Gàlashìà 1:6 - Mundani

⁶ A taꞋa tsě am ndɨ bɨ bê ntsìꞋa sà Mbɔ̧ɔ̧mà wu tà li ntsè ane tèsȩte Yesò Klistò ka ntɔ awɨ̧ la, ntsìꞋa mbɨ̧̀ɨ̧̀na Ntu̧ Ntsɔ̧̀ kǒ tsa la.

Gàlashìà 1:6 ပူးပေါင်းရင်းမြစ်များ

Ntu̧ Ntsɔ̧̀ MAK 6:6

A li ntàꞋa tsě atò ndɨ̀ wu bɔ li bɔ̀ ka zi èntɨ̧ɨ̧ wɔb ane tò la. Ale, Yesò me ghȩ̀ȩ̀ne a èbem èpfəè nyɨ̀Ꞌta bòt èngǎ̧ Mbɔ̧ɔ̧mà.

Jɔ̌n 9:30

Mbê wu bɨ̀ɨ̀lè nê, “Ànəê yaa a bê ntsè am. Bɨ bakà ko àdziꞋa tà dzəè la, ka tà bɔ̂ ngàꞋa àghɨ a am?

ÀfaꞋa 15:11

A ntsě ale! Baa zì mèntɨ̧ɨ̧ ma ane Yesò, Mbɔ̧ɔ̧mà ghɨ̀ ba bɔ mèmpème wuê mbɨ̀Ꞌɨ̀ bɔ̀ɔ̀ba, nkàà ntsɔ̧̀ Yesò Lefɨ̀Ꞌ.”

Lûm 10:3

Ndɨ̀ wu bɔ li bɔ̀ ka ko ntsɔ̧̀ ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, mè ntsiꞋi me kɨ wuê wɔb ne alu̧ la, a ghɨ̀ bɔ̀ ka bɨ̧ɨ̧nè ane we ne alu̧ Mbɔ̧ɔ̧mà wu tàa nɨa bòt mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

Lûm 5:2

Ndɨ̀ wu bàa zì mèntɨ̧ɨ̧ ma ane Yesò la, tà ghɨ̂ ba ye a ntsɔ̧̀ Mbɔ̧ɔ̧mà wu bàà wu a èbèm àfɨ̀Ꞌ yaa la. Ba wu ane mèngùꞋte nkàà nê bàa ko nê baa li wu ne Mbɔ̧ɔ̧mà a èbem ènɨ̧ tò.

Lûm 8:28

Baà ko nê Mbɔ̧ɔ̧mà nàa ngɨ̀à àghɨa àgème wuê ane ntsɔ̧̀ bòt bu bɔ̀ɔ nkɔ̀ŋkà tò la, bòt bu tà tɔ awɔb mbɨ̀Ꞌɨ̀ tà li nɔ̀ŋè la.

Lûm 8:30

Tà ghɨ̀ ale, mè ntɔ bòt bu tà li mbele àfɨꞋa tsa nɔ̀ŋè nê bɔɔ li wu mbɨꞋɨ̀ waã vi la. Tà tɔ ale ngɨ̀ bɔ tsiꞋi bòt bɔ tɨ̧ɨ̧ ndɨŋndɨ̀ŋ a mbì tò la. Tà ghɨ̀ ale, mè ngɨ̀ bòt mbɔŋ e bɔ ènɨ̧ wu tà bɔ la.

1 Kɔlìn 4:15

Bòt bɔ̀ɔ nyɨ̀Ꞌta wɨ̧ mènəè Yesò Klistò la e batè ntaꞋa wu, ka bɨ̀ ka bɔ bètǎt nyaŋ. Wu mmɔ̌ e ndi ngu mbɨ̀Ꞌɨ̀ tǎt wɨ̧ a màntsɔta Ntu̧ Ntsɔ̧̀ abua yɨ̧, ka naa ghɨ̌ bɨa zì mèntɨ̧ɨ̧ mɨ̧ ane Yesò Klistò la.

2 Kɔlìn 11:4

E shua anè nkàà nê mâ ye nê bɨa mbeà mbɨ̧̀ɨ̧̀na ànəê àgème bɨ zə la. Wòt nàa ngɨ̀ tà kɨꞋɨ tà làꞋa ànəa Yesò tsǎ kà wu yu ba làꞋà la, kò ànəa fo tsǎ kà wu Fo Mbɔ̧ɔ̧mà yu bɨ li mbɔŋ la, kò ntsɔ̀tè ntu̧ tsǎ kà wu Ntu̧ Ntsɔ̧̀ Yesò Klistò yu bɨ li ndzə mbɨ̧̀ɨ̧̀ne la leꞋ, bɨ bê mbɨ̧̀ɨ̧̀ne kà kwàꞋtè.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

Gàlashìà 1:11

TsiꞋ è shu abua yɨ̧ bɨ̀a bɔnyɨ bɔ̧ nê, Ntu̧ Ntsɔ̧̀ yu e ndi ndàꞋ la li è ka wu Ntu̧ Ntsɔ̧̀ wɔ̀bȩ̂ ghɨ̀ la.

Gàlashìà 1:15

Ka àfɨꞋa a li mbɔ a Mbɔ̧ɔ̧mà wu tà li ndàà am ka bɔɔ li ebi am la, tà nɨ̀ tèsȩ ti ntɔ am ane èkɔŋ vi,

Gàlashìà 1:7

È ka lema shua nê èngǎ̧ Mbɔ̧ɔ̧mà ko tsa aà və, ka bòt ko aà və bɔ̀ɔ ŋǎ wɨ̧ ngoꞋ nkɨ etsòke Ntu̧ Ntsɔ̧̀ Yesò Klistò la.

Gàlashìà 2:14

Ka àfɨꞋa mâ ye nê bɔɔ̀ kà ghȩȩne ndɨŋndɨ̀ŋ mbɨ̀Ꞌɨ̀ Ntu̧ Ntsɔ̧̀ Yesò kɨa la, e mbììte a Pità a mbì lɔb bàgème nê, “Àwɔ̀ waa à wu wòt Juê la, àa ntsìꞋa ngɨ̀à mbɨ̀Ꞌɨ̀ wòt kà wu wòt Juê anè tè ngu e ghɨ̀ na ka ŋwèèle bòt kà wu Bèjuê bɔɔ tsiꞋi Bèjuê à?”

Gàlashìà 2:2

Maà ngà ale ngu ndɨ Mbɔ̧ɔ̧mà ghaꞋtè nyɨ̀Ꞌte am nê è nga la. Mâ ghǎ abàꞋ və ale ngàꞋte Ntu̧ Ntsɔ̧̀ yu màa ndaꞋa abua bòt bu bɔ̀ baka ko a Mbɔ̧ɔ̧mà la shu awɔb. Maà ngɨ̀à ale mbɔ̂ ndàꞋà wuê a ntsèm abua bɔɔjuŋ, màa mbɔ̀ɔ mbɨ̀Ꞌɨ̀ àfaꞋa e fàꞋà la, nè àyea e ndi ndzaŋe fàꞋà la a tsè àku la.

Gàlashìà 2:5

Ka bɔ ghɨ̀ ale bà ka bê ŋa èlu̧ abua yɔb, ka wuê adzìꞋ, mbɨ̀Ꞌɨ̀ ghɨ̌ nkûŋ yu ane Ntu̧ Ntsɔ̧̀ Yesò Klistò la naa tèꞋa ane yɨ̧.

Gàlashìà 2:7

Ka bɔ li ndzè na Mbɔ̧ɔ̧mà zi ànəa màndaꞋa Ntu̧ Ntsɔ̧̀ zi abua bòt kà wu Bèjuê a tèkitebu taã wuê mbɨ̀Ꞌɨ̀ tà li ndzì ànəa màndaꞋa èngǎ̧ vi abua Bèjuê a tèkitebu Pità la.

Gàlashìà 5:14

Bɔ fete mbɨ̧tsə tègème a èbem èngà̧ waa wemɔꞋ la nê, “Me kɔ̀ŋkè wanyɨ wè mbɨ̀Ꞌɨ̀ àwɔ̀ mbɔŋ.”

Gàlashìà 5:4

Bɨ̀a wu bɨ̀a nyɔ̀Ꞌtà nkɨ etɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà na bɨ̀a ngɨ̀à mbɨ̀Ꞌɨ̀ mbɨ̧tsə te kɨa la, bɨ tsì àwɨ̧ ane Yesò Klistò. Bɨ tu̧ àghɨa Mbɔ̧ɔ̧mà ŋa abua yɨ̧ àku la.

2 Tèsàlonikà 2:14

Tà li nɨ Ntu̧ Ntsɔ̧̀ zi yu ba li ndaꞋa abua yɨ̧ la, ntɔ awɨ̧ nê bɨ̀ wu bòt bi mbɨ̀Ꞌɨ̀ bɨa bɔ ènɨ̧ wu ane Yesò Klistò Lefɨ̀Ꞌ wa la.

1 Tɔ̀màtià 1:14

Yesò Klistò Lefɨ̀Ꞌ wa li nèètè ndɔ̀ɔ̀lè am, ngɨ̀ e ndzì èntɨ̧ɨ̧ am ane tò, mè me kɔ̀ŋkè atò, è wù àghɨa tàa ngɨa ane bòt bu bɔ̂ tò ba e tsiꞋi mbɨ̀Ꞌɨ̀ àghɨ yeamɔꞋ la.

1 Tɔ̀màtià 1:3

Maà nkɨà nê, à tseke a Efesɔ̀s wuê mbɨ̀Ꞌɨ̀ e ndi shu awê àfɨ̀Ꞌ yu e ndi ngu alu̧ ngà a Màsèdonìà la. Tseke abàꞋ və mbɨ̀Ꞌɨ̀ e kele bòt bu bɔ̀ɔ nyɨ̀Ꞌta bòt mènəè fɨ̀te la.

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

2 Tɔ̀màtià 2:1

È me wu awê à waã am, à me kweele ane mènəè Mbɔ̧ɔ̧mà mu è wuê ma, ndɨ̀ wu ba tsiꞋi àghɨ yeamɔꞋ ane Yesò Klistò la.

1 Pità 1:15

Bɨ̀ tɨ̧ɨ̧ wuê ndɨŋndɨ̀ŋ ane mènəè ègème bɨ̀a ngɨ̀à la, mbɨ̀Ꞌɨ̀ Mbɔ̧ɔ̧mà wu tà nɨ awɨ̧ ane bòt bi la nàa ndɨŋndɨ̀ŋ la.

2 Pità 1:3

Mètàŋ Mbɔ̧ɔ̧mà è ghɨ ndɨ bàa me koa ntsèka àfɨ̀Ꞌ àgème mbɨ̀Ꞌɨ̀ Mbɔ̧ɔ̧mà kɨa la. Ba tsiꞋi a èlɨ̀ waa nkàà ndɨ ba ko a Mbɔ̧ɔ̧mà àfɨ̀Ꞌ yaa la. Wu tòà tà nɨ awa ane bòt bi ngɨ̀ ba bɔ ènɨ̧ tò mè ngu bòt mènəè ntsɔ̧̀ mbɨ̀Ꞌɨ̀ tòà la.

Ètsə 22:21

Maà shù̧ù̧ta nê Yesò Lefɨ̀Ꞌ nyɨꞋte a ntsɔ̧̀ vi abua bòt Mbɔ̧ɔ̧mà bàgème. Àmèn.