Gàlashìà 3:16 - Mundani

¹⁶ Mbɔ̧ɔ̧mà li ndɔ̀Ꞌ nkàꞋ mènəè mi abua Abàlàghâm bɔ̂ wòt àndà̧ vi. Èngǎ̧ Mbɔ̧ɔ̧mà e bakà laꞋnê, tà li nkàꞋ mènəè “Abua bɔbȩ”, è wu bòt nyaŋ la, ka e shu wuê nê, “Abua waã wê”, ngua ndàꞋà ànəa wòt wemɔ̀Ꞌ, è wu Yesò Klistò la.

Gàlashìà 3:16 ပူးပေါင်းရင်းမြစ်များ

Matìù 1:1

Eyaa wu bètǎt nyaꞋ Yesò Klistò wu tà lè wu wòt ləlob Fɔ̧̀ Dàbid wu tà li ngu wòt ləlob Abàlàghâm la.

Lûk 1:55

Tà ku̧u̧tè enyɨꞋte tèsȩ ti ane Abàlàghâm e ghǎ dzəâ ane àndǎ̧ tò àgème kà ye ndìa.”

ÀfaꞋa 3:25

Mbɔ̧ɔ̧mà li ngɨ̀ bèndàꞋàtɔŋ bi e kàꞋà mènəè abua yɨ̧. Tà li ngɨ̀ mènkàꞋa kèkweelè bɔ̂ bètǎt nyaꞋ bɨ̧ nkàà àwɨ̧. Tà li shu abua Abàlàghâm nê, ‘Maa li tsě ane bòt àndà̧ yê elɔ̀ɔ̀le bòt sitsǎꞋ bàgème.’

Lûm 12:5

Eyaa wu ndɨ bàa batè ngu nyaŋ ale, ka ngu mbɨ̧̀ ènyit yemɔ̀Ꞌ ndɨ̀ wu bàa tsiꞋi àghɨ yeamɔꞋ nè Yesò Klistò la, mè fɔte nè bɔnyɨ ba mbɨ̀Ꞌɨ̀ èdziꞋ tsa tsa ane mbɨ̧̀ ènyit yemɔ̀Ꞌ la.

Lûm 4:13

Mbɔ̧ɔ̧mà li nkàꞋa Abàlàghâm nè wòt ègème bɔ̀ɔ̀ li bi atò àndǎ̧ tò la, nê ngɔ̀ŋ naa wu yɔb, mbɔ̂ ngɨ̀ mbɨ̀Ꞌɨ̀ tà shu la, ka tà kà wua ngɨ̀à nkàà nê Abàlàghâm li ngua nɔ̀ŋà mbɨ̧. Tà li ngɨ̀ ale nkàà nê Abàlàghâm li ndzì èntɨ̧ɨ̧ vi ane tò, Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la.

Lûm 4:16

Mbɔ̧ɔ̧mà li ngɨ̀ ale mbɨ̀Ꞌɨ̀ wòt zì èntɨ̧ɨ̧ vi ane Mbɔ̧ɔ̧mà ka tà bɔ̀ àghɨa tà li nkàꞋ la, mbɨ̀Ꞌɨ̀ mě nyɨꞋte nê tàa nɨa a ntsɔ̧̀ vi ka ŋa àghɨa tà kàꞋà la abua wòt ègème tà dzə àndǎ̧ Abàlàghâm la. Àyaa a ntsě wuê abua bòt bu bɔ̀ɔ nɔ̀ŋà mbɨ̧ la, a wu abua bòt bu bɔ zi mèntɨ̧ɨ̧ mɔb ane Mbɔ̧ɔ̧mà la mɨ̧̂, mbɨ̀Ꞌɨ̀ Abàlàghâm li ndzì è vi la. Abàlàghâm wu tǎt bòt Mbɔ̧ɔ̧mà bàgème,

Lûm 9:4

Wu bòt Izəèlȩê, Mbɔ̧ɔ̧mà nɨ awɔb ane bɔ̧ bi la. Tà li nyɨ̀Ꞌte awɔb ènɨ̧ vi, ngɨ̀ mènkàꞋa kèkweelè mi bɔ̂ tò ba a ngo̧ a ngò̧, ŋa mbɨ̧ zi abua yɔb, nyɨ̀Ꞌte awɔb ndɨ bɔ̀ɔ me wùꞋtè àvi la, mè nkàꞋ àwɔb èghɨ nyaŋ.

1 Kɔlìn 12:12

BetsiꞋa bɔ fɨ̀Ꞌnè èwuu mèghàb maa ane mbɨ̧̀ ènyit è bɔ èdziꞋ ènyit nyaŋ la. È batè mbɔ̀ èdziꞋi ènyit nyaŋ ale, mbɔ̂ mbèle wuê mbɨ̧̀ ènyit yemɔ̀Ꞌ, wu wuê ndɨ mbɨ̧̀ ènyit Yesò Klistò nàa la.

1 Kɔlìn 12:27

Bɨ̀agème bɨ wu mbɨ̧̀ ènyit Yesò Klistò, waa waa ane yɨ̧ wu àdziꞋa ènyit adù̧.

2 Kɔlìn 11:22

Bɨ̀ zə! Bɔ me shu nê bɔ wu bèlèkɔꞋasi bòt Ebùlù, ko e ngu àyaã wekǒ mɨ̧̂, me shu nê bɔ wu bòt Izəèlȩê, ko e ngu àyaã wekǒ mɨ̧̂, mè me shu nê bɔ wu bòt àndǎ̧ Abàlàghâm, ko e ngu àyaã wekǒ mɨ̧̂.

Gàlashìà 3:19

Mbɨ̀Ꞌɨ̀ àa anè la, àfaꞋa mbɨ̧tsə mèe ngu ghà à? Mbɔ̧ɔ̧mà li ŋa mbɨ̧tsə e nɨ nyɨꞋte awa àghɨa kàbɔ̀ŋ wu yùà la tè tea tsiꞋi lìa àfɨꞋa waã wu Mbɔ̧ɔ̧mà li nkàꞋ ànəê yu abua tò la è kɨꞋɨ la. Bɔntu̧ Mbɔ̧ɔ̧mà e li ntsè ane wòt tà tɨ̧ a kètsìà la ŋa mbɨ̧te mbɔŋ abua bɔbȩ.

Gàlashìà 3:8

Bɔ li ndɔ̀Ꞌ shu a èbem Àkata Mbɔ̧ɔ̧mà nê, Mbɔ̧ɔ̧mà naa li ghɨ̌ bòt kà wu Bèjuê aa tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wɔb bɔ zi ane tò la. Ale, tà bèle àfɨꞋa tsa ntsɔ̀tè Ntu̧ Ntsɔ̧̀ zi abua Abàlàghâm nê, “ÈlaꞋ ègème aa li eghǎ ambo yè ebɔ èlɔ̂t.”

Efesɔ̀s 5:32

Bɔ ghaꞋa taꞋà nkûŋ shu a èbem èngà̧ waa, mâ ko nê e wua ndàꞋà ànəa Yesò Klistò bɔ̂ chɔsì.

Kɔ̀losìà 2:19

Ŋut nàà kà tsi ndzəèa Yesò wu tà wu àtsəa ènyit yu è wu bòt Mbɔ̧ɔ̧mà la. Wu Yesò Klistò ka tàa ngɨ̀à ènyit mbɔŋ e bɔ èghɨjɨ, mè ngɨ̀à èdziꞋ ènyit ègème e tsəꞋnà ngua mbɨ̧̀ yemɔ̀Ꞌ, ale ngɨ̀à è tsəa ndɨ Mbɔ̧ɔ̧mà nàa nkɨà nê è me tsə la.

Kɔ̀losìà 3:11

Mbɔ̧ɔ̧mà ghɨ a èlɨ̀ waa ale, Bèjuê è ka tsi ngu tsa, bòt kà wu Bèjuê aa wu tsa. Bòt bɔ naŋè àwɔb la è ka wu tsa, èbe kà bɔ naŋè àwɔb aa wu tsa. Bòt Sintìà è ka mê ngu tsa, bòt tèbemtebàꞋ aa wu tsa, èbùꞋ è ka wu tsa, bòt kà wu èbùꞋ aa wu tsa. Wòt bɔ yea àfɨ̀Ꞌ yaa la wu ndàꞋ Yesò Klistò, è mè ngu tòà tà wu ane yɨ̧ bɨ̀agème la.