Gàlashìà 2:4 - Mundani

⁴ Ànəa mbɔŋ a li me lɔ̀Ꞌɔ a si ale ngu ndɨ bòt ko bɔ̀ɔ fɨ̀ta nê bɔ wu bòt Yesò la e li ndzɨ̧̀ɨ̧̀ma nyi ayɔɔ ya, me tsɔ ndɨ̀ŋkà mbɨ̀Ꞌɨ̀ eye ndɨ ba zì mèntɨ̧ɨ̧ ma ane Yesò Klistò ale bà ka tsi ngu èbùꞋ la, e mèe ghɨ̌ baa tsiꞋi èbùꞋ.

Gàlashìà 2:4 ပူးပေါင်းရင်းမြစ်များ

Lûk 5:38

ChaꞋ bɔ̀ɔ ndzìà mèlùꞋ fi wuê a èbem ètetuꞋ gùbnyà̧ è fi.

ÀfaꞋa 15:1

Bòt ko e li ndɔ̀Ꞌɔ àlaꞋ a Jùdià nkɨ̀Ꞌɨ̂ a Antìɔ̀k me nyɨꞋte bɔnyɨ ba ko bu nê, “Bɔ bakà naŋe wòt mbɨ̀Ꞌɨ̀ mbɨ̧te Musì tèa nyɨ̀Ꞌta la, Mbɔ̧ɔ̧mà kà nɨa ŋut ane wòt vi.”

ÀfaꞋa 15:24

Ba zə nê bòt ko e li ndzə ayɔɔ aya kà ba tu̧u̧ awɔb nkɨ̀Ꞌɨ̂ ndàꞋà èbɨꞋte mèngǎ̧ kǒ nɨŋ ntsòkè mèntɨ̧ɨ̧ mɨ̧.

ÀfaꞋa 20:30

Àfɨ̀Ꞌ àko aa li nkùꞋ, bòt ko e lɔ̀Ꞌɔ a kètsìà wɨ̧ fɨte mènəè è shu mbɨ̀Ꞌɨ̀ etsòkè àtsəa bɔkatè Yesò bu.

Lûm 8:15

Fo yu Mbɔ̧ɔ̧mà li ŋa abua yɨ̧ la bakà ghɨ awɨ̧ ane èbùꞋ, e ghɨ̌ bɨa me bɔa, ka tà ŋa awɨ̧ Fo è ghɨ̌ bɨ tsiꞋi bɔ̧ tò la. Eyaa wu lə bàa ngɨ̀ bàà dɨa bà tɔ Mbɔ̧ɔ̧mà, baa nê, “Tè leꞋ! Tǎt wa leꞋ!”

2 Kɔlìn 11:13

Èwuu bòt mbɔŋ ntsě ngule bɔntu̧ Yesò. Bɔɔ nɨa àfàꞋ àyɔb mvəèəlà àghɨ a bòt nkɨà bɔɔ me mɨ̀ɨ̀te nê awɔb tsàà Yesò Klistò.

2 Kɔlìn 11:17

Ànəê ya e ndàꞋà la ntsě ànəa Yesò Klistò shu abua am nê è ndaꞋa la. Maà ngàꞋtà am a èlɨ̀ wa ale a tsiꞋi ngaa mbɨ̀Ꞌɨ̀ e ngu àkèghɨ̧̀.

2 Kɔlìn 11:20

Wòt nàa ngɨ̀ tà kɨꞋɨ bɨ sàŋ tà nɨ̀ àwɨ̧ mbɨ̀Ꞌɨ̀ èbùꞋ, me fible awɨ̧ nɨa èghɨ bɨ̧, ntsèka a ègwet lɨ̧, mè ntsò̧ò̧tà wɨ̧.

2 Kɔlìn 11:26

Ane bèlèghȩ̀ȩ̀nè nyaŋ, e ndɨ ngua ndzea ngoꞋ a èbem mèdzî è lu̧u̧ la, ndzě ngoꞋ abua bètsɔŋ, mè ndzě ngoꞋ a tèkitebu bòt àlaꞋ bɔ̧. Mâ ye ngoꞋ a tèkitebu bòt kà wu Bèjuê, ndzě ngoꞋ a èbem èpfəè nɨ̧, ndzě ngoꞋ a èbem èlaꞋ yuube. Mâ ye ngoꞋ fɔɔle a èbem *mèdzî mè ndzě ngoꞋ a tèkitebu bòt bɔ̀ɔ fɨ̀ta shua nê bɔ wu bòt Yesò Klistò la.

2 Kɔlìn 3:17

Mbɔ̧ɔ̧mà wu Fo. Fo Mbɔ̧ɔ̧mà nàa ngua adziꞋ è yààtè bòt.

Gàlashìà 1:7

È ka lema shua nê èngǎ̧ Mbɔ̧ɔ̧mà ko tsa aà və, ka bòt ko aà və bɔ̀ɔ ŋǎ wɨ̧ ngoꞋ nkɨ etsòke Ntu̧ Ntsɔ̧̀ Yesò Klistò la.

Gàlashìà 4:25

Agà naa ale ngua nyɨ̀Ꞌta èbȩ Sinȩ̀ àlaꞋa Àlabìà, tà wu mbɨ̀Ꞌɨ̀ Jèlusalèm laane. Ngu nê bɔ̂ bɔ̧ bi e wu èbùꞋ.

Gàlashìà 4:3

Ale, bàambɔŋ e li ngu mbɨ̀Ꞌɨ̀ èbùꞋ, àfɨꞋa ba li mbèle bɔtechɨɨle la, me ghɨ̀ àghɨa èyo̧o̧te fotsə a ègwet te kɨa la.

Gàlashìà 5:1

Yesò Klistò li ndzà àwa ntsì a èbem mbɨ̧te Musì, è wu ale bɨ̀ ŋwètè èka bɨ̧ a si ntsɔ̧̀, bɨ̀ ka mbɨ̧̀ɨ̧̀ne àghɨa ko a mè ngɨ̀ bɨ tsiꞋi èbùꞋ.

Gàlashìà 5:10

Mâ bê ndâ nko nê, ndɨ̀ wu ba nɨ̧̀ ba è tsìꞋi àghɨ yeamɔꞋ ane Yesò la, betsiꞋa bɨ̀ ka tsi mɨ̀ɨ̀te a èlɨ̀ ko tsa. Wòt wu ntsòkà àtsəa yɨ̧ la nàà bɔ àbȩ̀ àzi abua Mbɔ̧ɔ̧mà ka tà màa ngu wuê wà leꞋ.

2 Tɔ̀màtià 3:6

Bòt ko ane yɔb aa ngèèba nyaꞋa nyia èpfəè bòt, fɨ̀ta bèzi bɔ bɔ mèntɨ̧ɨ̧ lèyu la, mbɨ̀Ꞌɨ̀ bɔɔ bɨ̧ɨ̧ne ànəa bɔ shuà la. Eyaa wu èwuu bèzi bu kàbɔ̀ŋ kuule awɔb tè bɔ tsiꞋa ngɨ̀à àghɨ àgème a kɨꞋɨ àtsəa yɔb la.

Jimsì 1:25

Ka wòt me zə wuê ngule mbɨ̧ Yesò yu è fete mbɨ̧tsə tègème la, e yu nàa ndzàà wɔ̀bȩ̂ sà la, nkù̧ù̧ta wuê yùà, tà kà zə e bê lèène, mbɔ̂ me ghɨ wuê mbɨ̀Ꞌɨ̀ è shua la, ko Mbɔ̧ɔ̧mà naa li lɔ̀ɔ̀le atò ane àghɨa tàa ngɨ̀à la.

1 Pità 2:16

Bɨ̀ me tseke mbɨꞋɨ̀ bòt Yesò yàà àwɔb la, ka bɨ̀ ka nɨ̀ àyea ngaa mbɨ̀Ꞌɨ̀ alu̧ a màngɨa kàbɔ̀ŋ. Bɨ̀ tsiꞋi ŋa awɨ̧ abua Mbɔ̧ɔ̧mà mbɨ̀Ꞌɨ̀ èbùꞋ tò.

2 Pità 2:19

BènyɨꞋtà fɨte bàa àa ngɨ̀ bɔ kàꞋà bòt nê bɔ ko ane wɔb ne èyì ndɨ bɔ̀ɔ me tseke ntsɔ̧̀ la, mbɔ̂ mbèle ayɔb èbùꞋ a èbem kàbɔ̀ŋ. Aa ale nkàà nê, àghɨ aa ngɨ̀ a bɔ mètàŋ a ègwet wòt, ŋut tsiꞋi àbùꞋ àghɨa mbɔŋ.

1 Jɔ̌n 4:1

Ngule bèshu̧ bɔ̧, wòt nê ye bɔ Fo Mbɔ̧ɔ̧mà, bɨ̀ ka mbê mbɨ̧̀ɨ̧̀nê nèmbuꞋ kà nyɔꞋte a ŋut eye nê kò fo yu ane tò la wu Fo Mbɔ̧ɔ̧mà leꞋ. Bɨ̀ me ghɨ̀ ale nkàà nê bèndàꞋàtɔŋ Mbɔ̧ɔ̧mà fɨte be taꞋa wu àbȩ àfɨ̀Ꞌ yaa.

Jûd 1:4

E shɨa ale nkàà nê, bòt ko bɔ tu̧u̧ a Mbɔ̧ɔ̧mà la e yɨ̧ɨ̧tè nyi a kètsìà wɨ̧. Bɔɔ ngèbla èngǎ̧ tò wu àa nyɨ̀Ꞌta èkɔŋ tò la, mbɨ̀Ꞌɨ̀ ebɔ èlu̧ e me ghɨ̌ èbɨꞋte ènəê, mè ntù̧a Yesò Klistò Lefɨ̀Ꞌ wu tà wu Tǎt wa mè ngu ndàꞋ wòt ba bɔ ndɨ bàa me zə atò la. Mbɔ̧ɔ̧mà li ndzaŋe saꞋa ànəa bòt baa, tè nê aa li ebɨɨ abà yɔb.