bɨa baka tsi ŋà wɨ̧ nè èntɨ̧ɨ̧ wemɔꞋ abua Yesò Klistò.

Gàlashìà 4:16

Tè maa anè ntsìꞋi wɔ̀mbù̧ wɨ̧ na mâ làꞋa nkûŋ abua yɨ̧ la à?

Gàlashìà 4:18

Aà mbɔ̀ a mà nda ezǐ èntɨ̧ɨ̧ ane ànəê na e wu ane ntsɔ̧̀ la àfɨꞋa àgème, è ka ngu wuê àfɨꞋa è ngu ba nɨ̧̀ ba la.

Filìpȩ 2:21

Bòt ko nyaŋ mâ ye la bɔɔ ndzəèa wuê mɔb nè mènəè, wòt kà wuê ane yɔb tàa nkwàꞋtà ànəa Yesò Klistò la.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.