Gàlashìà 2:14 - Mundani

¹⁴ Ka àfɨꞋa mâ ye nê bɔɔ̀ kà ghȩȩne ndɨŋndɨ̀ŋ mbɨ̀Ꞌɨ̀ Ntu̧ Ntsɔ̧̀ Yesò kɨa la, e mbììte a Pità a mbì lɔb bàgème nê, “Àwɔ̀ waa à wu wòt Juê la, àa ntsìꞋa ngɨ̀à mbɨ̀Ꞌɨ̀ wòt kà wu wòt Juê anè tè ngu e ghɨ̀ na ka ŋwèèle bòt kà wu Bèjuê bɔɔ tsiꞋi Bèjuê à?”

Gàlashìà 2:14 ပူးပေါင်းရင်းမြစ်များ

ÀfaꞋa 10:28

Tà shu abua yɔb nê, “Bɨ̀a mbɔŋ bɨ ko ntsɔ̧̀ ntsɔ̧̀ nê, mbɨ̧te Bèjuê te bakà bɨ̧̀ɨ̧̀ne nê wòt nyi ayɔɔ bòt kà wu Bèjuê. Ka Mbɔ̧ɔ̧mà è nyɨꞋte am nê, è nka nkwàꞋtê nê wòt kǒ bakà kùꞋu wòt màa bɔ lèmù ba tò la.

ÀfaꞋa 15:1

Bòt ko e li ndɔ̀Ꞌɔ àlaꞋ a Jùdià nkɨ̀Ꞌɨ̂ a Antìɔ̀k me nyɨꞋte bɔnyɨ ba ko bu nê, “Bɔ bakà naŋe wòt mbɨ̀Ꞌɨ̀ mbɨ̧te Musì tèa nyɨ̀Ꞌta la, Mbɔ̧ɔ̧mà kà nɨa ŋut ane wòt vi.”

ÀfaꞋa 15:24

Ba zə nê bòt ko e li ndzə ayɔɔ aya kà ba tu̧u̧ awɔb nkɨ̀Ꞌɨ̂ ndàꞋà èbɨꞋte mèngǎ̧ kǒ nɨŋ ntsòkè mèntɨ̧ɨ̧ mɨ̧.

ÀfaꞋa 15:5

Ka àbəꞋa bòt Yesò ko è wu bòt ènɔ̧̂ Bèfalèsiì la e lɔ̀Ꞌɔ a si nê, “Bɔ bɔ̂ ndɨ bɔ̀ɔ naŋe bòt bu kà wu Bèjuê la, bɔɔ mě me nɔ̀ŋe mbɨ̧te Musì.”

Lûm 14:14

Mâ lâ nko, ndɨ̀ wu è ntsiꞋi àghɨ yeamɔꞋ nè Yesò Lefɨ̀Ꞌ la nê àghɨa jɨ ako àa mbɨ̀a a mànjɨa la a ntsě, ka wòt yèa nê àghɨa ko bɔ̀ɔ njɨ̀a la wu àghɨa kàbɔ̀ŋ, mbɔ̂ njɨ, ko wu kàbɔ̀ŋ tà ghɨ̀ la.

Gàlashìà 1:18

ÈngùꞋebȩ yetat e li ntsè, e nkɔꞋ nga a Jèlusalèm eyea Pità, ntsèke ba tò ane èlibȩ ntsɔ̀b betà̧â̧.

Gàlashìà 1:6

A taꞋa tsě am ndɨ bɨ bê ntsìꞋa sà Mbɔ̧ɔ̧mà wu tà li ntsè ane tèsȩte Yesò Klistò ka ntɔ awɨ̧ la, ntsìꞋa mbɨ̧̀ɨ̧̀na Ntu̧ Ntsɔ̧̀ kǒ tsa la.

Gàlashìà 2:3

Tȩtɔ̀s wu ba tò e li ngà nɔ̂ la li mbàte ngu wòt Glɨ̂k ale ka bɔ̀ ka lem ŋweele atò e ghɨ̌ bɔɔ naŋe tò mbɨ̀Ꞌɨ̀ taa tsiꞋi wòt Mbɔ̧ɔ̧mà.

Gàlashìà 2:5

Ka bɔ ghɨ̀ ale bà ka bê ŋa èlu̧ abua yɔb, ka wuê adzìꞋ, mbɨ̀Ꞌɨ̀ ghɨ̌ nkûŋ yu ane Ntu̧ Ntsɔ̧̀ Yesò Klistò la naa tèꞋa ane yɨ̧.

Gàlashìà 2:7

Ka bɔ li ndzè na Mbɔ̧ɔ̧mà zi ànəa màndaꞋa Ntu̧ Ntsɔ̧̀ zi abua bòt kà wu Bèjuê a tèkitebu taã wuê mbɨ̀Ꞌɨ̀ tà li ndzì ànəa màndaꞋa èngǎ̧ vi abua Bèjuê a tèkitebu Pità la.

Gàlashìà 2:9

ÀfɨꞋa Jimsì bɔ̂ Pità, nè Jɔ̌n wu bɔ̀ tɔ̀ke bòt Yesò la e ye a ntsɔ̧̀ wu Mbɔ̧ɔ̧mà nyɨꞋtè am la, bɔ zi èbu abua ya baa Bànabasì, mbɔ̂ ndàŋkè nê, bà ghǎ abua bòt kà ko a Mbɔ̧ɔ̧mà, bɔ̀ɔmbɔŋ è ghǎ abua Bèjuê.

Gàlashìà 6:12

Wu bòt bu bɔ̀ɔ nɨ̀a èghɨ nàbȩ̂ nkɨ enyɨꞋte nê bɔ ghe la ka nkɨ eŋwèèlè àwɨ̧ nê bɔ̀ naŋe awɨ̧ la. NdàꞋ lə bɔ ghɨ ale la wu mbɨ̀Ꞌɨ̀ bòt e me kɨ àtsə ayɔb enɨ nê bɔɔ̀ ndàꞋà ndɨ Yesò Klistò li mpfə a mbɨ̧̀ mbasa la.

Kɔ̀losìà 1:5

È li ngu àfɨꞋa bɔ li mbɨ̀ ntsɔ̀tè èngǎ̧ nkûŋ wu è wu Ntu̧ Ntsɔ̧̀ Mbɔ̧ɔ̧mà, abua yɨ̧ la, bɨ zə ànəa ntu̧ mbɔŋ shua la. È li ngua ndàꞋà ànəa ntsɔ̧̀ wu betsiꞋa bɨ bɔŋ mbɨ̀Ꞌɨ̀ bɨ nɔ̀ŋè mèntɨ̧ɨ̧ mɨ̧ adù̧ me chɨ̀Ꞌɨ̀ la. Wu ànəa ntsɔ̧̀ waa Mbɔ̧ɔ̧mà neetè nɔŋe abua yɨ̧ a ègwet bɨ mè me chɨ̀Ꞌɨ̀ la, ka a ghɨ̂ bɨ zì mèntɨ̧ɨ̧ mɨ̧ ane Yesò mè me kɔ̀ŋkè bòt Mbɔ̧ɔ̧mà la.

1 Tɔ̀màtià 5:20

È me wu bòt bu bɔ̀ɔ ngɨ̀à mènəè kàbɔ̀ŋ nɨa ngà wuê nè mbì la, à me tsia wɔb a kètsìà bòt ŋȩ̀te awɔb, mbɨ̀Ꞌɨ̀ bòt ko aa ye e bɔɔ.

Ebùlù 12:13

Bɨ̀ ŋwètè èka bɨ̧ a si ntsɔ̧̀ mbɨ̀Ꞌɨ̀ èka mbɔŋ e loŋ bɨ debte a si. Ka bɨ̀ bɔ me kweele.

Ebùlù 9:10

Èghɨ mbɔŋ e wu wuê ane èghɨjɨ nè èghɨ bɔ̀ɔ nu la, nè balu̧ bòt àa nɨa shùà ènyit mbɨ̀Ꞌɨ̀ lèsɔ̀t la. Èghɨ baa wu mbɨ̧te nàbȩ̂ tèa me fàꞋà te egha wu àfɨꞋa Mbɔ̧ɔ̧mà nàa ghɨ̌ àghɨa àgème aa tsiꞋi ayea fi la.