Gàlashìà 4:15 - Mundani

¹⁵ Bɨ li ngùꞋtè àwɨ̧ ale eghǎ tseke tè ngɨ̀ à? Mâ bê ndâ nko nê è lè ghɨ̂ ale nguê àghɨa betsiꞋa wɔ̀bȩ̂ koê ngɨ̀ la ko bɨ tsɔꞋte àghɨ ayɨ̧ ŋa abua am.

Gàlashìà 4:15 ပူးပေါင်းရင်းမြစ်များ

Lûk 8:13

Èsaãaãme wu e kwente a ègwet èwu la e wua nyɨ̀Ꞌtà bòt bu bɔ zə èngà̧ wu, mbê mbɨ̧̀ɨ̧̀ne nè mèngùꞋte, ka bɔ kà zi èntɨ̧ɨ̧ wɔb adù̧, è ka tseke ane àfɨ̀Ꞌ à seè la. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngà̧ mbɔŋ la leꞋ, bɔ bê ntû̧ wùà.

Lûm 10:2

BetsiꞋa e ndàꞋa nkûŋ ane ànəa yɔb nê bɔ batè ndâ mbɔ̂ èntɨ̧ɨ̧ a mànkuŋa Mbɔ̧ɔ̧mà, ka bɔ̀ ka ko ntsɔ̧̀ ndɨ bɔ wu me kùŋe atò la.

Lûm 15:13

Maà ntsàꞋta Mbɔ̧ɔ̧mà wu tàa ngɨ̀à bòt e chɨ̀Ꞌà àghɨa tà kàꞋà la nê, tà ghɨa Fo Kèfə ghɨa mèntɨ̧ɨ̧ mɨ̧ mu bɨ zi ane tò la lu̧u̧ nê mèngùꞋte nè àlàŋkè.

Lûm 5:2

Ndɨ̀ wu bàa zì mèntɨ̧ɨ̧ ma ane Yesò la, tà ghɨ̂ ba ye a ntsɔ̧̀ Mbɔ̧ɔ̧mà wu bàà wu a èbèm àfɨ̀Ꞌ yaa la. Ba wu ane mèngùꞋte nkàà nê bàa ko nê baa li wu ne Mbɔ̧ɔ̧mà a èbem ènɨ̧ tò.

Lûm 9:3

Ndɔ̀ Mbɔ̧ɔ̧mà ghɨ ale nɔ̀ŋke a ègwet laã, tè ntsì am ane Yesò Klistò mbɨ̀Ꞌɨ̀ e ghɨ̌ bɔnyɨ bɔ̧ bu, è wu bòt àndà̧ bɔ̧ la aa peme, ko a bakà bɨ am.

2 Kɔlìn 8:3

TsiꞋ è shu awɨ̧ nkûŋ nê, bɔ li ŋà àghɨa betsiꞋa bɔ ko eŋa la tè mè ntsè fɔɔle ale, kà wòt wu̧u̧ awɔb,

Gàlashìà 3:14

Yesò Klistò li ngɨ̀ àyaa anè mbɨ̀Ꞌɨ̀ e ghɨ̌ èlɔ̂t wu Mbɔ̧ɔ̧mà li nkaꞋa Abàlàghâm la aa tsě ane tò e kɨꞋɨ abua bòt kà ko a Mbɔ̧ɔ̧mà. A li ngu ane mbɨ̀Ꞌɨ̀ e ghɨ̌ èntɨ̧ɨ̧ wu ba zi ane Yesò la aa ghɨ baa bɔ Fo yu tà li nkàꞋ la.

Gàlashìà 4:14

Ànəa àghɔ̧ am a li mbatê nkwèèle awɨ̧ ka bɨ̀ ka lem nyàŋke am, bɨ̀ ka fəè am. Bɨ li nɨ am mbɨ̀Ꞌɨ̀ wantu̧ Mbɔ̧ɔ̧mà, mbɨ̀Ꞌɨ̀ Yesò Klistò.

Gàlashìà 4:16

Tè maa anè ntsìꞋi wɔ̀mbù̧ wɨ̧ na mâ làꞋa nkûŋ abua yɨ̧ la à?

Gàlashìà 4:19

Bɔ̧ bɔ̧, ànəa yɨ̧ aà saa am mbɨ̀Ꞌɨ̀ àvi nàa ngɨ̀ tà me lu̧u̧te nkɨ ebi la te eghǎ e wu àfɨꞋa bɔ̀ɔ ye nê Yesò Klistò naa ane mèntsèke mɨ̧ la.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Gàlashìà 6:4

Ka waa waa saꞋa vi ndze nê kò mènəè mi kùꞋu e me yèa me ŋeꞋe tèkwȩ ti a ègwet la leꞋ. Tà ka me fɨ̀Ꞌnè àvi ane wòt kǒ tsa.

Kɔ̀losìà 4:13

Mmɔ̌ mbɔŋ mâ ye ndɨ tà lâ fàꞋ a màntɨŋa wɨ̧ bɨ bòt bu a Làoêdisìà la, nè èbu a Èlapolìs la.

1 Tèsàlonikà 2:8

Ba li ngua nkɔ̀ŋkà àwɨ̧ nyaŋ tè bà ka wua nkɨ etsɔ̀tè wuê ndàꞋ Ntu̧ Ntsɔ̧̀ yu è dzəè abua Mbɔ̧ɔ̧mà la abua yɨ̧. Ba li ŋà àwa nènkèm abua yɨ̧, nkàà nê bɨ li ndâ ngu a mèntɨ̧ɨ̧ ma.

1 Tèsàlonikà 5:13

Bɨ̀ la me kukte awɔb mè nkɔ̀ŋkà àwɔb ntsɔ̧̀ ane àfàꞋ yu bɔ̀ɔ fàꞋà la. Bɨ̀a mbɔŋ è me tseke ane àlàŋkè bɨ bɔnyɨ bɨ̧.