Gàlashìà 2:2 - Mundani

² Maà ngà ale ngu ndɨ Mbɔ̧ɔ̧mà ghaꞋtè nyɨ̀Ꞌte am nê è nga la. Mâ ghǎ abàꞋ və ale ngàꞋte Ntu̧ Ntsɔ̧̀ yu màa ndaꞋa abua bòt bu bɔ̀ baka ko a Mbɔ̧ɔ̧mà la shu awɔb. Maà ngɨ̀à ale mbɔ̂ ndàꞋà wuê a ntsèm abua bɔɔjuŋ, màa mbɔ̀ɔ mbɨ̀Ꞌɨ̀ àfaꞋa e fàꞋà la, nè àyea e ndi ndzaŋe fàꞋà la a tsè àku la.

Gàlashìà 2:2 ပူးပေါင်းရင်းမြစ်များ

Matìù 10:16

“Bɨ̀ zə ntsɔ̧̀, e ngua ntsàà àwɨ̧ àbȩ mbɨ̀Ꞌɨ̀ njɨ̀tsə ayɔɔ ngwitenyà̧. È wu ale, bɨ me yìa mbɨ̀Ꞌɨ̀ ètsɔꞋ, mè me yu ane mènəè mɨ̧ mbɨ̀Ꞌɨ̀ bèbaba.

ÀfaꞋa 15:12

Pità làꞋa ale ènɔ̧̂ bòt bu e buŋ ntsiꞋi me yute ndɨ Pɔ̂l bɔ̂ Bànabasì e shua tèwuute ènəê kà ye fɨ̀Ꞌ bɔ̂ mènəè ngɨŋa Mbɔ̧ɔ̧mà eŋa wɔb mètàŋ bɔ ghɨ̀ a kètsìà bòt kà wu Bèjuê la.

ÀfaꞋa 15:2

Pɔ̂l bɔ̂ Bànabasì e taꞋa kààne ànəê yaa mè ndzɔ̀ŋ bɔ̂ tò ba. Mbɨ̀Ꞌɨ̀ àyɔ̀ŋ yu a dzə a si la, bɔ làŋkè nê Pɔ̂l bɔ̂ Bànabasì nè èbeko nè bòt Yesò a Antìɔ̀k e gha a Jèlusalèm ndzè bɔntu̧ Yesò ko bu nè bɔɔjuŋ ayɔɔ bòt Yesò ane ànəa ngaa.

ÀfaꞋa 15:4

Bɔ ghà tê bɔ̀ nyi a Jèlusalèm, bòt chɔsì, nè bɔntu̧ tò, nè bɔɔjuŋ ayɔɔ bòt Yesò bu e sèè àwɔb. Bɔ bɔ̂ shu awɔb àghɨ àgème Mbɔ̧ɔ̧mà li ngɨ̀ bɔ ghɨ̀ la.

ÀfaꞋa 18:9

È wu ètsəꞋ ane àli ako, Pɔ̂l ye àtsə, Mbɔ̧ɔ̧mà shu abua tò nê, “Ko mbɨ̀Ꞌɨ̀ à bɔ̀â, me làꞋa èngà̧ wu ngà wuê nè mbì. Ko mbɨ̀Ꞌɨ̀ à tsèke kà tsi ndàꞋ,

ÀfaꞋa 23:11

È lɔ̀Ꞌ me wu ètsəꞋ, Waã Mbɔ̧ɔ̧mà è kɨ̀Ꞌɨ̂ è shu abua Pɔ̂l nê, “Ka mbɔ̀a! Mbɨ̀Ꞌɨ̀ à nyɨꞋte nkûŋ yu à ko ane yaã a Jèlusalèm ŋaa la, à bɔ ndɨ àa ghɨ̀ wuê a èlɨ mbɔŋ a Luêm la.”

ÀfaꞋa 5:34

Ka wòt Falèsiì kǒ ane yɔb, èlen tò wû Gàmalìà, tàa nyɨ̀Ꞌta mbɨ̧te Musì, bɔ mè ntaꞋa wua nkùkta atò la, lɔ̀Ꞌɔ a si a kètsìà èsaꞋa wu, ŋȩ nê, bɔ̀ nɨ bɔntu̧ bu nga àbȩ.

Lûm 9:16

Ale, kò Mbɔ̧ɔ̧mà làa wòt kò tà bakà là leꞋ, ko a ntsě mbɨ̀Ꞌɨ̀ wɔ̀bȩ̂ kɨa la, a wu wuê ane tèsȩte Mbɔ̧ɔ̧mà.

1 Kɔlìn 1:23

È me wu awa ba me làꞋa ndɨ bɔ wu̧u̧te a Yesò Klistò a mbɨ̧̀ mbasa la, è wu ànəa èbèm lu̧u̧me abua Bèjuê, mè ngu àghɨ̧̀ɨ̧̀nè abua bòt kà wu Bèjuê la.

1 Kɔlìn 2:2

E ndi nê è nka làꞋa ànəa ko tsa a, kà wu wuê ànəa Yesò Klistò ane ndɨ bɔ li ngù̧ù̧te atò a mbɨ̧̀ mbasa la.

1 Kɔlìn 9:24

Bɨ bakà ko laꞋ nê bɔ̀ɔ ngɨ̀ bɔ̀ gha ane àlùùlà, waa waa me lùùla, ka è bɔ̂ ngu wuê wòt wemɔ̀Ꞌ tà jɨ bɔ tsɔꞋɔ atò la? Ale, luula mbɨ̀Ꞌɨ̀ jɨ bɔɔ tsɔꞋɔ awê.

1 Kɔlìn 9:26

Mbɨ̀Ꞌɨ̀ àa ale la, maa kà luula ka ko àtsə, è nka mee ngua nùà mbɨ̀Ꞌɨ̀ wòt tàa ndèbà fo la.

2 Kɔlìn 12:1

Maa me ghàꞋtè wu am. Àbȩ̀ àko wòt nàa jɨ la a batè ntsě adù̧, kà e mbɔ̂ ngu me ghàꞋtè wuê ghàꞋte shua ànəa ètsə Yesò Klistò è nyɨꞋte am la, nè èghɨ tà li ngàꞋte àghɨ am e ndze la.

Gàlashìà 1:12

E ndi e ka nɨ èngǎ̧ mbɔŋ abua wɔ̀bȩ̂, è ka mèe ngu wɔ̀bȩ̂ ka tà nyɨꞋte am la. Yesò Klistò zìambɔŋ ka tà li ngàꞋte èngǎ̧ mbɔŋ nyɨ̀Ꞌte am la.

Gàlashìà 1:16

nyɨ̀Ꞌte waã vi abua am mbɨ̀Ꞌɨ̀ maa tsɔ̀te Ntu̧ Ntsɔ̧̀ tò ayɔɔ bòt kà ko a Mbɔ̧ɔ̧mà. ÀfɨꞋa mbɔŋ, è nka gha enɨ nkɨ̀a abua wɔ̀bȩ̂ kǒ,

Gàlashìà 1:6

A taꞋa tsě am ndɨ bɨ bê ntsìꞋa sà Mbɔ̧ɔ̧mà wu tà li ntsè ane tèsȩte Yesò Klistò ka ntɔ awɨ̧ la, ntsìꞋa mbɨ̧̀ɨ̧̀na Ntu̧ Ntsɔ̧̀ kǒ tsa la.

Gàlashìà 2:6

Èbɔ è me wu ebu bɔ li ngu mbɨ̀Ꞌɨ̀ bɔɔjuŋ la, (kò bɔ li ngu ghà leꞋ, ko àyu a li à ka ye am, nkàà nê Mbɔ̧ɔ̧mà nàà kà lȩ mèsi bòt kà sàꞋ àwɔb.) Bɔɔjuŋ mbɔŋ e li bɔ̀ ka kweꞋnè ànəa fi ako ane èngǎ̧ am.

Gàlashìà 2:9

ÀfɨꞋa Jimsì bɔ̂ Pità, nè Jɔ̌n wu bɔ̀ tɔ̀ke bòt Yesò la e ye a ntsɔ̧̀ wu Mbɔ̧ɔ̧mà nyɨꞋtè am la, bɔ zi èbu abua ya baa Bànabasì, mbɔ̂ ndàŋkè nê, bà ghǎ abua bòt kà ko a Mbɔ̧ɔ̧mà, bɔ̀ɔmbɔŋ è ghǎ abua Bèjuê.

Gàlashìà 5:7

Bɨa yǎ̧ ngua ngȩ̀ȩ̀nà ane alu̧ ntsɔ̧̀ ale wǎ tseke tè nkèlè àwɨ̧ nê bɨ̀ ka tsi ngɨ̀ mbɨ̀Ꞌɨ̀ nkûŋ nàa shua la à?

Filìpȩ 2:16

mbɨ̀Ꞌɨ̀ bɨ̀a ngɨ̀à mènəè mɨ̧ ane ndɨ èngà̧ wu àa ŋǎ mèmpème la àa nkɨà la. Bɨ ghɨ̀ ale, ko naa li ngu ane àlia Yesò Klistò è mê nkɨ̀Ꞌɨ̂ la, e me wu̧u̧ nkùꞋ yaã ngùꞋtè am, nkàà nê àfàꞋ yu e ndi ngua ndèmnà ngɨ̀à la a bakà tse àku.

Filìpȩ 2:29

È wu ale, taa kɨꞋɨ, bɨ taꞋa sèe atò nè mèngùꞋte, ndɨ̀ wu bɨ tò ba è wu bòt Yesò Klistò la. Bɨ ye a wòt mbɨ̀Ꞌɨ̀ tòà ale, bɨ ŋa kènuke abua tò,

1 Tèsàlonikà 3:5

Mbɨ̀Ꞌɨ̀ à yaa a ghɨ̀ e ntsiꞋa mbà̧aã èntɨ̧ɨ̧ am kekaŋ la, e tsàa a Tɔ̀màtià nê tà kɨꞋɨ ndzě ndɨ bɨ̀a mbà̧aã ànəa Yesò la. Me ghɨ̀ ale ngua mbɔ̀ɔ̂ mbɨ̀Ꞌɨ̀ ateko Satàn è kubte mèntɨ̧ɨ̧ mɨ̧ tè ngɨ̀ àfàꞋa ya yu ba li nkɨ̀Ꞌɨ̂ abàꞋ ŋu ngɨ̀ la a tsè àku.

2 Tɔ̀màtià 4:7

Mâ nù èbet ntsɔ̧̀, mâ lùùlà tê mpàâ,

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.