Filìpȩ 4:14 - Mundani

¹⁴ Mâ batè ndàꞋ anè, mbɔ̂ ntaꞋa kɔ̀ŋkè àwɨ̧ ndɨ̀ wu bɨ tɨŋe am àfɨ̀Ꞌ yaa è ngu a ngoꞋ la.

Filìpȩ 4:14 ပူးပေါင်းရင်းမြစ်များ

Matìù 25:21

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la, maa tsia wê àtsəa èghɨ nyaŋ. Nyi a lob ba nè è fɔte ngùꞋtè àwa.’

Lûm 15:27

Bɔ li ngɨ̀ àyaa ane mènkɔ̀ŋke mɔb. Ane nkûŋ, bɔ bɔ ndɨ bɔ̀ɔ tɨŋe bòt ntseb bàa la. Bòt kà wu Bèjuê e jɨ àbȩ̂ èghɨ ntsɔ̧̀ bu Mbɔ̧ɔ̧mà ghɨ̂ abua Bèjuê la. Ale, bɔ bɔ ndɨ bɔ̀ɔ tɨŋe Bèjuê mɨ̧̂, nè èghɨ bu Mbɔ̧ɔ̧mà lɔ̀ɔ̀le àwɔb adù̧ la.

Gàlashìà 6:6

Wòt wu bɔ̀ɔ nyɨ̀Ꞌte atò èngǎ̧ Mbɔ̧ɔ̧mà la è bɔ ndɨ tàa me ghàbtè èghɨ bi ŋǎ àbəèꞋ abua nyɨꞋtà vi la.

Filìpȩ 1:7

Mâ bɔ̂ ndɨ màa me tseka mɨ̀ɨ̀tà àwɨ̧ wuê anè la, nkàà nê bɨ wu èntɨ̧ɨ̧ am. Aa ale, nkàà nê ba nɨ̧̀ ba e ye a ntsɔ̧̀ wu Mbɔ̧ɔ̧mà è ghɨ abua ya la. Ba ye a ntsɔ̧̀ mbɔŋ àfɨ̀Ꞌ yaa è ngu a tèfȩ la, fɔ̀ɔ̀le ne àfɨ̀Ꞌ yu e ndi ngua ngèèba ntsɔ̀tà Ntu̧ Ntsɔ̧̀ Yesò Klistò nyɨ̀Ꞌta ndɨ è wû nkûŋ la.

Filìpȩ 4:18

E ngu anè nkɨ eshu awɨ̧ nê, mâ ye èghɨ bu ègème bɨ tsàà Èpaflɔ̀ditùs tà nɨŋ nkɨ̀Ꞌɨ̂ la, e bɔ̂ ndzà̧ tê me bəèꞋtè am. Èghɨ ngaa bu aà mbɨ̀Ꞌɨ̀ àghɨa àa mbɔ̀ bɔ tô̧ a me nəꞋə àghaa ntsɔ̧̀ nkɔꞋɔ nga a ègwet Mbɔ̧ɔ̧mà naa nɨ la.

1 Tɔ̀màtià 6:18

Shu awɔb nê, bɔ̀ me ghɨ̀ mènəè ntsɔ̧̀, mè me nyɨꞋte ènɨ̧ wɔb ane àfàꞋa ntsɔ̧̀ yu bɔ̀ɔ ngɨ̀à la. Nê, bɔ̀ ka me kuꞋte àbu, bɔ̀ me ghàbtè èghɨ bɔb ŋǎ èbe bòt bu bɔ̀ɔ nkɨ̀ŋkà la.

Ebùlù 10:33

Bɔ li ngua ntsɔ̧̀ɔ̧̀tà wɨ̧ àfɨ̀Ꞌ àko ayɔɔ banɔ̧̀, è wu àfɨ̀Ꞌ àko bɨ me kɔ̀ŋke e tɨ̧ɨ̧ a mbɨ̧̀ bòt bu bɔ li ngua ngɨ̧̀ɨ̧̀nà wɔb a èlɨ waa la.

Ebùlù 10:34

Bɨ li ndzě ngoꞋ nè bòt bu bɔ zì àwɔb a tèfȩ la, bɔ mè fà èghɨ bɨ̧ ègème, ka àyea ngaa à ka ye awɨ̧, bɨ me wùꞋtè wuê awɨ̧ nkàà nê, bɨ li nko nê bɨ bela mbɔ̌ ngule èghɨ ntsɔ̧̀ bu Mbɔ̧ɔ̧mà li nkàꞋ la, è wù èghɨ àa tèꞋa ane àlia nè àlia la.

Ebùlù 13:16

Bɨ̀ ka ntsèke kà wua ngɨa ntsɔ̧̀ mè ngàbtà èghɨ bɨ bɔ la, nkàà nê, Mbɔ̧ɔ̧mà nàà nkɔ̀ŋkà èwuu èghɨ mbɔŋ.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.