Filìpȩ 4:19 - Mundani

¹⁹ Mbɔ̧ɔ̧mà am naa nɨ èghɨ kèfɔ̧̀ vi eŋa èghɨ ègème bɨ̀a nkɨ̀ŋkà la kà kuꞋte àbu, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

Filìpȩ 4:19 ပူးပေါင်းရင်းမြစ်များ

Matìù 6:32

Bòt kà wu bòt Mbɔ̧ɔ̧mà ka bɔ̀ɔ ndèbà ènyit yɔb ane ànəa èghɨ bàa la. Tǎt wɨ̧ wu a ègwet la ko nê bɨà nkɨ̀ŋkà èghɨ mbɔŋ ègème.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”

Jɔ̌n 20:27

Tà làꞋ ale mbɔ̂ shu abua Tɔmasì nê, “Zì kèti fê a si ŋàa mbɔ̂ ndȩ̀ èbu bɔ̧ ndze, mè ntsàà àbu ayê mbà̧à̧te àbâ mbɨ̧̀ am. Bɨ̧ɨ̧ne, à ka tsi màkè.”

Lûm 1:8

Maà mbɨ̌ kɔ̀ŋke a Mbɔ̧ɔ̧mà am ane èlen Yesò Klistò ane yɨ̧ bɨ̀agème, ane ndɨ bòt a èdziꞋ ègème aà ndàꞋà ndɨ bɨ zi mèntɨ̧ɨ̧ mɨ̧ ane Yesò Klistò la.

Lûm 11:33

Bɨ̀ ye ndɨ ènɨ̧ Mbɔ̧ɔ̧mà e ghe la! Tà taꞋa bɔ èyì, mè nko mènəè ègème! Wòt wu betsiꞋa tà ko ndɨ tàa ngɨ̀à mènəè mi la wu wàà? BetsiꞋa wàa ko balu̧ tò à?

Lûm 2:4

Kò àa mɨ̀ɨ̀tà nê ndɨ̀ wu Mbɔ̧ɔ̧mà bɔ a bɔɔla èntɨ̧ɨ̧ mè me baãaã èntɨ̧ɨ̧ vi nkua tèsȩte bòt la, tàa sà àwê aa ghà àku à? À bakà ko nê ntsɔ̧̀ waa Mbɔ̧ɔ̧mà nyɨ̀Ꞌta la, wua nkɨà mbɨ̀Ꞌɨ̀ aa kubte ane mènəè kàbɔ̀ŋ mê?

Lûm 8:18

Mâ mɨɨtè nê betsiꞋa bàà ka fɨꞋnè ngoꞋ yu baa yea àfɨ̀Ꞌ yaa la ane ènɨ̧ wu bɔ̀ɔ li nyɨ̀Ꞌte abua ya la.

Lûm 9:23

Mbɔ̧ɔ̧mà li ngɨ̀ anè mbɨ̀Ꞌɨ̀ nyɨꞋte ènɨ̧ vi wu e ghe la abua bòt bu tàa nkua tèsȩ tɔb, è wû bòt bu tà li ndzaŋe taŋke nê bɔɔ li bɔ ènɨ̧ la.

2 Kɔlìn 12:21

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂ Mbɔ̧ɔ̧mà wu màa faꞋa abua tò la mè ngɨ̀ e mbɔ àtsəa kɔꞋɔ a mbì lɨ̧, e mè mbɔ̌ ndɨ màa me dɨ̌ nkàà nê bɔɔ mɨ̀ɨ̀tà mènəè kàbɔ̀ŋ ntu̧ kubte mèntɨ̧ɨ̧ mɔb la. Èghɨ mbɔŋ bɔ̀ɔ ngɨ̀à la wu mèmɨ̀ɨ̀te kàbɔ̀ŋ, màmpaꞋta bòt kà yɔꞋ awɔb, mà ngɨa kàbɔ̀ŋ kà bɔ àtsəa kɔꞋɔ.

2 Kɔlìn 4:17

BadzìꞋ ngoꞋ bàa ba yea ane kètem àfɨ̀Ꞌ la be wua ntàŋka taꞋa ènɨ̧ bàa li ebɔ ane àlia nè àlia è tsě ngoꞋ yaa la.

Efesɔ̀s 1:18

Maà ntsàꞋtà nê Fo tò neeta ngàꞋte ètsə bɨ̧, mbɨ̀Ꞌɨ̀ bɨa ko èghɨ bu Mbɔ̧ɔ̧mà tɔ awɨ̧ nê bɨ̀ me bɔ bɨ̀ wua nchɨ̀Ꞌà bùà la, mè nko ndɨ̀ èghɨ bu Mbɔ̧ɔ̧mà nàa ŋa abua bòt bu bɔ zì mèntɨ̧ɨ̧ mɔb ane Yesò la e ghe la.

Efesɔ̀s 1:7

Wu Waã tò waa ka tà li nɨ̀ àlo̧ a zi nɨŋ chùꞋù ètsə ba ngɨ̀ Mbɔ̧ɔ̧mà waꞋa bèkàbɔ̀ŋ ba la. Wu taꞋà ntsɔ̧̀ tò wu tàa nyɨ̀Ꞌta abua bòt la,

Efesɔ̀s 2:7

Tà li ngɨ̀ àyaa mbɨ̀Ꞌɨ̀ li me tseka nyɨ̀Ꞌta ntsɔ̧̀ vi wu è ghe la. Baa ndzea ntsɔ̧̀ tò waa ane àghɨa Yesò Klistò ghɨ ane ya la.

Efesɔ̀s 3:16

Maà ntsàꞋta Mbɔ̧ɔ̧mà nê tà ghǎ ane èghɨ bi bu a ègwet e ghe la, nɨ Fo zi ngɨ̀ èŋa awɨ̧ mètàŋ mbɨ̀Ꞌɨ̀ mèntɨ̧ɨ̧ mɨ̧ naa me kweele.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Filìpȩ 4:7

Bɨ ghɨ̀ ale ko Mbɔ̧ɔ̧mà naa ŋa awɨ̧ àlàŋkè a tsè ayea betsiꞋa wɔ̀bȩ̂ koê la, aa kaba mèntɨ̧ɨ̧ mɨ̧, nè mèmɨ̀ɨ̀te mɨ̧ mbɨ̀Ꞌɨ̀ àghɨa ko a ghɨ̀ adù̧, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

1 Tèsàlonikà 2:12

Ba li ngua ndɔ̀ktà wɨ̧, ndzìà mèntɨ̧ɨ̧ mɨ̧, mè nkɨ̀ɨ̀ta wɨ̧ nê bɨ̀ me ghɨ̀ mènəè mɨ̧ wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu tòà tà tɔ awɨ̧ nê bɨ̀ kɨꞋɨ bɔ̂ nɨ̧̀ ba è fɔte ngu a èbem kèfɔ̧̀ vi nè ènɨ̧ vi la.

1 Tɔ̀màtià 6:17

Shu abua bòt bu bɔ bɔ èghɨ ngɔ̀ŋ baa nyaŋ la nê, bɔ̀ ka me ŋeꞋe awɔb a ègwet, mè ndzìà ntɨ̀ yɔb ane èghɨ ngɔ̀ŋ baa àa li elɔ̀Ꞌɔ ebɨɨ la. Bɔ̀ zǐ ntɨ̀ yɔb wuê ane Mbɔ̧ɔ̧mà wu tà taꞋa wua ŋǎ awa èghɨ ègème nê bà me wùꞋtè ènyit ya adù̧ la.

Fȩlemùn 1:4

Màa ngɨ̀ e me tsàꞋte Mbɔ̧ɔ̧mà am àfɨ̀Ꞌ àgème, è ku̧u̧te awê, e ŋa mènkɔ̀ŋke abua tò.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

1 Pità 5:10

Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.