Gàlashìà 1:13 - Mundani

¹³ Bɨ zə mènəè e ndi ngua ngɨ̀à àfɨꞋa mbì ane èlɨ Bèjuê e li ngua nkɨ̀à nɨ̀a nkùŋa Mbɔ̧ɔ̧mà la. E ndi ngua nùà chɔsì Mbɔ̧ɔ̧mà ndâ nkɨ eliime awɔb kwàꞋ ane ètɨ̧̂, kà ku tèsȩ.

Gàlashìà 1:13 ပူးပေါင်းရင်းမြစ်များ

ÀfaꞋa 8:1

Sɔ̂l li mbɔ̂ mbɨ̧̀ɨ̧̀ne nê bɔ̀ bùŋe atò mbɨ̀Ꞌɨ̀ bɔ li ngɨ̀ la. EbuꞋu ane àlia ngaa bɔ bùꞋ me ŋa ngoꞋ kèkweelè abua chɔsì wu a Jèlusalèm la. Bòt chɔsì bu bàgème e taatè ngà àbâ àlaꞋ a Jùdià bɔ̂ Sàmalìà tè è tsìꞋi wuê bɔntu̧ tò bu a Jèlusalèm.

ÀfaꞋa 8:3

Ka è me wu a Sɔ̂l tà nyɔ̀Ꞌte nê yea me tseke a si ntaa chɔsì wu. Tà me ghǎ a lobtsə səèŋnà mbâ̧ ègème nè àvi tà zì èntɨ̧ɨ̧ vi ane Yesò la nɨa wɔb ngà maꞋa a tèfȩ.

ÀfaꞋa 9:21

Bòt bàgème bɔ zə ndɨ tà làꞋà la, e ghaꞋa mètsəê mɔb ànəê a tsè awɔb la, me biite a kètsìà awɔb nê, “Ka mbê waa wu wòt wu a Jèlusalèm tàa mbùŋa a waa waa tàa ntsàꞋtà a Yesò la à? Ka tà ghɨ̂ me chu a si ŋàa ale ngua nchua mbɨ̀Ꞌɨ̀ ebaãaã bòt enɨ awɔb eghǎ vəèə abua bètǎt bèntsìà mèpɨ̧̀ Mbɔ̧ɔ̧mà à?”

ÀfaꞋa 9:26

Sɔ̂l ghɨ̀ ale, ngwènè a Jèlusalèm me kɨ enyɔ̀Ꞌte enyi ayɔɔ bɔkatè Yesò, ka bɔ̀ ka wua mbɨ̧̀ɨ̧̀nâ nê tà wu bɔ̂ tò ba nɔ̂.

1 Kɔlìn 10:32

Bɨ̀ me tseke ntsɔ̧̀ ane ndɨ bɨ̀ ka ghɨ̌ ngoꞋ ane wòt Juê, kò wòt kà wu Juê, kò bòt chɔsì Mbɔ̧ɔ̧mà la leꞋ.

1 Kɔlìn 15:9

E ngu tandiakwèn ane bɔntu̧ Yesò Klistò. E mbakà kuꞋu wòt bɔ̀ɔ me tɔ atò ane wantu̧ Yesò Klistò la nkàà nê, e ndi ngua nkɨà ètsə bòt chɔsì Mbɔ̧ɔ̧mà enɨ.

Filìpȩ 3:6

Ànəa mbɨ̧te Bèjuê a li ngu àtsə am tè e me gheeba nkɨà àtsəa bòt chɔsì enɨ. È wu ànəa màntɨ̧a ndɨŋndɨ̀ŋ a mbì Mbɔ̧ɔ̧mà mbɨ̀Ꞌɨ̀ mbɨ̧te Bèjuê tèa nkɨà la, ko e ndi è nka ghɨ̂ àghɨa ko bòt àa fèèlè am adù̧ la.

1 Tɔ̀màtià 1:13

È li mbàte ngu àfɨꞋa mbì, e me làꞋa mènəè kàbɔ̀ŋ ane tò nkɨà àtsəa bòt tò enɨ, mè ntsò̧ò̧ta atò, tà bɔ̂ nkù tèsȩ taã. Me ku tèsȩ taã ale ngu nê e ndi è nka ko àghɨa e ngɨ̀à la, nkàà ndɨ̀ è baka zìꞋ ndzì èntɨ̧ɨ̧ am ane tò la.

1 Tɔ̀màtià 1:14

Yesò Klistò Lefɨ̀Ꞌ wa li nèètè ndɔ̀ɔ̀lè am, ngɨ̀ e ndzì èntɨ̧ɨ̧ am ane tò, mè me kɔ̀ŋkè atò, è wù àghɨa tàa ngɨa ane bòt bu bɔ̂ tò ba e tsiꞋi mbɨ̀Ꞌɨ̀ àghɨ yeamɔꞋ la.