Filìpȩ 3:19 - Mundani

¹⁹ Bɔɔ li nyɔ, nkàà bɔ nɨ èghɨ mbɨ̧te ènyit tɔb tèa nkɔ̀ŋkà la ngɨ̀ e tsiꞋi mbɨ̀Ꞌɨ̀ mbɔ̧ɔ̧mà. Bɔɔ ngɨ̀à tè ngù̧a nkùꞋ tɔb ane àghɨa ètsə bɔb e wu me kɔꞋɔ adù̧ la. Bèŋût aà nkwàꞋtà wuê èghɨ ngɔ̀ŋ yaa.

Filìpȩ 3:19 ပူးပေါင်းရင်းမြစ်များ

Matìù 16:23

Ka Yesò ghèble avi shu abua Pità nê, “LɔꞋ a ngèt yaã à Satàn! Àà nkèla alu̧ am. Mènəè maà à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Matìù 25:41

“Taa shu ale, e gheble avi è shu abua bòt bu àbâ àbuantoŋ zi la nê ‘Bɨ̀ lɔꞋɔ a ngèt yaã, bɨ̀a wu Mbɔ̧ɔ̧mà zi ndɔ̀ àtsəa yɨ̧ la ngà a èbem èwet kà wu li elìa Mbɔ̧ɔ̧mà taŋke abua Satàn bɔ̂ bɔntu̧ bi la.

Lûk 12:19

AfɨꞋa màa paa la, maa shu abua am mmɔ̌ mbɔŋ nê, “E ngu wòt èsi ntsɔ̧̀. Mâ bɔ èghɨ ntsɔ̧̀ ègème màa nkɨ̀a la ane mèngùꞋ nyaŋ. È nka tsi dèbè ènyit yaã a, maa jɨ, enu, e mě wùꞋte am ntsɔ̧̀.” ’

Lûk 16:19

Yesò ghɨ̀ ale, mè shu abua yɔb nê, “Wòt èkab, kǒ lè lɔ̂Ꞌ nguê, ntaꞋa wua nkwà̧aã ndìte èkab ete membaŋ nè te kèfə, mbɔ̂ me tseke a èbem èghɨ ntsɔ̧̀ àli àgème,

Lûk 18:4

“Àvi wu me kɨꞋɨ ale, saꞋa mèkěm wu ka wua njùta ànəa tà shua la, ka àfɨ̀Ꞌ a tseke tè me wu tà nê, ‘Maa kà bàte mbɔ̀a a Mbɔ̧ɔ̧mà bɔ̂ bɔbȩ,

Lûm 16:18

Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

Lûm 6:21

Àbȩ̀ yu bɨ̀ le wua mbɔ a màngɨa èghɨ bu bɨ tsiꞋa mbɔ àtsəa kɔꞋɔ adù̧ àfɨ̀Ꞌ yaa la wu ghàà? Èghɨ mbɔŋ aa ŋa èvə.

1 Kɔlìn 3:3

nkàà nê bɨ bela ntsèka mbɨ̀Ꞌɨ̀ bòt ngɔ̀ŋ yaa. Ndɨ̀ wu bɨ̀ bela ngòꞋnà bɔnyɨ bɨ̧ mè nùà nè nɔ̀b la, a wua nyɨ̀Ꞌta nê bɨ bele mbɨ̀Ꞌɨ̀ bɔbȩ, mè ngɨ̀à mènəè mɨ̧̂ mbɨ̀Ꞌɨ̀ bɔbȩ ko.

1 Kɔlìn 5:2

Bɨ bɔ̂ me ŋeꞋe tèkwȩ a ègwet nê bɨ wu bòt Mbɔ̧ɔ̧mà, è bɔ̂ ngu àghɨa bɨ wuê tseke ane tèsȩ me shùù mèsi la. Bɨ̀ tsǐ wòt tà ghɨ̀ èwuu ànəê yaa la ayɔɔ yɨ̧.

1 Kɔlìn 5:6

È ntsě ànəa ntsɔ̧̀ bɨa me ŋeꞋe tèkwȩ tɨ̧ a ègwet. Bɨ bakà ko laꞋ nê betsiꞋa adziꞋi yis ghɨ̀ apfəèꞋ fàlawà kɔꞋ ndû̧ èpfəêꞋ?

2 Kɔlìn 11:12

Maa me ghɨ̀ àghɨa màa ngɨa àfɨ̀Ꞌ yaa la nɨa ngà nè mbì mbɨ̀Ꞌɨ̀ bòt bu bɔ̀ɔ ngà̧aã shua nê awɔb tsàà Mbɔ̧ɔ̧mà la è ka tsi eye èlu̧ bɔ̀ɔ me ghàꞋte àwɔb shua nê bɔɔ fàꞋà wuê mbɨ̀Ꞌɨ̀ mmɔ̌ la a.

2 Kɔlìn 11:15

Satàn wu ghɨ̀ anè, à ka ntsè àwɨ̧ nê bɔfàꞋ tò aa me ghɨ̀ wuê a èlɨ mbɔŋ. Mbɔ̧ɔ̧mà naa ŋa àbȩ̀ àyɔb ane ndɨ àfàꞋa yɔb a nyɨꞋte la.

Gàlashìà 6:13

Ka è màà ngu wuê bòt bu bɔ naŋe awɔb la, ko bɔɔ̀ kà lem ngɨ̀ mbɨ̀Ꞌɨ̀ mbɨ̧te Musì te kɨa la, mbɔ̂ bɔ me kɨ nê bɔ̀ naŋe awɨ̧ mbɨ̀Ꞌɨ̀ bɔɔ me wùꞋtè àwɔb ane àghɨa bɨ ghɨ̀ ane mbɨ̧̀ ènyit yɨ̧ la.

Filìpȩ 2:21

Bòt ko nyaŋ mâ ye la bɔɔ ndzəèa wuê mɔb nè mènəè, wòt kà wuê ane yɔb tàa nkwàꞋtà ànəa Yesò Klistò la.

Kɔ̀losìà 3:2

Bɨ̀ me mɨ̀ɨ̀te mè nkɨ̀a wuê èghɨ bu a ègwet la, bɨ̀ ka ndzì mèntɨ̧ɨ̧ mɨ̧ ane èghɨ ba a sitsǎꞋ ŋàa la.

2 Tèsàlonikà 1:9

Mbɔ̧ɔ̧mà nàà li ghɨ̌ bɔɔ ye ngoꞋ kèkweelè kà wu li e lìa. NgoꞋ yaa wu nê taa lo awɔb etsǐ ane Yesò, e ghɨ̌ bɔɔ baka ye ènɨ̧ tò wu e ghe la.

2 Tèsàlonikà 2:12

Àfɨta mbɔŋ aa ghɨ ndɔ̀ Mbɔ̧ɔ̧mà naa nɔ̀ŋke àtsəa yɔb wu bàgème bɔ̀ɔ nkɔ̀ŋkà e me ghɨ a kàbɔ̀ŋ, mbɔ̂ ntù̧u̧ ebɨ̧ɨ̧ne èngǎ̧ nkûŋ la.

2 Tèsàlonikà 2:8

Wu àfɨꞋa mbɔŋ ka wòt wu tàa ka bê nkɨ ezə ànəa Mbɔ̧ɔ̧mà la nàa pùùlà la. Ka Yesò Lefɨ̀Ꞌ naa me ghɨ̀ tê nkɨ̀Ꞌɨ̂ ane ènɨ̧ vi mbê foo atò, ngɨ̀ àyea tò a mì.

1 Tɔ̀màtià 6:5

Àyaa aà mè ngɨ̀à bòt bu mèyǐ mɔb nàa ka tsi efàꞋ ntsɔ̧̀, ànəa nkûŋ à ka tsi ngu a èbem lɔb la, e tseka nkàànà wuê mènəè, mɨ̀ɨ̀tà nê e wu wòt Mbɔ̧ɔ̧mà wu alu̧ màmbɔ èkab nè èghɨ ko tsa nyaŋ.

2 Tɔ̀màtià 3:4

Bòt aa li tsiꞋa ndàꞋà mèngà̧ nɨ̀a fɨ̧̀ɨ̧̀nà beko, ngɨ̀à mènəè èkèghɨ̧̀ ŋèꞋa tèkwȩ tɔb a ègwet kwàꞋ ànyaꞋne. Bɔɔ li tsiꞋa nkɔ̀ŋkà wuê èghɨ àa mbɔ̀ àwɔb la, tè ntse a Mbɔ̧ɔ̧mà.

Jimsì 4:16

Ka bɨa ŋèꞋe tèkwȩ tɨ̧ a ègwet, ngù̧a nkùꞋ tɨ̧, ka bɔ̂ tèkwȩ tɨ̧ ngaa bɨ ŋeꞋe a ègwet la wu ànəa kàbɔ̀ŋ.

2 Pità 2:1

Bòt ko e li ndɔ̀Ꞌte a si ayɔɔ bòt Izəèlȩê me fɨta shua nê bɔ wu bèndàꞋàtɔŋ Mbɔ̧ɔ̧mà. È bê ngu wuê èlɨ bènyɨꞋtà ko àa lɔ̀Ꞌte a si ayɔɔ yɨ̧ e me fɨte awɨ̧ mɨ̧̂ la. Bɔɔ yɨ̧ɨ̧te kɨꞋɨ me làꞋà mèngǎ̧ tsòkè ètsə bɨ̧. Bɔɔ ghɨ̀ ale, te gha ewu àdziꞋa bɔ̀ɔ tu̧ a Tè Yesò Klistò wu tà li njù̧ ètsə bɔb la, ale etɔ ngoꞋ naa bê kwene a ègwet lɔb eliime awɔb.

2 Pità 2:13

NgoꞋ naa nɔ̀ŋke àtsəa yɔb wuê mbɨ̀Ꞌɨ̀ bɔ ghɨ̂ è nɔ̀ŋke àtsəa bòt ko la. Àghɨa àa mbɔ̀ àwɔb la, wu màngɨa àghɨ àgème mbɨ̧te ènyit tɔb tèa nkɨà la kwàꞋ a kètsìà nèngû̧. Bɔ wua ndòa mèkù mɔb mɨ̧̂. Bɔ̀ɔ ngɨ̀ bɔ me fɔte èghɨjɨ bɨ tò ba njɨ̀a àdziꞋa bɨ̀a mbù̧ù̧tà la, mbɔ̂ mènəè mɔb wu èbɨꞋte ènəê àtsəa kɔꞋɔ. Aà mbɔ̀ àwɔb ndɨ bɔ̀ɔ ngɨ̀à èghɨ ngaa a kètsìà wɨ̧ la.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.

Jûd 1:10

Ka bòt ba aà ndàꞋa kàbɔ̀ŋ adù̧ ànəê àgème bɔ̀ bakà ko la. Bɔɔ ngɨ̀à mènəè mbɨ̀Ꞌɨ̀ mbɨ̧te ènyit tɔb tèa nkɨà la kà kwàꞋtè, wuê mbɨ̀Ꞌɨ̀ banyaãbàꞋ. Bɔɔ ye ngoꞋ nkàà èghɨ bàa.

Jûd 1:16

Bòt baa aà ntsèka ndèmà a tèbèm tɔb, fèèlà bòt. Bɔɔ ngɨ̀à mènəè wuê mbɨ̀Ꞌɨ̀ mbɨ̧te ènyit tɔb tèa nkɨà la, ngwàbta mètsəê mɔb ngù̧a nkùꞋ tɔb. Bɔɔ fɨ̀ta bòt mɨ̧̂ mbɨꞋɨ ejɨ àbȩ̀ akwen yɔb.

Jûd 1:4

E shɨa ale nkàà nê, bòt ko bɔ tu̧u̧ a Mbɔ̧ɔ̧mà la e yɨ̧ɨ̧tè nyi a kètsìà wɨ̧. Bɔɔ ngèbla èngǎ̧ tò wu àa nyɨ̀Ꞌta èkɔŋ tò la, mbɨ̀Ꞌɨ̀ ebɔ èlu̧ e me ghɨ̌ èbɨꞋte ènəê, mè ntù̧a Yesò Klistò Lefɨ̀Ꞌ wu tà wu Tǎt wa mè ngu ndàꞋ wòt ba bɔ ndɨ bàa me zə atò la. Mbɔ̧ɔ̧mà li ndzaŋe saꞋa ànəa bòt baa, tè nê aa li ebɨɨ abà yɔb.

Ètsə 18:7

Bɨ̀ ŋa tò ngoꞋ mè ngɨ̀ tà me tseke ane tèsȩ tè è wu mbɨ̀Ꞌɨ̀ ènɨ̧ nè èghɨ bu tàa ntòòlà àvi a èbèm la. Bɨ̀ ghɨ̀à ale ndɨ̀ wu tàa ngù̧a nkùꞋ zi è shua nê, ye tseke mbɨ̀Ꞌɨ̀ fɔ̧̀ àvi, yè ka wu nempfə, yè ka meè ngu li lɔꞋɔ edɨ̀ mèsi la.

Ètsə 19:20

Bɔ nù ale mbà̧aã nyà̧mɔ̀Ꞌ yu mbɨ̀Ꞌɨ̀ àbùꞋ a èbet, mè baãaã ndàꞋàtɔŋ fɨ̀te wu tà li ngua ngɨ̀à mènəè ngɨŋa a mbì tò fɨ̀ta bòt la. Tà li ngua fɨ̀ta bòt bu bɔ bɔ àlȩê nyà̧mɔ̀Ꞌ yu ane yɔb, mè me kukte a wamâlem tò wu la. Bɔ ghɨ̀ ale, màꞋà nyà̧mɔ̀Ꞌ yu bɔ̂ ndàꞋàtɔŋ fɨ̀te wu èyu̧ a èbem èwet ko àa mbɨ̀Ꞌɨ̀ èlemè nkòòla nè èkem adù̧ la.

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.