Gàlashìà 3:20 - Mundani

²⁰ Bɔ̀ɔ ngɨ̀ bɔ̀ me laꞋnê wòt wu a kètsìà, a wu nê tà wu a kètsìà bòt babe, ka è me wu mènkàꞋa mu ko Mbɔ̧ɔ̧mà li nkàꞋ zìa ndziꞋne.

Gàlashìà 3:20 ပူးပေါင်းရင်းမြစ်များ

ÀfaꞋa 12:20

Elɔ̀d li taꞋa tsoo ane bòt Tȩê nè Sidɔ̀n. Ale, bɔ gha ane ènɔ̧̂ nê bɔ gha eye atò. Bɔ me bùꞋu, mbɨ̀ ngɨ̀ Blatùs wu tà wù àtsəa ntɔꞋ la ye nè nɔ̀b, bɔ ghà abua Elɔ̀d nê bɔ̂ tò ba è làŋkè laŋke, nkàà na àlaꞋ ayɔb àa nɨ̀a èghɨjɨ ne abua bòt àlaꞋ a Elɔ̀d la.

Gàlashìà 3:17

E ngua anè shua nê Mbɔ̧ɔ̧mà li ngɨ̀ mènkàꞋa kèkweelè mi, mbɔ̂ nê yea ghɨ mbɨ̀Ꞌɨ̀ ye shu la. Ndɨ̀ wu èngùꞋebȩ ènkɨ̀ yekwì nè èghem yetat e li ntsè ka mbɨ̧ tu te kɨꞋɨ̀ la betsiꞋa tè ka tsokè mènkàꞋa kèkweelè mu, eliime ànəa Mbɔ̧ɔ̧mà li nkàꞋ la.

1 Tɔ̀màtià 2:5

Aa ale nkàà nê Mbɔ̧ɔ̧mà nàà wemɔ̀Ꞌ, wòt tàa ntsəèꞋna àyɔ̀ŋ a kètsìà Mbɔ̧ɔ̧mà bɔ̂ bɔbȩ la mè ngu wemɔ̀Ꞌ. Ŋut wu Yesò Klistò à.

Ebùlù 12:24

Bɨ kɨꞋɨ abua Yesò wu tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi mi la. Wu tòà wu àlo̧ atò yu bɔ li mìì la a tɨ̧ɨ̧ ane ànəa èghɨ ntsɔ̧̀ tè tsè àyea Abèl la.

Ebùlù 8:6

Ka mbɨ̀Ꞌɨ̀ ndɨ àa la, àfaꞋa Mbɔ̧ɔ̧mà ŋa abua Yesò Klistò la a taꞋa tsè àyɔb, wuê mbɨ̀Ꞌɨ̀ mènkàꞋa kèkweelè mu Yesò tɨ̧ɨ̧ a kètsìà adù̧ la è tsě e me nyǎꞋ la. MènkàꞋa màà wu adù̧ ngule èghɨ ntsɔ̧̀ bu bɔbȩ àa li bɔ bùà la.

Ebùlù 9:15

Ale, Yesò wu wòt tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi, mbɨ̀Ꞌɨ̀ bòt bu bɔ̀ tsiꞋi e be Mbɔ̧ɔ̧mà la, aa ye a ntsɔ̧̀ Mbɔ̧ɔ̧mà ane àlia nè àlia, mbɨ̀Ꞌɨ̀ tà kàꞋà la. BetsiꞋa àyaa a wu ale nkàà nê, Yesò Klistò li ŋà àtsəa zi mbɨ̀Ꞌɨ̀ e ghɨ̌ bòt aa peme ane mènəè kàbɔ̀ŋ mu bɔ li ngua ngɨ̀a àfɨꞋa bɔ li mbèle a èten mènkàꞋa kèkweelè mu Mbɔ̧ɔ̧mà li ngɨ a mbì la.