Filìpȩ 3:20 - Mundani

²⁰ Ka è wu awa, ko àpfəa ya a wu nè kèfɔ̧̀ Mbɔ̧ɔ̧mà. Baa nchɨ̀Ꞌà nê Yesò Klistò Lefɨ̀Ꞌ, Mpemnà wa chu a ègwet və nkwène ane ya.

Filìpȩ 3:20 ပူးပေါင်းရင်းမြစ်များ

Matìù 19:21

Yesò shu abua tò nê, “À lâ me kɨ kùꞋu a mbì Mbɔ̧ɔ̧mà, à ghà fɨ̧̀ɨ̧̀nè èghɨ bê ègème, ŋà èkab èghɨ mbɔŋ abua bòt mbuŋ, mbɔ̂ nkɨ̀Ꞌɨ̂ nkùŋè am, ko aa li jandèlè a ègwet.”

Lûk 12:21

Yesò me paa èngǎ̧ vi nê, “Eyaa ndɨ àa li wu ane wòt ègème tàa fèta èghɨ nyaŋ mpàŋa abua zi zìambɔŋ a sitsǎꞋ ŋàa, ka mbɔ̂ ngu wòt ntseb a mbì Mbɔ̧ɔ̧mà la.”

Lûk 14:14

ko aa bɔ èlɔ̂t ngu ndɨ bèŋût e ka li ko evəâ èsiꞋ ngaa la. Mbɔ̧ɔ̧mà naa li tsɔꞋɔ àfàꞋ àyê, ane àli yu tàa li yu̧u̧me bòt bu bɔ li ntɨ̧ɨ̧ ndɨŋndɨ̀ŋ a mbì tò ka mpfəèꞋte la.”

ÀfaꞋa 1:11

è shu nê, “Bòt Galìlî, bɨ̀ ka tsi ndzě ngoꞋ yɨ̧ ndɨ̀ŋkè ègwelebuule. Èlɨ Mbɔ̧ɔ̧mà nɨ Yesò waa, abua yɨ̧ nɨŋ nga a ègwet la, wu wuê ndɨ tàa li mě kɨꞋɨ la.”

1 Kɔlìn 1:7

bɨa bɔ èghɨ ègème Fo Mbɔ̧ɔ̧mà nàa ŋa la, mbɨ̀Ꞌɨ̀ bɨ̀a nchɨ̀Ꞌà Mbɔ̧ɔ̧mà naa ghɨ̌ Yesò Klistò Lefɨ̀Ꞌ wa naa pùùlà la.

1 Kɔlìn 15:48

Bòt sitsǎꞋ aa mbɨ̀Ꞌɨ̀ wòt wu bɔ li nɨ̀ ètsaꞋ ngɨ̀ atò la, bòt ègwet e wu mbɨ̀Ꞌɨ̀ wòt wu tà li ndzə a ègwet la.

2 Kɔlìn 4:18

Eyaa wu lə ba bakà nɔŋe mèntɨ̧ɨ̧ ma ane èghɨ bɔ̀ɔ ndzea la, ba nɔ̀ŋe ane èghɨ bɔ̀ɔ ka ye la. Èghɨ bɔ̀ɔ ndzea la e wu wuê ane kètem àfɨ̀Ꞌ, ka èghɨ bɔ̀ɔ ka ye la e wu ane àlia nè àlia.

2 Kɔlìn 5:8

Ale, baa ngùꞋtà wa mè ndâ nko nê, aà mbɔ̀ nê bà sǎ mbɨ̧te ènyit ta tàa ngà ngu nè Tǎt wa Yesò Klistò àdziꞋa tà wù la.

Gàlashìà 4:26

Ka Jèlusalèm wu ègwet la ntsě àlaꞋ a èbùꞋ. Ta wu nyɨ̌ wa.

Efesɔ̀s 2:19

Ale, bɨ te ntsě bègɨ̧̀, bɨ̀ ka mê ngu bòt ntsea tsě la. Bɨ tsiꞋi bòt àlaꞋ yeamɔꞋ nè bòt Mbɔ̧ɔ̧mà, ntsìꞋi àlo̧ yeamɔꞋ nè bòt Mbɔ̧ɔ̧mà.

Efesɔ̀s 2:6

Mbɔ̧ɔ̧mà li njù̧ù̧me awa ba Yesò ba nɔ̂, ngɨ̀ ba Yesò Klistò ba e tseke a ègwet.

Filìpȩ 1:10

A wu ale, ko bɨa me ntsèka nkoa àghɨa è wù àyea ntsɔ̧̀ la. Ko bɨa tsiꞋi bòt mèntɨ̧ɨ̧ kèfə, kà wòt wuê ko eshu nê bɨ ghɨa kàbɔ̀ŋ te eghǎ edzə ane àli yu Yesò Klistò nàa li e mě ekɨꞋɨ la.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Kɔ̀losìà 1:5

È li ngu àfɨꞋa bɔ li mbɨ̀ ntsɔ̀tè èngǎ̧ nkûŋ wu è wu Ntu̧ Ntsɔ̧̀ Mbɔ̧ɔ̧mà, abua yɨ̧ la, bɨ zə ànəa ntu̧ mbɔŋ shua la. È li ngua ndàꞋà ànəa ntsɔ̧̀ wu betsiꞋa bɨ bɔŋ mbɨ̀Ꞌɨ̀ bɨ nɔ̀ŋè mèntɨ̧ɨ̧ mɨ̧ adù̧ me chɨ̀Ꞌɨ̀ la. Wu ànəa ntsɔ̧̀ waa Mbɔ̧ɔ̧mà neetè nɔŋe abua yɨ̧ a ègwet bɨ mè me chɨ̀Ꞌɨ̀ la, ka a ghɨ̂ bɨ zì mèntɨ̧ɨ̧ mɨ̧ ane Yesò mè me kɔ̀ŋkè bòt Mbɔ̧ɔ̧mà la.

1 Tèsàlonikà 1:10

Bɔ ko mɨ̧̂ nê, bɨà nchɨ̀Ꞌà Waã tò taa chu a ègwet. Waã tò waa wu Yesò Klistò wu Mbɔ̧ɔ̧mà lè yu̧u̧me atò la, è mè ngu tòà tà tsì àwa a èbem ntsǒ Mbɔ̧ɔ̧mà yu tàa li nɨ esaꞋa bòt kàbɔ̀ŋ la.

1 Tèsàlonikà 4:16

Naa li ngu ane àlia mbɔŋ, bòt è zə àtɔŋ a ŋȩ la, tǎt bɔntu̧ Mbɔ̧ɔ̧mà ŋȩ, bòt e zə èsɔndɨk Mbɔ̧ɔ̧mà e làꞋà la, Tè Yesò Klistò zìambɔŋ bɔ̂ nchu a ègwet. Bòt bu bɔ li ndzì mèntɨ̧ɨ̧ mɔb ane Yesò ka mpfəèꞋte la e bɨ̀ njù̧ù̧mê.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Ebùlù 12:22

Ka bɨ kɨꞋɨ tê ntsìꞋi a mbɨ̧̀ èbȩ lu bɔ̀ɔ ntɔ nê Zayɔ̀n la, è wu àpfəèà nɨ̧ a Mbɔ̧ɔ̧mà yû̧ la. Eyaa wu Jèlusalèm wu a ègwet, nè bɔntu̧ Mbɔ̧ɔ̧mà bu kà pà̧ bɔ bù̧ù̧te ane mèngùꞋte la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

Ètsə 1:7

Bɨ̀ ye, tàa nkɨ̀Ꞌa a èbem mbàꞋ. Waa waa naa li ye atò, fɔɔle nè bòt bu bɔ li sɔɔbe atò la. Bòt èlaꞋ ègème a ngɔ̀ŋ ŋaa aa li dɨ̌ nkàà àghɨa a li ngɨ̀ ane tò la. Ane nkûŋ, eyaa bê ngu ndɨ àa li wu la. Àmèn!