Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gàlashìà 3:19 - Mundani

19 Mbɨ̀Ꞌɨ̀ àa anè la, àfaꞋa mbɨ̧tsə mèe ngu ghà à? Mbɔ̧ɔ̧mà li ŋa mbɨ̧tsə e nɨ nyɨꞋte awa àghɨa kàbɔ̀ŋ wu yùà la tè tea tsiꞋi lìa àfɨꞋa waã wu Mbɔ̧ɔ̧mà li nkàꞋ ànəê yu abua tò la è kɨꞋɨ la. Bɔntu̧ Mbɔ̧ɔ̧mà e li ntsè ane wòt tà tɨ̧ a kètsìà la ŋa mbɨ̧te mbɔŋ abua bɔbȩ.

အခန်းကိုကြည့်ပါ။ ကော်ပီ




Gàlashìà 3:19
31 ပူးပေါင်းရင်းမြစ်များ  

“Abàlàghâm tsɔꞋɔ èngǎ̧ tò nê, ‘Bɔ bakà bɨ̧̀ɨ̧̀ne mènəè Musì bɔ̂ bèndàꞋàtɔŋ Mbɔ̧ɔ̧mà e shu la, ko wòt màà ndɔ̀Ꞌ adzìꞋa bèmpfəà nkɨ̀Ꞌâ è shu ànəê àko abua yɔb, ko bɔ̀ ka bɨ̧ɨ̧ne a.’ ”


È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.


Mâ ghɨ̀ ale, è nka kɨꞋɨ elaꞋa abua yɔb, ko bɔ bakà ko laꞋ nê bɔ wu bòt kàbɔ̀ŋ, ka nè àfɨ̀Ꞌ yaa betsiꞋa bɔ ka tsi nkoê shu nê, àghɨa bɔ ghɨ̀ la ntsě kàbɔ̀ŋ.


Wu Musì mbɔŋ tà li ngu bɔ̂ bòt Izəèlȩê àfɨ̀Ꞌ yu bɔ li ngu ane ènɔ̧̂ àbâ àlaꞋ àyuube la. Tà li ngua abot və bɔ̂ bètǎt nyaꞋ ba, nè wantu̧ Mbɔ̧ɔ̧mà wu tà li ndàꞋà abua tò àfɨ̀Ꞌ yu tà li ngu a ègwet Èbȩ Sinȩ̀ la. Tà li ndzəâ ntu̧u̧te mèmpème kàlìà abua Mbɔ̧ɔ̧mà mbɨ̀Ꞌɨ̀ esǎ abua ya.


Wu bɨ̀a bɨ ko mbɨ̧te Mbɔ̧ɔ̧mà, mbɨ̀Ꞌɨ̀ bɔntu̧ tò e li ŋǎ abua yɨ̧ la, ka bɨ̀ ka wua fàꞋà mbɨ̀Ꞌɨ̀ mbɨ̧te mbɔŋ te nyɨꞋte la.”


È ntsě bòt bu bɔ̀ɔ ndzəa mènəè mu mbɨ̧ Musì nàa shua la ka bɔ̂ kùꞋu e mbì Mbɔ̧ɔ̧mà la, wu bòt bu bɔ̀ɔ ngɨ̀à àghɨa mbɨ̧ mbɔŋ shua la. Wu bɔ̀ɔ̀ba ka bɔ tɨ̧ɨ̧ ndɨŋndɨ̀ŋ a mbì tò la.


Wòt nàa ngɨ̀ tà ba ka ghɨ àghɨa mbɨ̧ kɨa la, ntsǒ Mbɔ̧ɔ̧mà nɔ̀ŋkè adù̧ tò, ka wòt kà wua mpààtà mbɨ̧ adzìꞋa kà mbɨ̧ wuê.


Mbɔ̧ɔ̧mà li ndɔ̀Ꞌ nkàꞋ mènəè mi abua Abàlàghâm bɔ̂ wòt àndà̧ vi. Èngǎ̧ Mbɔ̧ɔ̧mà e bakà laꞋnê, tà li nkàꞋ mènəè “Abua bɔbȩ”, è wu bòt nyaŋ la, ka e shu wuê nê, “Abua waã wê”, ngua ndàꞋà ànəa wòt wemɔ̀Ꞌ, è wu Yesò Klistò la.


Èngà̧ wu bɔntu̧ Mbɔ̧ɔ̧mà e li ndàꞋ tê àfɨꞋa Musì la, e li ndâ ngua nkwèèla tè wòt ègème tà tu̧u̧ e ghɨ̀ àghɨa e shua la bɔ ngoꞋ è kuꞋu ane àghɨa tà ghɨ̀ la.


Mbɔ̧ɔ̧mà li tà kà laꞋnê ngɔ̀ŋ fi yu nga ekɨꞋɨ la naa wu a èten bɔntu̧ bi. Ngɔ̀ŋ yaa wu mèntsèke fi mu bà wua ndàꞋà ànəa mùà la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ