Filìpȩ 3:18 - Mundani

¹⁸ Mâ taꞋa elàꞋa èngà̧ waa abua yɨ̧, mè ngu anè nkɨ me làꞋa ne mèsi àghɨ am. Nê, bòt ko aà və a kètsìà wɨ̧, bɔ̀ɔ ngɨ̀à mènəè mɔb mbɨ̀Ꞌɨ̀ bòt bɔ̀ɔ mpaaba ezə nê Yesò Klistò li mpfə a mbɨ̧̀ mbasa la.

Filìpȩ 3:18 ပူးပေါင်းရင်းမြစ်များ

Lûk 19:41

Mbɨ̀Ꞌɨ̀ Yesò kɨꞋɨ tê me dzə àpfəèà nɨ̧ a Jèlusalèm la, tà lɔ̀kè àvi ndzè àpfəa mbɔŋ, mbùù èdɨ̂ ambo bòt àpfəè və.

ÀfaꞋa 20:19

E ndi ngua ngɨ̀à àfàꞋ am mbɨ̀Ꞌɨ̀ wɔ̀fàꞋ Mbɔ̧ɔ̧mà àfɨ̀Ꞌ àko nè mèsi, kà wua ŋèꞋa tèkwȩ taã a ègwet. È ghɨ̀ è wu àfɨ̀Ꞌ àko, Bèjuê ko e taꞋa ŋa ngoꞋ abua am, e mbɔ̂ me ghɨ̌ àfàꞋ yu nga wuê nè mbì.

Lûm 9:2

Tèsȩ tea ndâ nkua am, èntɨ̧ɨ̧ am e mè ndù̧à àfɨ̀Ꞌ àgème ane ànəa bòt ba bòt Izəèlȩê.

1 Kɔlìn 1:18

Èngǎ̧ ànəa èvə Yesò Klistò a mbɨ̧̀ mbasa e wu mbɨ̀Ꞌɨ̀ èngǎ̧ àkèghɨ̧̀ abua bòt bu nyɔ la; ka è me wu abua ya wu bàa pèma la, ko wu mètàŋ Mbɔ̧ɔ̧mà.

1 Kɔlìn 6:9

Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

2 Kɔlìn 11:13

Èwuu bòt mbɔŋ ntsě ngule bɔntu̧ Yesò. Bɔɔ nɨa àfàꞋ àyɔb mvəèəlà àghɨ a bòt nkɨà bɔɔ me mɨ̀ɨ̀te nê awɔb tsàà Yesò Klistò.

2 Kɔlìn 11:29

Wòt nàa me yu ane mènəè Mbɔ̧ɔ̧mà, è nka wu ntsɔ̧̀ wuê mbɨ̀Ꞌɨ̀ e ntsiꞋi tòà. Wòt nàa ngɨ̀à wekǒ ghɨ a kàbɔ̀ŋ, e ntsiꞋi a èbem ngoꞋ.

2 Kɔlìn 2:4

E ndi me shɨ àkata ngaa, a taꞋa saa am a èntɨ̧ɨ̧ am tè mèsi chu àghɨ am kwàꞋ ànyaꞋne. E ndi me shɨ è nka wua nkɨà mèntɨ̧ɨ̧ mɨ̧ naa me ghò̧ò̧ne. E ndi ngua nkɨà bɨa ko ndɨ màa ndâ nkɔ̀ŋkà àwɨ̧ la.

Gàlashìà 1:7

È ka lema shua nê èngǎ̧ Mbɔ̧ɔ̧mà ko tsa aà və, ka bòt ko aà və bɔ̀ɔ ŋǎ wɨ̧ ngoꞋ nkɨ etsòke Ntu̧ Ntsɔ̧̀ Yesò Klistò la.

Gàlashìà 2:14

Ka àfɨꞋa mâ ye nê bɔɔ̀ kà ghȩȩne ndɨŋndɨ̀ŋ mbɨ̀Ꞌɨ̀ Ntu̧ Ntsɔ̧̀ Yesò kɨa la, e mbììte a Pità a mbì lɔb bàgème nê, “Àwɔ̀ waa à wu wòt Juê la, àa ntsìꞋa ngɨ̀à mbɨ̀Ꞌɨ̀ wòt kà wu wòt Juê anè tè ngu e ghɨ̀ na ka ŋwèèle bòt kà wu Bèjuê bɔɔ tsiꞋi Bèjuê à?”

Gàlashìà 2:21

E mbakà tu̧u̧ ntsɔ̧̀ wu Mbɔ̧ɔ̧mà nyɨꞋte am nkàà a Yesò Klistò la. Wòt ghɨ̀ ale, ngua ntɨ̧a ndɨŋndɨ̀ŋ a mbì Mbɔ̧ɔ̧mà nkàà na tàa ngɨ̀à mbɨ̀Ꞌɨ̀ mbɨ̧tsə te kɨa la, ko a nyɨꞋtè nê Yesò Klistò li mpfə kwàꞋ àku.

Gàlashìà 5:21

MàngoꞋna bòt, màmbuŋa wòt, màmbea mèlùꞋ, nè màngɨa àghɨ àgème èntɨ̧ɨ̧ wê àa nkɨà la, fɔ̀ɔ̀lè ne èghɨ ko tsa. TsiꞋ e mèe səèŋkè ètû̧ bɨ̧ mbɨ̀Ꞌɨ̀ e ndi ndzii ghɨ̀ la, nê bòt bu bɔ̀ɔ ngɨ̀à èwuu èghɨ mbɔŋ la è ka li nyi a kèfɔ̧̀ Mbɔ̧ɔ̧mà a.

Gàlashìà 6:12

Wu bòt bu bɔ̀ɔ nɨ̀a èghɨ nàbȩ̂ nkɨ enyɨꞋte nê bɔ ghe la ka nkɨ eŋwèèlè àwɨ̧ nê bɔ̀ naŋe awɨ̧ la. NdàꞋ lə bɔ ghɨ ale la wu mbɨ̀Ꞌɨ̀ bòt e me kɨ àtsə ayɔb enɨ nê bɔɔ̀ ndàꞋà ndɨ Yesò Klistò li mpfə a mbɨ̧̀ mbasa la.

Gàlashìà 6:14

Ka betsiꞋa mmɔ̌ mbɔŋ è nka wuꞋte am ane ànəa ko tsa kà wu mbasa wu Yesò Klistò Lefɨ̀Ꞌ wa li pfə adù̧ la. Èvə tò e li ngɨ̀ e mpfə àghɨ a ngɔ̀ŋ yaa, ngɔ̀ŋ yaà mè mpfə àghɨ am.

Efesɔ̀s 4:17

Ale, e ngua səèŋkà ètû̧ bɨ̧ ane àtɔŋ yu Yesò Klistò ŋa abua am la shua nê, bɨ̀ ka tsi me ghɨ̀ mènəè mɨ̧ mbɨ̀Ꞌɨ̀ bòt bu kà ko a Mbɔ̧ɔ̧mà la. Mèmɨ̀ɨ̀te mɔb wu àku.

Filìpȩ 1:4

Màa ngɨ̀ è me tsàꞋte a Mbɔ̧ɔ̧mà àtsəa yɨ̧ bɨ̀agème, èntɨ̧ɨ̧ am e lu̧u̧ ne kèŋwaŋ,

1 Tèsàlonikà 4:6

Wòt ane yɨ̧ ka fìble wanyɨ vi ngɨ a kàbɔ̀ŋ ane tò, nkàà nê bòt bu bɔ̀ɔ ngɨa kàbɔ̀ŋ la aa li ye ngoꞋ a tèkitebu Mbɔ̧ɔ̧mà mbɨ̀Ꞌɨ̀ ba li ndzaŋe shu awɨ̧ la.

2 Tèsàlonikà 3:11

Ba làꞋà anè nkàà nê, bɔ shu awa nê bòt ko ayɔɔ yɨ̧ aa ndȩȩta a màfaꞋa, bɔ̀ ka wua ngɨ̀à àghɨ, me ŋeꞋe wuê awɔb nchɨ̧̀a a èbem mènəè bòt tsa.

2 Pità 2:10

Mbɔ̧ɔ̧mà naa ghɨ̀ anè te tsě, ane bòt bu bɔ̀ɔ ngɨ̀à wuê èbɨꞋte èghɨ bu mbɨ̧te ènyit tɔb tèa nkɨà la, bɔ̀ ka mê ngua ndzəa bòt bu bɔ̀ wu àtsəa yɔb la, ka è màà ngu wuê wà leꞋ. BènyɨꞋtà fɨte ngaa e kweele àtsə mè mbɔ̀ mètsəê kàbɔ̀ŋ tè bɔ̀ ka tsi ngua mbɔ̀a elàꞋa kàbɔ̀ŋ adù̧ èghɨ àa ntsèka a ègwet la.

Jûd 1:13

Bòt baa e mè ngu mbɨ̀Ꞌɨ̀ èfuu *èdzî èkekweelè, nè mènəè àtsəa kɔꞋɔ mɔb nkɔ̀Ꞌa mbɨꞋɨ̀ àlejuu èfuu *èdzî. Bɔ fəə těnto̧ tu tèa ngà̧aã kà nɔŋe àtsə la. Mbɔ̧ɔ̧mà è taŋke àdziꞋ abua yɔb a èbem kèbìꞋà àa wu ane àlia nè àlia la.