Gàlashìà 1:7 - Mundani

⁷ È ka lema shua nê èngǎ̧ Mbɔ̧ɔ̧mà ko tsa aà və, ka bòt ko aà və bɔ̀ɔ ŋǎ wɨ̧ ngoꞋ nkɨ etsòke Ntu̧ Ntsɔ̧̀ Yesò Klistò la.

Gàlashìà 1:7 ပူးပေါင်းရင်းမြစ်များ

Matìù 24:24

Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

ÀfaꞋa 13:10

mbɔ̂ nê, “À wu waã Satàn. À wu wɔ̀mbù̧ àghɨ a ntsɔ̧̀ àgème. Èbɨ̀Ꞌte èŋɔꞋte mènəè e lu̧u̧ a èbèm lê. Àa ntsèka nyɔ̀Ꞌtà mènəè Mbɔ̧ɔ̧mà mu è wu nkûŋ la ezi ane àfɨte.

ÀfaꞋa 15:24

Ba zə nê bòt ko e li ndzə ayɔɔ aya kà ba tu̧u̧ awɔb nkɨ̀Ꞌɨ̂ ndàꞋà èbɨꞋte mèngǎ̧ kǒ nɨŋ ntsòkè mèntɨ̧ɨ̧ mɨ̧.

ÀfaꞋa 20:30

Àfɨ̀Ꞌ àko aa li nkùꞋ, bòt ko e lɔ̀Ꞌɔ a kètsìà wɨ̧ fɨte mènəè è shu mbɨ̀Ꞌɨ̀ etsòkè àtsəa bɔkatè Yesò bu.

2 Kɔlìn 11:13

Èwuu bòt mbɔŋ ntsě ngule bɔntu̧ Yesò. Bɔɔ nɨa àfàꞋ àyɔb mvəèəlà àghɨ a bòt nkɨà bɔɔ me mɨ̀ɨ̀te nê awɔb tsàà Yesò Klistò.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

Gàlashìà 1:6

A taꞋa tsě am ndɨ bɨ bê ntsìꞋa sà Mbɔ̧ɔ̧mà wu tà li ntsè ane tèsȩte Yesò Klistò ka ntɔ awɨ̧ la, ntsìꞋa mbɨ̧̀ɨ̧̀na Ntu̧ Ntsɔ̧̀ kǒ tsa la.

Gàlashìà 2:4

Ànəa mbɔŋ a li me lɔ̀Ꞌɔ a si ale ngu ndɨ bòt ko bɔ̀ɔ fɨ̀ta nê bɔ wu bòt Yesò la e li ndzɨ̧̀ɨ̧̀ma nyi ayɔɔ ya, me tsɔ ndɨ̀ŋkà mbɨ̀Ꞌɨ̀ eye ndɨ ba zì mèntɨ̧ɨ̧ ma ane Yesò Klistò ale bà ka tsi ngu èbùꞋ la, e mèe ghɨ̌ baa tsiꞋi èbùꞋ.

Gàlashìà 4:17

Bòt ko bu aà ndzìà èntɨ̧ɨ̧ ane yɨ̧ ka è kà lem ngu ane ntsɔ̧̀. Àghɨa bɔ kɨà la wu a mà ntsì àwɨ̧ ane yaã mbɨ̀Ꞌɨ̀ bɨa tsiꞋi me zì àwɨ̧ ane yɔb.

Gàlashìà 5:10

Mâ bê ndâ nko nê, ndɨ̀ wu ba nɨ̧̀ ba è tsìꞋi àghɨ yeamɔꞋ ane Yesò la, betsiꞋa bɨ̀ ka tsi mɨ̀ɨ̀te a èlɨ̀ ko tsa. Wòt wu ntsòkà àtsəa yɨ̧ la nàà bɔ àbȩ̀ àzi abua Mbɔ̧ɔ̧mà ka tà màa ngu wuê wà leꞋ.

Gàlashìà 5:12

Ànəê yaa a me saa bòt bu ŋǎ wɨ̧ ngoꞋ nê bɔ̀ naŋe awɨ̧ la, bɔ ghà ngɨ̀ bɔ bê mpàa ndzàꞋ àwɔb.

Gàlashìà 6:17

Enɨ lìa, tsiꞋ è shu awɨ̧ nê, e bùꞋu àfɨ̀Ꞌ yaa me ghà ne mbì, wòt ka tsi ŋǎ am ngoꞋ, nkàà nê mâ bɔŋ èlȩê Yesò a mbɨ̧̀ yaã.

2 Tɔ̀màtià 2:18

Bɔ sà alu̧ nkûŋ me gheeba ntsòkà ètsə bòt Yesò ko è shùa nê, Mbɔ̧ɔ̧mà è yu̧u̧me bòt bɔ pfəꞋte la tè ndɔ̀Ꞌ.

1 Jɔ̌n 2:26

E shɨa abua yɨ̧ ane ànəa bòt bu bɔ̀ɔ nyɔ̀Ꞌtà nkɨ efɨte awɨ̧ la.

1 Jɔ̌n 4:1

Ngule bèshu̧ bɔ̧, wòt nê ye bɔ Fo Mbɔ̧ɔ̧mà, bɨ̀ ka mbê mbɨ̧̀ɨ̧̀nê nèmbuꞋ kà nyɔꞋte a ŋut eye nê kò fo yu ane tò la wu Fo Mbɔ̧ɔ̧mà leꞋ. Bɨ̀ me ghɨ̀ ale nkàà nê bèndàꞋàtɔŋ Mbɔ̧ɔ̧mà fɨte be taꞋa wu àbȩ àfɨ̀Ꞌ yaa.

2 Jɔ̌n 1:10

È wu ale, wòt kɨ̀Ꞌɨ̂ a lob yê me làꞋa èngǎ̧ ko tsa ka nè è waa Yesò li nyɨ̀Ꞌte la, à ka sèè atò. À ka ndem ntsàꞋte atò.

2 Jɔ̌n 1:7

Bòt mèfà̧ e taꞋa wu àbȩ àfɨ̀Ꞌ yaa. Bèŋût wu bòt bu bɔ̀ɔ ka bɨ̧̀ɨ̧̀ne laꞋ nê Yesò Klistò li ntsìꞋi wɔ̀bȩ̂ la. Èwuu bòt mbɔŋ wu bòt mèfà̧, mè ngu bɔmbù̧ Yesò Klistò.

Jûd 1:4

E shɨa ale nkàà nê, bòt ko bɔ tu̧u̧ a Mbɔ̧ɔ̧mà la e yɨ̧ɨ̧tè nyi a kètsìà wɨ̧. Bɔɔ ngèbla èngǎ̧ tò wu àa nyɨ̀Ꞌta èkɔŋ tò la, mbɨ̀Ꞌɨ̀ ebɔ èlu̧ e me ghɨ̌ èbɨꞋte ènəê, mè ntù̧a Yesò Klistò Lefɨ̀Ꞌ wu tà wu Tǎt wa mè ngu ndàꞋ wòt ba bɔ ndɨ bàa me zə atò la. Mbɔ̧ɔ̧mà li ndzaŋe saꞋa ànəa bòt baa, tè nê aa li ebɨɨ abà yɔb.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.

Ètsə 13:14

Tà nɨ ngɨŋa mènəè mu bɔ sa atò nê tà ghɨa a mbì nyà̧mɔ̀Ꞌ mbì yu la, nɨŋ fɨ̀te bòt sitsǎꞋ bàgème. Nyà̧mɔ̀Ꞌ yu ghɨ̀ bɔ kɔ̧ wamâlem kǒ bɔ̀ɔ me nɨa ngùꞋtà nyà̧mɔ̀Ꞌ mbì yu bɔ li nɨ nyi ndzì fɨŋ ane tò, tà bɔ mbèle yû̧ la.

Ètsə 19:20

Bɔ nù ale mbà̧aã nyà̧mɔ̀Ꞌ yu mbɨ̀Ꞌɨ̀ àbùꞋ a èbet, mè baãaã ndàꞋàtɔŋ fɨ̀te wu tà li ngua ngɨ̀à mènəè ngɨŋa a mbì tò fɨ̀ta bòt la. Tà li ngua fɨ̀ta bòt bu bɔ bɔ àlȩê nyà̧mɔ̀Ꞌ yu ane yɔb, mè me kukte a wamâlem tò wu la. Bɔ ghɨ̀ ale, màꞋà nyà̧mɔ̀Ꞌ yu bɔ̂ ndàꞋàtɔŋ fɨ̀te wu èyu̧ a èbem èwet ko àa mbɨ̀Ꞌɨ̀ èlemè nkòòla nè èkem adù̧ la.

Ètsə 2:2

Mâ ko èghɨ bɨ̀a ngɨ̀à la. Mâ ko tèbəꞋte bɨ faꞋ mbɔŋ, mè nkùùlè mèntɨ̧ɨ̧ mɨ̧ a èbem ngoꞋtsə la. Mâ ko nê bɨ̀a ka bɨ̧ɨ̧ne nê bòt kàbɔ̀ŋ è wu ayɔɔ yɨ̧. Bɨ bàŋe bòt bu bɔ̀ɔ shua nê bɔ wu bɔntu̧ Yesò, ka bɔ̀ ka wu bùà la, ndze nê bɔ wu bòt mèfà̧.

Ètsə 2:20

“ ‘Ka àghɨ aà yeamɔꞋ bɨ̀a ngɨ̀à màa ka kɔ̀ŋkè la. Bɨ sǎ Jezebèl ayɔɔ yɨ̧, àvi wu tàa ntɔ avi nê ye wu ndàꞋàtɔŋ Mbɔ̧ɔ̧mà la. Tàa fɨ̀ta bɔfàꞋ bɔ̧ ngɨ̀à bɔ paꞋtà àbɨ̧ mè njɨ̀a èghɨ bɔ nɨŋ ntsì mèpɨ̧̀ la.

Ètsə 2:6

Ka àghɨ aà yeamɔꞋ màa kɔ̀ŋkà wɨ̧ adù̧ la. Bɨà mpààbà èbɨꞋte èghɨ bu bòt bu bɔ̀ɔ nkuŋa Nìkòlatàn la, àa ngɨ̀à la, mbɨ̀Ꞌɨ̀ mmɔ̌ mbɔŋ màa mpààbà la.

Ètsə 20:3

Wantu̧ Mbɔ̧ɔ̧mà wu è ghɨ̀ ale, màꞋa atò a èbem èbɨ lu kà ye ndìa la, mbɔ ntsènè nkȩ̀ ane ndɨ tà kà ko etsi dzəâ e fɨte bòt èlaꞋ ngɔ̀ŋ la, tè mèngùꞋebȩ mu tɔsì la è tsè. MèngùꞋ mbɔŋ nàa tsě bɔ tsɔꞋɔ atò ane kètem àfɨ̀Ꞌ àko.